LUGUBULO 15:3 - Bibilia ya Kizalamo

³ Wakala wokwimba wila wa Musa, mtumigwa wa Mulungu, na wila wa Mwana Ng'hondolo, “Mndewa Mulungu Mwene Mhiko, sang'hano zako ng'hulu na zokanganya! Nzila zako zabule uzenzeleganye na za ikweli, Mndewa wa gunge na gunge!

Lagano da Isambi

³ Wemba lwila lwa Mose mtumigwa wa Mulungu, na lwila lwa Mwananghondolo, walonga, “Sanghano zako nghulu na za unzonza, Magana Mulungu Mwene nhogolwa; nzila zako zigoloka, zizo za ihoko, gweye Mndewa wa wanhu wose!

LUGUBULO 15:3 Iomraidhean Croise

MWANDUSO 17:1

Ablam viyakalile na milao malongo tisa na tisa, MNDEWA kamulawilila, kamulongela, “Nie iyo Mulungu Mwene Mhiko. Nitegeleze nie na sambiuwe na mbuli na munhu.

Yohana 1:17

Mulungu katugwelela Malagizo kubitila Musa, ila ngekewa na kweli viza kubitila Yesu Kilisto.

1 Timoteo 1:17

Ha Mndewa wa digunge, yalibule nziga, yoleka koneka, yali Mulungu yeiyeka, yenzi na hishima viwe kumwake milongo yose. Amina.

Waebrania 3:5

Musa kakala mtumigwa yalibule uzenzeleganye Mng'anda ya Mulungu giladi yazilonge mbuli zondazilongwe na Mulungu mazua ga hamwande.

LUGUBULO 1:8

“Nie iyo Alufa na Omega,” nhegulo yake “Waichanduso na Waikimambukizo,” kolonga Mndewa Mulungu. “Nie iyo yakalile baha, yali baha, na yondayawe baha, iyo Mwene Mhiko.”

LUGUBULO 11:17

wolonga, “Tokuheweza, Mndewa Mulungu Mwene Mhiko, uli baha na ukalile baha, kwavija kuisola mhiko yako ng'hulu, na kusonga kutawala.

LUGUBULO 14:3

Wemba wila wa sambi haulongozi wa ikigoda cha undewa na haulongozi wa waja wene ugima wane na haulongozi wa iwavyele. Haduhu munhu yadahile kwimba wila uja ila waja wanhu 144,000 wakomboligwe kulawa muisi.

LUGUBULO 14:8

Abaho nimona msenga wa Mulungu wa kuulanga wa ikabili, yolonga, “Kulagala! Kulagala Babeli wambo kulu! Dino dijo wambo ditendile isi zose zing'we ugimbi wa sulukila yake ya ugoni.”

LUGUBULO 17:14

Wandewa longo dimwe na ija imng'onyo wogomba na Mwana Ng'hondolo, ila Mwana Ng'hondolo, hamoja na waja wakemigwe, wasaguligwe, na walibule uzenzeleganye, kowahuma kwavija heyo iyo Mndewa wa Wandewa na Mkulu wa Wakulu wa isi.”

LUGUBULO 19:16

Mkivalo chake na uchana ya haza jake, kukala na twaga jandikigwe, “mkulu wa wakulu wa isi na mndewa wa wandewa.”

LUGUBULO 19:2

kwavija nhaguso yake ya ikweli na yabule uzenzeleganye. Kamtagusa ija imtenda ugoni ndwanga yaibanange iisi na ugoni wake. Mulungu kamtagusa kwavija kawakoma watumigwa wa Mulungu.”

LUGUBULO 4:8

Na waja wene ugima wane, kila imwe kakala na mbawa sita, na wakala na meso kila hanhu, hata muuvungu wa mbawa zao. Imisi na ikilo hawalekile kulonga, “Yang'alile, yang'alile, yang'alile, iyo Mndewa Mulungu Mwene Udaho, yakalile baha, yali baha, na yondayeze.”