Yuda 1:7 - Kivunjo New Testament 1999

⁷ Chandu kyiwei Sodoma na Gomora hamwi na mṟi iwekyeri mṟasenyi, waleosha wuṟui kui mbaṟe imwi na iwa, wakandeosha mbonyi tsa kyimmbiu tsilawaṟi wookyia kacha, kyilewiko kyiwe kyiṟingyishio, wechianduyo moṙonyi o mlungana.

Yuda 1:7 Iomraidhean Croise

Matayo 10:15

Ny'kyaloi, ngammbia, kyechiwa kyaangu uruka lo Sodoma na Gomora ihooṟio maṙeko mfiri ulya o ianduyo kuta mṟi-cho.”

Matayo 11:24

Kyaindi ngammbia, kyechiwa kyaangu ko uruka lo Sodoma ikarishia ngapo yalo mfiri o ianduyo kuta iyoe.”

Matayo 25:41

Numa ya iho nechiwia na walya wakyeri kuwoko kokye ko kumoso, ‘Wukyenyi koko, nyoe muwasese, muyende moṙonyi o mlungana, umṟeyeṟie Mokyiriinzi na malaika wakye.

Luka 17:29

kyaindi mfiri ulya Loti alewuka Sodoma kuleoloka moṙo na kyipiriti iwuka ruwewu, shikawarumatsa woose.

1 Wakorinto 6:9

Ang'u muichi kye wandu wawicho wechioṟa Wumangyi wo Ruwa-pfo? Maa mulakulembe. Waṟui wechioṟa Wumangyi wo Ruwa-pfo. Maa wekyeindia mafano, maa wekyewuta shindo shiwicho na wandu wa nguwo tsawo,

2 Watesalonikye 1:7

na imutaa nyoe muilyiso wukyiwa sia hamwi na soe; kyiyeri kya iloṟo lya Mndumii Yesu iwuka ruwewu hamwi na malaika wa wuiṙimi wokye.

2 Watesalonikye 1:8

Nesoka moṙonyi wuiaka; kunu echitaa kyiṟaache iwo walaichi Ruwa, na iwo walaindie Ndumi Ngyicha ya Mndumii oṙu Yesu.

2 Petiro 2:2

Wafoi waiṙikyie wewuta shindo shifananyi na walosha-wo wa wongo. Na walya walaiṙikyie wakawona kuṙo, weṙeṙa mawicho kyipfa kya iiṙikyia lya Kyikristiano.

2 Petiro 2:6

Lyingyi-se, kaanduya mṟi ya Sodoma na Gomora echiinyamaṟa kui moṙo, kaiwika iwe kyiṟingyishio ko wandu walechiiṙikyia Ruwa numa ya ishi,

2 Petiro 3:7

Kyaindi ngyina tsa wulalu na uruka shingyikoome kyiseyesoe kui moṙo, kui Ṙeṙo-lyo ilyo, shechiringo mṟasa mfiri o ianduyo, na kui irumara lya wandu walaiṙikyie Ruwa.