Yuda 1:6 - Kivunjo New Testament 1999

⁶ Na malaika walaleringa wuchilyi wowo wawenyi, kyaindi wakaṙa kanyi kowo kuwewaṟi nalewawika shipfungonyi sha mlungana kundu ko meema ko ianduyo lya mfiri ulya ung'anyi.

Yuda 1:6 Iomraidhean Croise

Matayo 10:15

Ny'kyaloi, ngammbia, kyechiwa kyaangu uruka lo Sodoma na Gomora ihooṟio maṙeko mfiri ulya o ianduyo kuta mṟi-cho.”

Matayo 25:41

Numa ya iho nechiwia na walya wakyeri kuwoko kokye ko kumoso, ‘Wukyenyi koko, nyoe muwasese, muyende moṙonyi o mlungana, umṟeyeṟie Mokyiriinzi na malaika wakye.

Matayo 8:29

Wakakalagatsa, wechigamba, “Luwoṙe kyikyi na iyoe, Mana o Ruwa? Ngyesa nocha ichelutuura kyiyeri kyaṙu kyilashika?”

Yohane 8:44

Nyoe nyi wa awu onyu Mokyiriinzi, na lango tsa awu onyu nyitso mukundi itsiosha. Oe nyi mmbaagi wookyia mawookyionyi; maa alandekae ura lo wuloi-pfo, cha kyipfa kokye kuwoṙe wuloi-pfo. Kyiyeri aṙeṙa wongo, nekyeṙeṙa shikyeri shakye amonyi; cha kyipfa oe nekyeṙeṙa wongo na nyi awu o wongo.

Waroma 2:5

Indi kyipfa kya wuumu wopfo, na kui mrima opfo ulawoṙe iṙumbuya wunyamaṟi, nuiengeṟa nyashi ya Ruwa kopfo mfiri ulya o nyashi ya Ruwa na iloṟo lya chandu Ruwa ekyeanduya kulawoṙe ikundia.

Wafilyipi 6:12

Kyipfa ikapana lyaṙu soe chi na wandu-pfo; indi nyi na ngyuumangyi na pfinya, na wang'anyi wa meema-chu, nguulyimalyi tsa waṟufui wawicho wuyanenyi wo waṟufui.

Waebrania 10:27

Indi kuwoṙe iweṙelyia ianduyo lyioweshie, na wulang'a wo moṙo ukuṟeyeṟie irumatsa walya wakyeri washituwa wa Ruwa.

2 Petiro 2:4

Mukumburie kye Ruwa naleanduya malaika walya walenyamaṟa. Nalewawiyitsa moṙonyi, kawawika shipfungonyi sha meema, waringo mṟasa kuche mfiri ulya o ianduyo.

2 Petiro 2:9

Kyasia, Mndumii naichi ikyiṟa wandu waowuye na ikunda Ruwa iwuka shiyeshonyi, na ikooma walawoṙe wusumganyi kyiiṙi kya iweṙelyia ianduyo mṟasa mfiri ulya o ianduyo.

Yuda 1:13

Nyi shiwiṟi sha ipalyipalyinyi shilekyewa ishingyia, mawuto gawo ga sonu gakyeri cha iwia lyifanyi lya ipalyipalyi lyifoikyie. Nyi nyenyeri tsikyama-kyama, walya Ruwa awaṟeyeṟie handu mlungana meemenyi ung'anyi.

Ulogo 20:10

Na Mokyiriinzi ulya, ekyewalemba, kawiyitso iruwenyi lya moṙo na kyipiriti, kundu lyikyeri indo lyilya na moonguo shisuku ulya o wongo. Nawo wechilyiso wukyiwa kyio na kyingoto mṟasa mlungana na mlungana.

Ulogo 20:2

Kawaṙa injoka lyilya, injoka lyilya lya kacha, Mokyiriinzi ang'u Satana, kalyipfunga maka kyiku.