Yuda 1:21 - Kivunjo New Testament 1999

²¹ kuringyenyi ikundenyi lya Ruwa, kunu mochiweṙelyia iwonio wukyiwa lya Mndumii oṙu Yesu Kristo, mṟasa muambilyie moo o mlungana.

Yuda 1:21 Iomraidhean Croise

Yohane 1:17

Cha kyipfa uwawaso luleṙiko iiṙia Mose; isaṟia na wuloi shilecha iiṙia Yesu Kristo.

Yohane 14:21

Ulya aambilyia mawawaso gako na igaosha, icho nyi oe angyikundi; na ulya angyikundi Awu oko nechimkunda; na inyi ngyechimkunda na imloṟa mbonyi tsako na pata.”

Mawuto Ga Wasu 11:23

Na oe, amshikye na iwona isaṟia lya Ruwa kachihiyo, katerewa wandu woose waoshane na Mndumii kui iiṙikyia lyiwukyie mrimenyi.

Waroma 5:21

kundu kye chandu wunyamaṟi wulechilyia upfunyi, na wuṙo kui njia ya wusumganyi isaṟia lyichilyie mṟasa moo o mlungana kui Yesu Kristo Mndumii oṙu.

Waroma 5:5

Na ikusuria lyekyeende sonu-pfo; cha kyipfa ikunda lya Ruwa lyamletsio mrimenyi koṙu kui Mumuyo Mweele luleenengo soe.

Waroma 6:23

Kyipfa wori wo wunyamaṟi nyi upfu, indi kyisumbo kya Ruwa nyi moo o mlungana kyiiṙi kya Kristo Yesu Mndumii oṙu.

Waroma 8:39

maa shikyeri wuye, maa shikyeri wanda, maa kyindo kyingyi kyoose kyikyigumbe kyechiiṙima iluletsana na ikunda lya Ruwa lyikyeri kyiiṙi kya Kristo Yesu Mndumii oṙu-pfo.

2 Wakorinto 13:14

Isaṟia lya Mndumii Yesu Kristo, na ikunda lya Ruwa, na isanza lya Mumuyo Mweele, lyikae na nyoe moose.

2 Watesalonikye 3:5

Mndumii namusongoye mrima yanyu muambilyie ikunda lya Ruwa na wusimiri wo Kristo.

1 Timoteo 1:2

ngaṟeia paruo-i ko Timoteo, mana oko mkunde iiṙikyienyi. Isaṟia lyikae kopfo, na ihooṟia, na ufoṟo, shiwukyie ko Ruwa Awu na ko Kristo Yesu Mndumii oṙu.

2 Timoteo 1:16

Mndumii naenengye isaṟia walya wa ura lo Onesifoṟo, kyipfa kafoi nalengyichihiṟa, maa alerigo sonu nyi kyipfa kya ilyi ngyiwempfungye-pfo,

2 Timoteo 1:18

Mndumii namwenengye iwona isaṟia mbele ya Mndumii mfiri ulya o ianduyo. Na chandu alengyiṟundia kulya Efeso, iyoe nuichi mnu.

2 Timoteo 1:2

ngaṟeia paruo-i ko Timoteo, mono-ko mkunde. Isaṟia lyikae kopfo, na ufoṟo, shiwukyie ko Ruwa Awu na ko Kristo Yesu Mndumii oṙu.

2 Timoteo 4:8

Numa ya iho Ruwa nangyikoomie oṟo ya wusumganyi, iya Mndumii moanduya awoṙe wusumganyi echingyienenga mfiri ulya, maa chi inyi tupu-pfo, indi na wandu woose taa wakundi iwona iloṟo lyakye.

Waebrania 9:28

na wuṙo Kristo na oe, ammbuto iwa kyiṙaso lyimwi tupu na iṙuo ngyuunyamaṟi tsa wandu wafoi; nechicha-se lya kawi, kulawoṙe wunyamaṟi, ko walya waimmbeṙelyia nachewakyiṟa.

2 Petiro 3:12

mochiweṙelyia mṟasa mfiri ulya o Ruwa uche, mochiuitika, na kyiiṙi kya mfiri-cho ngyina tserumatso tsechiunguo, na shindo sha wuyana shechisenekyia na isalaa?

1 Yohane 4:16

Na soe lomanya ikunda Ruwa awoṙe koṙu soe, na ilyiiṙikyia. Ruwa nyi ikunda, na ulya ekyekaa ikundenyi, nekyekaa ko Ruwa, na Ruwa nekyekaa kokye.

1 Yohane 5:18

Luichi kye orio mndu amfee nyi Ruwa ekyewuta kyindo kya wunyamaṟi-pfo; indi ulya amfee nyi Ruwa nekyekuṟumaa, maa Satana ekyempaaya-pfo.

1 Yohane 5:21

Wana wako, wikyienyi mrima yanyu kuleshi na mafano.

Yuda 1:1

Inyi Yuda, mṟundi o Yesu Kristo, na mono-wama o Yakobo, ngyimuṟeia paruo-i nyoe muwalage nyi Ruwa, mulekundo nyi Ruwa Awu, na ikoomo kyipfa kya Yesu Kristo.

Yuda 1:22

Woṙonyi nyi wukyiwa mrimenyi kyipfa kya wengyi waikapa kawi,

Yuda 1:24

Icho eiṙima imuringa nyoe mulakape ṙende, na imugoṟotsa mbele ya mng'ano okye kulawoṙe iteiya sienyi ing'anyi;

Ulogo 12:11

Nawo wakammbinga kui samu ya Kyiondo kya Ruwa, na kui mbonyi tsa wuṟingyishi wowo; walya walalekunda moo yawo mṟasa ipfa.