Yohane 9:7 - Kivunjo New Testament 1999

⁷ kammbia, “Yenda undesamba kulya iruwenyi lya Siloamu.” (Kyimwi na igamba, “Aleṙumo.”) Kyasia mndu ulya awei kyipfupfuṟe kayenda na isamba; kawuya ewona.

Yohane 9:7 Iomraidhean Croise

Matayo 11:5

shipfupfuṟe shienengo iwona, shiwete shichumia, wawoṙo nyi taambo waiyeṟemtso, wapfu maṙwi waiicho, wapfu waiṟutso, na wakyiwa waiongoyo Mbonyi Ngyicha.

Luka 13:4

Ang'u walya ikumi na nyanya, waleolokyio nyi numba ipfo Siloamu, ikawawaaga, mokusaṟa kye wawewanyamaṟi kuta wandu woose wawekyeri Yerusalemu?

Luka 2:32

Ngyeela yelyimika Masanga, na iwa mng'ano o wandu wapfo Isiraelyi.”

Yohane 10:36

ngyesa ulya Awu alemwilyisha, kamṙuma wuyanenyi, nyoe mummbia ‘Nulahia Ruwa’ cha kyipfa ngyilegamba, ‘Inyi nyi Mono-Ruwa?’

Yohane 11:37

Indi wengyi wakagamba, “Ngyesa ichu aleenenga kyipfupfuṟe kyilya wuiṙimi wo iwona, aleiṙima ishingyia ichu alapfe-pfoe?”

Yohane 9:11

Oe kawagaluo, kagamba, “Mndu ulya ekyelago Yesu naleachikyia toombo, kangyishia mesonyi kangyiwia, ‘Yenda Siloamu undesamba.’ Koikyo ngayenda na isamba, ngaiṙima iwona.”

Yohane 9:39

Yesu kagamba, “Inyi ngyilecha na kunu wuyanenyi ianduya, kundu iwo walaiwona wawone, na walya waiwona wawe shipfupfuṟe.”

Mawuto Ga Wasu 26:18

Uwapfunguoe meso, na iwaweṟutsa waṙe meema na iyenda saenyi, waṙe pfinya tsa Satana na iyenda ko Ruwa; naaho-ng'u Ruwa nawahooṟie ngyuunyamaṟi tsawo na wechikaa halya-ndu walya Ruwa awailyishie wechikaa kui ingyiiṙikyia inyi.’ ”

Waroma 8:3

Kyipfa shilya shilekyeiṙimika kui iwawaso, kyipfa kya ilyi lyiwewoṙe wufofo kyipfa kya mmbiu, Ruwa kui iṙuma Mana okye amonyi kui mbaṟe ya mmbiu ui o wunyamaṟi, na kyipfa kya wunyamaṟi, naleanduya wunyamaṟi mmbiunyi.

Wagalatia 4:4

Na lyilya kyiyeri kyilya kyiwekyikunde kyileafukyia, Ruwa naleṙuma Mono-kye, ulya alefeo nyi mndu mka, nafeo wuchilyinyi wo mawawaso,