Yohane 4:41 - Kivunjo New Testament 1999

⁴¹ Wandu wafoi ngoseṟa wakawaṙa iiṙikyia kyipfa kya ulogo lokye.

Yohane 4:41 Iomraidhean Croise

Luka 4:32

Wakaṟiyio mnu kyipfa kya malosho gakye, kyipfa ṙeṙo lyakye lyiwewoṙe pfinya.

Yohane 4:40

Kyasia Wasamaria walya kyiyeri waleyenda kokye, wakamterewa nakae kowo; na oe kakaa pfo mfiri iwi.

Yohane 4:42

Wakawia mndu mka ulya, “Wulalu loiṙikyia, maa chi kyipfa kya maṙeṙo gapfo tupu-pfo, maa soe loicho luwenyi. Lyingyi-se luichi kye kyaloi ichu nyi oe Mkyiṟa o wuyana.”

Yohane 6:63

Mumuyo o Ruwa nyi oe ekyeenenga wandu moo, pfinya ya mndu iwoṙe kyiiṙa kyoose-pfo. Mbonyi-tsi ngamuongoya nyi Mumuyo, ngoseṟa nyi moo.

Yohane 7:46

Waṟundi walya wakagaluo, wakagamba, “Kuwoṙe mndu oose alemgamba shindo-sho ichu agamba-pfo.”

Mawuto Ga Wasu 1:8

Kyaindi mochiambilyia pfinya, Mumuyo Mweele kamcha na konyu, na nyoe mochingyiṟingyishia Yerusalemu, na urukyenyi loose lo Wayuda, na Samaria, mṟasa matsitsionyi ga uruka.”

Mawuto Ga Wasu 15:3

Kyasia, wawaṙume nyi siṟi, wakaiṙia uruka lo Foinikye na Samaria, wechionguo mbonyi tsa chandu wandu walaiṙikyie Yesu walemwiṙikyia; wakachihiṟa mnu walya waweiṙikyie Yesu.

Mawuto Ga Wasu 8:12

Kyaindi kyiyeri waleiṙikyia Filyipo, echionguo mbonyi ngyicha tsa Wumangyi wo Ruwa, na rina lya Yesu Kristo, wakapatiso, wasoṟo na waka.

Mawuto Ga Wasu 8:25

Na wasu wamṟingyishie na ionguo Ṙeṙo lya Mndumii wakawuya na Yerusalemu, wechionguo Ndumi Ngyicha shikaṟonyi shifoi sha Wasamaria.

Waebrania 4:13

Maa kuwoṙe kyindo kyikyeri na moo kyilakyishukuoe mbele ya Ṙeṙo-lyo-pfo, kyaindi shindo shoose shikyeri kyiṟanguoe na shishishukuoe mesonyi gakye ulya awoṙe shindo shaṙu.