Yohane 19:4 - Kivunjo New Testament 1999

⁴ Numa ya iho Pilato kafumia-se nja, kawawia, “Mndu-chu ngyimwende na konyu, muiṙime imanya kye inyi ngyiwonyi ṙeko lyoose kokye-pfo.”

Yohane 19:4 Iomraidhean Croise

Matayo 27:19

Na kyiyeri Pilato aweṙamie kyiṙinyi kyakye echiṙumbuo moondu, mka okye nalemṙumia ndumo, immbia, “Ulawutie mndu-cho msumganyi kyindo kyoose; cha kyipfa kyio-kyi kyaamkyia inu ngyileloṙo kyakye ngawihiyo mnu.”

Matayo 27:24

Kyasia kyiyeri Pilato alewona kuwoṙe kyiira kyoose-pfo, indi kyituṟu kyikundi iamka, kaira mṟinga, kasamba mawoko gakye mbele ya wuingyi wulya wo wandu, kagamba, “Inyi ngyiwoṙe ṙeko samunyi ya mndu-chu msumganyi-pfo. Ilyi nyi iṟunda lyanyu nyoe.”

Matayo 27:4

Wakagamba, “Kyasia, soe luwoṙo pfo-pfo. Isho nyi shapfo kumonyi.”

Matayo 27:54

Kyasia mchilyi ulya, na iwo wawekyeri hamwi na oe wechiringa Yesu, kyiyeri walewona kyiriinza na chandu mbonyi tsilewa, wakaowuo mnu, wechigamba, “Ny'kyaloi ichu nawekyeri Mono-Ruwa.”

Luka 23:4

Pilato kawia wang'anyi wa makohanyi na wuingyi wo wandu, “Ngyiwonyi kyindo kyiwicho ko mndu-chu-pfo.”

Luka 23:41

Nakyo nyi sungusinyi koṙu soe, cha kyipfa luambilyia wori wuwaṟi mawuto gaṙu; indi ichu alewuta kyindo kyoose kyiwicho-pfo.”

Luka 23:47

Amgambe kuṙo nalelekyia moo. Kyiyeri mchilyi ulya alewona shindo shilewutika, naleana Ruwa, echigamba, “Loi mndu-chu nawekyeri msumganyi.”

Yohane 18:33

Kyasia Pilato kaiṙa-se na kulya numbenyi ya wuchilyi, kalaga Yesu, kammbia, “Ngyesa iyoe nyi Mangyi o Wayuda?”

Yohane 18:38

Pilato kammbia, “Mbonyi tsa loi ny'kyikyi?” Pilato amṙeṙe na Yesu kawuya-se na ko Wayuda, kawawia, “Inyi ngyiwonyi ṙeko lyoose ko mndu-chu-pfo.

Yohane 19:6

Kyasia wang'anyi walya wa makohanyi na waṟundi wawo kyiyeri walemmbona, walekalagatsa, wechigamba, “Mkapie msalabenyi! Mkapie msalabenyi!” Pilato kawawia, “Mṙuonyi nyoe, mundemkapia msalabenyi; cha kyipfa ngyiwonyi ṙeko kokye-pfo.”

2 Wakorinto 5:21

Oe alaichi wunyamaṟi nalemmbuta kyipfa kyaṙu, kundu soe luiṙime iwa wusumganyi wo Ruwa kui oe.

Waebrania 7:26

Kyipfa luwewaṟi soe luwaṙe mkohanyi ang'anyi mbaṟe-i akyeri mweele, alawoṙe wuwicho, alawoṙe tewe lyoose, amletsane na walya wekyeṙeko, Ruwa alemwiria wuye ruwewu.

1 Petiro 1:19

indi kui samu ya woguru, cha ya kyiondo kyilawoṙe tewe, ya Kristo.

1 Petiro 2:22

Oe alenyamaṟa, maa iwaṙa ngyeṟo-pfo.

1 Petiro 3:18

Cha kyipfa Kristo na oe nalelyiso wukyiwa lyimwi tupu kyipfa kya wunyamaṟi woṙu, amsumganyi kyipfa kya walya walawasumganyi, kundu naluende na ko Ruwa; mmbiu okye ukowoogo, indi mrima okye ukoenengo moo.

1 Yohane 3:5

Na nyoe muichi kye Kristo naleloṟo, kundu naluwute ngyuunyamaṟi; na wunyamaṟi wukyeri kokye-pfo.