Yohane 18:25 - Kivunjo New Testament 1999

²⁵ Simion Petiro nawekyeri pfo echioṙa moṙo. Kyasia wakammbia, “Ngyesa iyoe ui umwi o wanalosho wakye-pfoe?” Na oe kakana, kagamba, “Chi inyi-pfo.”

Yohane 18:25 Iomraidhean Croise

Matayo 26:69

Na Petiro naweṙamie nja ya numba iya. Kyisinga kyimwi kyikayenda kokye, kyikagamba, “Na iyoe nuwekyeri hamwi na Yesu o Galyilaya.”

Mariko 14:66

Na Petiro nawekyeri halya-ndu aweioṙia moṙo. Umwi o shisinga sha Mkohanyi ang'anyi kuta woose kacha,

Luka 22:55

Na kyiyeri wamuatse moṙo makyiṙi-gawi ga pata, waleṙamia handu hamwi, na Petiro kaṙamia kyiiṙi kyawo.

Luka 22:56

Nyi lyo-ndu kyisinga kyimwi kyilemmbona aṙamie saenyi, kyikamwambuya karii, kyikagamba, “Na ichu nawekyeri hamwi na oe.”

Luka 22:57

Kakana, echigamba, “Iyoe mndu mka, ngimwichi-pfo.”