Yohane 16:3 - Kivunjo New Testament 1999

³ Na isho wechimmbutia cha kyipfa waichi Awu maa inyi-pfo.

Yohane 16:3 Iomraidhean Croise

Luka 10:22

Kagamba, “Ngyimwenengye shoose nyi Awu-yoko, maa kuwoṙe aichi Mana, sile Awu-pfo; maa kuwoṙe aichi Awu, sile Mana-pfo, na orio oose ulya mana akundi imshukuya.”

Yohane 15:21

Kyaindi ishi shoose wechimmbutia kyipfa kya rina lyako, cha kyipfa waichi ulya alengyiṙuma-pfo.

Yohane 15:23

Ulya angyisuuye inyi nasuuye na Awu oko.

Yohane 17:25

Awu, iyoe okyeanduya kulawoṙe ikundia, wandu wa wuyana walekumanya-pfo; kyaindi inyi ngyilekumanya, na iwo wamanya kye nyi iyoe ulengyiṙuma.

Yohane 17:3

Na moo o mlungana nyi: ‘Wakumanye iyoe, Ruwa o loi kulawoṙe ungyi; na Yesu Kristo ulemṙuma.’

Yohane 8:19

Kyasia wakammbia, “Ookwi Awu opfo?” Yesu kagaluo kagamba, “Inyi mungyiichi-pfo; maa Awu oko mumwichi-pfo. Kokooya muwengyiichi inyi, muwechimanya na Awu oko.”

Yohane 8:55

Maa nyoe mulemmanya-pfo; kyaindi inyi ngyimwichi. Ngagamba kye ngyimwichi-pfo ngyechiwa mndu ekyeṙeṙa wongo cha nyoe; kyaindi ngyimwichi, na malosho gakye ngyekyegaosha.

Mawuto Ga Wasu 3:17

“Kyasia wulalu, wana wa wama, ngyiichi kye mulewuta isho kyipfa mulaweichi, chandu na wasongoru wanyu walewuta.

1 Wakorinto 2:8

Wuṟango walya wachilyie wuyana-wu walawuichi maa umwi; kyipfa kokooya wawewuichi, wawechikapia msalabenyi Mndumii o mng'ano-pfo.

2 Watesalonikye 1:8

Nesoka moṙonyi wuiaka; kunu echitaa kyiṟaache iwo walaichi Ruwa, na iwo walaindie Ndumi Ngyicha ya Mndumii oṙu Yesu.

1 Timoteo 1:13

Maa chandu ipfo mawookyionyi ngyiwekyelahia, mndu ekyelyisa wandu wukyiwa, ngyilekyeaṙanyia shilya ngyiwio; kyaindi ngyileenengo isaṟia cha kyipfa ngyilewuta kuṙo kui wutondo, na kyipfa kya iuṟa iiṙikyia.

1 Yohane 2:23

Orio mokana Mana awoṙe Awu-pfo. Moiṙikyia Mana nawoṙe Awu taa.

1 Yohane 3:1

Kumbuonyi nyi ikunda lya mbaṟe iha Awu aleluenenga, kye lulago wana wa Ruwa; na nyi wuṙo lukyeri. Kyipfa kya ikyo wandu wa wuyana waluichi-pfo, cha kyipfa walemanya Ruwa-pfo.

1 Yohane 4:8

Oe alawoṙe ikunda, aichi Ruwa-pfo, cha kyipfa Ruwa nyi ikunda.

1 Yohane 5:20

Na soe luichi kye Mono-Ruwa amcha, na oe naluenengyie wuṟango kye lumanye Ruwa o loi, na soe lokyekaa ko Ruwa ulya akyeri o loi. Kyimwi na igamba ko Mono-kye Yesu Kristo. Ichu nyi oe Ruwa o loi, na ichu nyi moo o mlungana.