Yohane 15:4 - Kivunjo New Testament 1999

⁴ Nyoe na inyi luwe kyindo kyimwi. Chandu mbaga ilechiiṙima ikumbia ndunda ilakuwoṙe msabibunyi; na wuṙo taa kyechiwa konyu mulandewe kyindo kyimwi na inyi.

Yohane 15:4 Iomraidhean Croise

Matayo 12:33

“Kundu ikyiṙi lyiwe lyicha kyiwaṟi iwaṙa ndunda ngyicha; kyaindi kokooya nuwoṙe ikyiṙi lyiwicho na ndunda tsechiwiha, cha kyipfa ikyiṙi lyekyemanyika kui ndunda tsalyo.

Luka 8:15

Na tsilya tsa terinyi ngyicha nyi walya wekyeicho na iambilyia Ṙeṙo lyilya lya Ruwa mrimenyi kowo na kui iindia wekyelyiaṙanyia na ilyiwaṙa, numa wekyekumbia ndunda wechikarishia.”

Yohane 14:20

Mfiri ulya mochimanya kye inyi na Awu oko nyi kyindo kyimwi, na inyi na nyoe nyi kyindo kyimwi.

Yohane 17:23

Inyi ngyiwe kyindo kyimwi nawo, na iyoe uwe kyindo kyimwi na inyi, kundu wawaṙane tapu; na wandu wa wuyana wamanye kye nyi iyoe ulengyiṙuma, kowakunda wo chandu ulengyikunda inyi.

Yohane 6:56

Mndu alya mmbiu oko na inyo samu yako nekyekaa kyiiṙi kyako na inyi ngyekyekaa kyiiṙi kyakye.

Yohane 8:31

Kyasia Yesu kawia Wayuda walya wawemwiṙikyie, “Mukoosha shilya ngyimulosha, mochiwa wanalosho wako loi loi;

Mawuto Ga Wasu 11:23

Na oe, amshikye na iwona isaṟia lya Ruwa kachihiyo, katerewa wandu woose waoshane na Mndumii kui iiṙikyia lyiwukyie mrimenyi.

Mawuto Ga Wasu 14:22

wechikarisha mrima ya wanalosho na iwawia wakae kyiiṙi kya Iiṙikyia lyilya, na kye kyiluwaṟi iiṙa na Wumangyinyi wo Ruwa kui njia ya matuuro gafoi.

2 Wakorinto 13:5

Kuruwe-ruwenyi muwenyi kye mukyeri iiṙikyienyi. Kuṟingyishienyi muwenyi. Ang'u muichi muwenyi kye Yesu Kristo nakyeri mrimenyi konyu? Sile molego.

Wagalatia 2:20

Ngyilekapio msalabenyi hamwi na Kristo; kyaindi ngyiwoṙe moo; maa chi inyi-se-pfo, indi Kristo nai na moo mrimenyi koko. Na moo ngyiwoṙe wulalu mmbiunyi ngyiuwoṙe kyiiṙi kya iiṙikyia Mana o Ruwa, ulya alengyikunda kareka moo okye kyipfa kyako.

Wafilyipi 3:17

Kristo nakae mrimenyi konyu kui iiṙikyia, muwakarishe ikundenyi.

Waefeso 1:11

muwaichuṟe shindo shicha shilya Yesu tikyi eiṙima imuenenga wuiṙimi wo ishiwuta, kui mng'ano na kyiṟumi kya Ruwa.

Wakolosai 1:23

Mukokuwaṙa na isaṟia lyilya tikyi, muwawikye wuye ya urende, mukokarisho; mulandeilacho na iṙa ikusuria lya Ndumi Ngyicha muleicho mbonyi tsayo, ileongoyo ko shindo shoose shigumbe shikyeri wuyanenyi, ikyeri kye inyi Paulo ngyiwekyeri mṟundi oyo.

Wakolosai 1:27

Iwo Ruwa alekunda iwamanyisha chandu wukyeri wunjana wo mng'ano wo wuṟikyi-wu kyiiṙi kya walya walaiṙikyie Ruwa nawo nyi Kristo mrimenyi konyu, ikusuria lya mng'ano.

Wakolosai 2:6

Kyasia chandu muleambilyia Kristo Yesu, Mndumii, wutenyi kuṙo kyiiṙi kyakye;

1 Watesalonikye 3:5

Koikyo na inyi kyiyeri ngyilaleiṙima ikarishia-se, ngyileṙuma mndu kundu ngyimanye iiṙikyia lyanyu, Satana alache namuyeshe, na ilya wukyiwa lyanyu lyikawa lyiwoṙe kyiira-pfo.

Waebrania 10:39

Kyaindi soe lukyeri kyiiṙi kya walya waiiya-iya na iṙeka-pfo, indi lukyeri kyiiṙi kya walya wawoṙe iiṙikyia na ikyiṟa mrima yaṙu.

1 Yohane 2:6

Ulya aigamba kye namlungye na Ruwa, kyimmbaṟi iwuta kuṙo chandu Yesu alewuta.

2 Yohane 1:9

Orio mndu alailosha na ikaa maloshonyi ga Kristo, indi nekyegalega, awoṙe Ruwa-pfo. Indi icho ekyekaa ipfo maloshonyi, nawoṙe Awu na Mana taa.