Yohane 11:16 - Kivunjo New Testament 1999

¹⁶ Kyasia Tomasi, awekyelago (Wana wawi wawafee kyiyeri kyimwi), kawia wanalosho woṙoe, “Na soe sindenyi, kundu lupfe hamwi na oe.”

Yohane 11:16 Iomraidhean Croise

Matayo 10:3

Filyipo, na Baritolomayo, Tomasi, na Matayo msani o ukamba; Yakobo mana o Alyifayo, na Tadayo.

Matayo 26:35

Petiro kammbia, “Maa kokooya ngyechipfa na iyoe, ngyechikukana maa ale-pfo.” Na wanalosho woose wakagamba wuṙo.

Mariko 3:18

Na Anderea, Filyipo, Baritolomayo, Matayo, Tomasi, Yakobo o Alyifayo, Tadayo, na Simion Mkananayo.

Luka 22:33

Kammbia, “Mndumii, kyiyeri ngyikyeri hamwi na iyoe, ngyikuṟeyeṟie iyenda kyipfungonyi ang'u upfunyi.”

Luka 6:15

Na Matayo, Tomasi, Yakobo o Alyifayo, na Simion ekyelago Selote.

Yohane 11:15

Inyi ngachihiyo kyipfa kyanyu kye ngyiwekyeri ipfo-pfo, kundu muiṙikyie. Kyaindi sindenyi kokye.”

Yohane 11:8

Wanalosho walya wakammbia, “Rabi, nyi icho-lyi tikyi Wayuda wawekundi ikukapa na magoe, na iyoe nukundi iyenda-se pfo?”

Yohane 13:37

Petiro kammbia, “Mndumii, ny'kyilyi inyi ngyilechiiṙima ikuosha wulalu? Inyi ngyechireka moo oko kyipfa kyapfo.”

Yohane 14:5

Tomasi kammbia, “Mndumii, soe luichi kundu uiyenda-pfo; luichi kuṙa njia?”

Yohane 21:2

Simion Petiro, Tomasi awekyelago-se, (Wana wawafee wawi mfiri umwi), Natanaelyi awukyie Kana ya Galyilaya, wana wa Sebedayo, na wanalosho wengyi wawi, wawekyeri hamwi na oe.

Mawuto Ga Wasu 1:13

Na lyilya waleshika Yerusalemu, wakaṙooya kai, kundu wawekyekaa: Petiro, Yohane, Yakobo, Anderea, Filyipo na Tomasi, Baritolomayo na Matayo, Yakobo o Alyifayo, Simion Selote, na Yuda o Yakobo.