Yohane 10:12 - Kivunjo New Testament 1999

¹² Mndu o wori, maa chi mlyisi-pfo, ulya moondo galai gakye, nekyewona kyisii kyeecha, kaṙa moondo na iṙicha, na kyisii kyekyerakuo ho ondo lyimwi na inyanyaṟitsa igo gengyi.

Yohane 10:12 Iomraidhean Croise

Matayo 10:16

“Inyi ngyimṙuma cha moondo ko shisii. Kyasia waṙenyi wuṟango cha njoka, na iwa wahoo cha mbuna.

Matayo 7:15

“Kushowenyi na weonguo shisuku wa wongo, wandu wekyecha na konyu wakyeri cha moondo, kyaindi ipfo mrimenyi kowo nyi shisii shilang'a.

Yohane 10:13

Icho nekyeṙicha cha kyipfa nyi mndu o wori; maa mbonyi tsa moondo chi kyindo kokye-pfo.

Yohane 10:2

Aiṙia moongonyi nyi mlyisi o moondo.

Yohane 10:3

Mringyi o moongo nekyepfunguya mlyisi-cho moongo, na moondo gekyemanya ṟui lyakye; na oe nekyelaga moondo gakye kui marina gawo, na igafumiṟia nja.

Mawuto Ga Wasu 20:29

Ngyiichi kye ngammbuka iha, wandu walang'a cha shisii wechicha na konyu, wanyamaṟe Siṟi.

1 Timoteo 3:3

Chi mndu aichiwie wunanzi-pfo, chi mndu ekyekapa wandu-pfo; indi nawe mhoo. Chi mndu mogaluana kui maṙeṙo, maa mndu akundi heleri-pfo.

1 Timoteo 3:8

Na wuṙo mashemasi wawe wandu wawoṙe mkaṟo yechienenga wandu iwaindia. Chi wandu wekyegamba ikyi inu na kyingyi ngama-pfo. Chi wandu wekyenyo mpfinyo mnu-pfo. Chi wandu wawoṙe wulanga wo masaa ga sonu-pfo.

2 Timoteo 4:10

Kyipfa Dema nalengyiṙa echikunda wuyana-wu wo wulalu, kapfunga kyaro iyenda Tesalonikye. Kyiresikye nayenda Galatia; Tito nayenda Dalyimatia.

Tito 1:7

Kyipfa kyiwaṟi askofu nawe nyi mndu alekyegambo kye nawoṙe wuwicho woose. Alawe mndu mokushela, cha kyipfa nyi mndu ekyeringa iṟunda lya Ruwa. Alawe mndu ekyepfula ichihiṟa mrima okye. Alawe mwanguhu ikapo nyi nyashi, alawe mnanzi ang'u mndu moluyana. Alawe mndu awoṙe wulanga wo sonu wo masaa ga sonu.

1 Petiro 5:2

lyisenyi poo lya Mndumii lyikyeri konyu, na ilyigoṟokyia. Chi kui iitiko-pfo, indi kulawoṙe iitiko, chandu Ruwa akundi, chi kui ikunda iwona heleri tsa sonu-pfo, indi kui ikuwuta nakamwi.

2 Petiro 2:3

Kui lango tsawo ngyiwicho wechiwona kyiira kyipfa kya imuongoya mbonyi tsa wongo. Wookyia kacha Ruwa alemuwaanduya na iṙumbuo kya inyamaṟo lyawo. Ruwa ekyelaa-pfo, nechiwaanduya chandu agambie.