Yakobo 1:1 - Kivunjo New Testament 1999

¹ Yakobo, mtumo o Ruwa, na o Mndumii Yesu Kristo, ko wandu woose wa Ruwa wanyanyaṟikyie ipfo na ipfo; ngamuiṟikyiṟa.

Yakobo 1:1 Iomraidhean Croise

Matayo 10:3

Filyipo, na Baritolomayo, Tomasi, na Matayo msani o ukamba; Yakobo mana o Alyifayo, na Tadayo.

Matayo 13:55

Ichu chi mana o ulya ekyepacha mbau? Wamae chi ulya ekyelago Maria? Na wana wa wamae chi Yakobo, na Yosefu, na Simion, na Yuda?

Matayo 19:28

Yesu kawawia “Ny'kyaloi, ngammbia kye nyoe mulengyiosha inyi, wuyanenyi wuhya, kyiyeri Mono-Adamu echiṙamia kyiṙinyi kya mng'ano okye, na nyoe mochiṙamia shiṙinyi ikumi na shiwi, mochianduya mbaṟe ikumi na tsiwi tsa wandu wa Isiraelyi.

Mariko 3:18

Na Anderea, Filyipo, Baritolomayo, Matayo, Tomasi, Yakobo o Alyifayo, Tadayo, na Simion Mkananayo.

Luka 22:30

muiṙime ilya na inyo mesenyi yako Wumangyinyi woko; na iṙamia shitimenyi sha mng'ano, kunu mochianduya wandu wa mbaṟe ikumi na tsiwi tsa Isiraelyi.”

Luka 6:15

Na Matayo, Tomasi, Yakobo o Alyifayo, na Simion ekyelago Selote.

Yohane 12:26

Mndu kangyiṟundia nangyioshe; na inyi handu ngyikyeri nyi ho-ndu na mṟundi oko echikaa. Lyingyi-se mndu kangyiṟundia, Awu nechimwindia.”

Yohane 7:35

Kyasia Wayuda wakawesana, “Ichu nechiyenda kwi mṟasa lulechimmbona? Ngyesa nechiyenda mṟinyi ikyeri nja ya uruka loṙu kulya-ndu wandu walai Wayuda wekyekaa na iwalosha?

Mawuto Ga Wasu 1:13

Na lyilya waleshika Yerusalemu, wakaṙooya kai, kundu wawekyekaa: Petiro, Yohane, Yakobo, Anderea, Filyipo na Tomasi, Baritolomayo na Matayo, Yakobo o Alyifayo, Simion Selote, na Yuda o Yakobo.

Mawuto Ga Wasu 12:17

Na oe kawatsinia watsie, kawaongoya chandu Mndumii alemmbuta kyipfungonyi. Kagamba, “Ndewienyi Yakobo na wandu walya waiṙikyie Yesu mbonyi-tsi.” Kafuma, kayenda handu hengyi.

Mawuto Ga Wasu 15:13

Na iwo wamtsie Yakobo kagaluo, echigamba, “Wana wa wama wako ngyiaṙanyienyi,

Mawuto Ga Wasu 15:21

Cha kyipfa wookyia kacha Mawawaso ga Mose gekyelosho orio mṟi na isomo masinagoginyi orio mfiri o onyonya.”

Mawuto Ga Wasu 15:23

“Soe wasu na wandu waku waiṙikyie Yesu, ko wana wa wamaṙu wakyeri Antiokyia na Shamu, na Kyilyikyia, wai wandu walaiṙikyie Yesu; lomuiṟikyiṟa.

Mawuto Ga Wasu 2:5

Na kuwewoṙe Wayuda wawekyekaa Yerusalemu, wandu waiṙikyie na iowuo Ruwa, wandu wawukyie orio isanga lya kunu wuyanenyi.

Mawuto Ga Wasu 21:18

Na ilya-ngama Paulo kayenda ko Yakobo hamwi na soe, na wameeku woose wa siṟi wawekyeri pfo.

Mawuto Ga Wasu 23:26

“Kyilaudio Lyisia, ko Filekyisi, mchilyi awoṙe rina. Ngakuiṟikyiṟa!

Mawuto Ga Wasu 26:7

Kyaasa wandu waṙu wa mbaṟe ikumi na tsiwi waiweṙelyia ikyikooya, wechiterewa Ruwa na iana. Na inyi, mangyi mkunde, Wayuda waigamba kye ngyimmbicho kyipfa kya iweṙelyia-lyo.

Mawuto Ga Wasu 8:1

Mfiri ulya kukowaṙa wukyiwa wung'anyi kulya siṟinyi ya Yerusalemu. Wandu woose wa siṟi wakanyanyaṟika urukyenyi lo Uyuda na Samaria, kyaindi wasu walenyanyaṟika-pfo.

Waroma 1:1

Paruo-i yawuka koko inyi Paulo, mṟundi o Yesu Kristo, alelago nawe msu, na iteseṟo naonguoe Ndumi Ngyicha ya Ruwa;

Wagalatia 1:19

Kyaindi ngyilewona msu ungyi sile Yakobo, mono-wama o Mndumii-pfo.

Wagalatia 2:12

Cha kyipfa kyiyeri wandu waata wawukyie ko Yakobo walawendeche, naweilya handu hamwi na wandu walaiṙikyie Yesu; kyaindi kyiyeri wo walecha, kawuya na numa, kalekana nawo, kunu echiowuo Wayuda.

Wagalatia 2:9

Lyingyi-se kyiyeri walemanya isaṟia lyilya ngyileenengo; Yakobo, na Kyefa, na Yohane, wawoṙe kyiṟumi kye nyi ngoe, waleiṙikyia iṟunda hamwi na inyi na Barinaba; kundu soe luyende ko walya walakyeri Wayuda, nawo wayende ko Wayuda.

Waefeso 1:1

Paulo na Timoteo, waṟundi wa Kristo Yesu, lomuṟeia paruo nyoe wandu wa Ruwa moose kyiiṙi kya Kristo Yesu, mukyeri Filyipi, hamwi na maaskofu na mashemasi.

2 Timoteo 4:21

Pfuṟukana uche kyiyeri mbeho ilandeche. Eubulo, Pude, Lyino, Kyilaudia na wana wa wama waiṙikyie Yesu woose taa wakuiṟikyiṟa.

Tito 1:1

Inyi Paulo, mṟundi o Ruwa, na msu o Yesu Kristo; kyipfa kya ionguo iiṙikyia lya wasambuṟe wa Ruwa, na wuṟango wo wuloi wulya wokyeende iowuo na ikunda Ruwa.

1 Petiro 1:1

Inyi Petiro, ngyikyeri msu o Yesu Kristo, ngaṟeia paruo-i ko wasambuṟe wanyanyaṟikyie ipfo na ipfo, wekyekaa cha wayenu ngyuurukyenyi tsa Ponto, na Galatia, na Kapadokyia, na Asia, na Bitinia.

2 Petiro 1:1

Inyi Simion Petiro, ngyikyeri mṟundi na msu o Yesu Kristo, ngaṟeia paruo-i ko walya walewona iiṙikyia lyimwi na soe, lyiwoṙe woguru, wusumganyinyi wo Ruwa oṙu, na Mkyiṟa Yesu Kristo.

Yuda 1:1

Inyi Yuda, mṟundi o Yesu Kristo, na mono-wama o Yakobo, ngyimuṟeia paruo-i nyoe muwalage nyi Ruwa, mulekundo nyi Ruwa Awu, na ikoomo kyipfa kya Yesu Kristo.

Ulogo 7:4

Ngaicho itala lya walya walewiko kyindo kyeloṟa kye nyi wa Ruwa orio mbaṟenyi ya Waisiraelyi, wandu shiku igana lyimwi makumi gaana na shiina.