Wafilyipi 5:25 - Kivunjo New Testament 1999

²⁵ Lanyoe wasoṟo, kundenyi waka wanyu, chandu Kristo na oe alekunda Siṟi, kareka moo okye kyipfa kyayo;

Wafilyipi 5:25 Iomraidhean Croise

Matayo 20:28

Chandu Mono-Adamu alalecha iṟundio, kyaindi iṟunda, na ireka moo uwe kyindo kyekyiṟa wanyamaṟi.”

Yohane 6:51

Ikyi nyi kyelya kyiwoṙe moo kyilesoka iwuka ruwewu; mndu kalya kyelya-kyo, nechiwaṙa moo mlungana. Na kyelya ngyechienengyia inyi nyi mmbiu oko, kundu wuyana wuwaṙe moo.”

Mawuto Ga Wasu 20:28

Ringyenyi mrima yanyu, na poo-lyo lyoose, lyilya Mumuyo Mweele alemusambuṟa nyoe mulyiambuye, muiṙime ienenga Siṟi yakye kando, Siṟi aleigaluo yakye amonyi kui upfu lokye.

Wagalatia 1:4

Ulya alereka mrima okye kyipfa kya ngyuunyamaṟi tsaṙu, kundu nalukyiṟe mawicho ga kunu wuyanenyi lukyeri wulalu, chandu Ruwa, Awu oṙu, alekunda.

Wagalatia 2:20

Ngyilekapio msalabenyi hamwi na Kristo; kyaindi ngyiwoṙe moo; maa chi inyi-se-pfo, indi Kristo nai na moo mrimenyi koko. Na moo ngyiwoṙe wulalu mmbiunyi ngyiuwoṙe kyiiṙi kya iiṙikyia Mana o Ruwa, ulya alengyikunda kareka moo okye kyipfa kyako.

Wafilyipi 5:2

Muchumie ikundenyi, chandu na Kristo alemukunda nyoe, lyingyi-se kareka moo okye kyipfa kyaṙu, kyiano na kyiṙaso ko Ruwa, iwa mpfaamo o kyindo kyekyepfaama necha.

Wafilyipi 5:24

Kyaindi chandu Siṟi yekyeindia Kristo, nyi wuṙo waka nawo waindie wamii wawo shindonyi shoose.

Wafilyipi 5:28

Wuṙo wuṙo wasoṟo kyawakooya ikunda waka wawo cha mmbiu yawo wawenyi. Akunda mka nakukunda amonyi.

Wafilyipi 5:33

Kyaindi orio mndu nakunde mka okye chandu akukundi amonyi, maa mka alaṙe iindia mii okye.

Wakolosai 3:19

Nyoe wasoṟo, kundenyi waka wanyu maa mulawihiyo kyipfa kyawo.

1 Timoteo 2:6

Ulya alekuwuta amonyi kundu naendie wandu woose wukyiṟo; ikuwuta lyileloṟa kyiyeri Ruwa akundi ikyiṟa wandu woose.

1 Petiro 3:7

Nyoe wasoṟo, kaenyi na waka wanyu kui wuṟango, muichi kye mka nyi kyiiya kyifafa; na muwe cha weoṟa hamwi na isaṟia lya moo, kundu iterewa lyanyu lyilashingyio nyi kyindo.

Ulogo 1:5

Lyingyi-se shiwukyie ko Yesu Kristo, mṟingyishi ekyeafutsia shilya ateṟia, mmbele o wapfu, na ang'anyi o wamangyi wa wuyana. Ulya alukundi na ilusanja ngyuunyamaṟi tsaṙu samunyi yakye,

Ulogo 5:9

Nawo waiimba kyiimbo kyihya, wechigamba, “Nuwaṟi iyoe iwaṙa kyitapu-kyo na ifunja shindo shakyo shaloṟa monyi okyo; cha kyipfa nuleshinjo, koguṟia Ruwa kui samu yapfo wandu wa orio mbaṟe na mṙeṙie na kyishari na isanga.