Wafilyipi 4:9 - Kivunjo New Testament 1999

⁹ Kyasia ṙeṙo-lyo, “Iṙo na ruwewu,” lyagamba-kyi kokooya sile nyi igamba kye na oe taa nalesoka mṟasa wanda ya uruka?

Wafilyipi 4:9 Iomraidhean Croise

Matayo 12:40

Kyipfa chandu Yona awekyeri mfiri iṟaṟu kyingoto na kyio ndewunyi ya nyangumi, na wuṙo Mono-Adamu echikaa mfiri iṟaṟu kyingoto na kyio amṟikye terinyi.

Yohane 20:17

Yesu kammbia, “Ulangyipaaye, cha kyipfa ngyilandeṙo na ruwewu ko Awu-pfo. Kyaindi yenda ko wana wa wama wako uwawie ngyiiṙo na ruwewu ko Awu oko na oe nyi Awu onyu, ko Ruwa oko na oe nyi Ruwa onyu.”

Yohane 3:13

Maa kuwoṙe mndu alemṙo na ruwewu sile Mana o Adamu ulya alesoka iwuka ruwewu-pfo.”

Yohane 6:33

Cha kyipfa kyelya kya Ruwa nyi kyilya kyisokyie iwuka ruwewu na ienenga wuyana moo o mlungana.’ ”

Yohane 6:38

Cha kyipfa inyi ngyilesoka iwuka ruwewu kundu ngyiwute kyilya ngyikundi-pfo, indi kyilya ulya alengyiṙuma akundi.

Yohane 6:41

Kyasia Wayuda wakamnunuwia, cha kyipfa nalegamba, “Inyi nyi kyelya kyilesoka iwuka ruwewu.”

Yohane 6:51

Ikyi nyi kyelya kyiwoṙe moo kyilesoka iwuka ruwewu; mndu kalya kyelya-kyo, nechiwaṙa moo mlungana. Na kyelya ngyechienengyia inyi nyi mmbiu oko, kundu wuyana wuwaṙe moo.”

Yohane 6:58

Ikyi nyikyo kyelya kyisokyie iwuka ruwewu; chi chandu waku walelya wakapfa-pfo; indi mndu alya kyelya-kyo nechiwaṙa moo mlungana.”

Yohane 6:62

Kyechiwa-se kuṙa kyiyeri mochiwona Mana o Adamu echiṙo na ruwewu kulya-ndu awekyeri?

Yohane 8:14

Yesu kagaluo kawawia, “Inyi maa chandu ngyikuṟingyishia ngyimonyi, wuṟingyishi woko nyi wo loi; cha kyipfa ngyiichi kundu ngyiwukyie na kundu ngyiyenda; kyaindi nyoe muichi kundu ngyiwukyie maa kundu ngyiyenda-pfo.

Waebrania 2:7

Nulemgumba kawa mtutu kuta malaika, numwenengyie kyiṟumi na mng'ano, nummbikyie wuye ya maṟunda goose.

Waebrania 2:9

indi lowona ulya alegumbo kawa mtutu kuta malaika, Yesu, kyipfa kya mawawio ga upfu, amwenengye kyiṟumi na mng'ano, kundu kui isaṟia lya Ruwa napfe kyipfa kya orio mndu.