Wafilyipi 4:32 - Kivunjo New Testament 1999

³² Lyingyi-se taramanenyi nyoe wenyi ko wenyi mochiwoniana fowa mrimenyi, muhooṟiane chandu na Ruwa kyiiṙi kya Kristo alemuhooṟia nyoe.

Wafilyipi 4:32 Iomraidhean Croise

Matayo 6:12

Uluhooṟie maṙeko gaṙu, chandu na soe lokyehooṟia walya wekyeluṙekyio.

Mariko 11:25

Na nyoe orio kyiyeri mogoṟoka na iterewa, hooṟienyi, orio ṙeṙo muwoṙe na mndu; kundu na Awu-yonyu akyeri ruwewu namuhooṟie nyoe maṙeko ganyu. [

Luka 1:78

Kui njia ya isaṟia lya Ruwa oṙu, na kui njia-tso ngyeela iwukyie wuye yacha na koṙu.

Luka 11:4

Uluhooṟie ngyuunyamaṟi tsaṙu, kyipfa na soe lokyehooṟia orio mndu ekyeluṙekyio. Na ulaluṙuo kyiyeshionyi indi ulukyiṟe ngyeṟo tsa mmbicho ulya.’ ”

Luka 17:4

Na kokooya akuṙekyio ka mfungaaṙe mfiri umwi, na iwuya na kopfo ka mfungaaṙe, kagamba, ‘Ngaṙumbuya’, mhooṟie.”

Luka 6:35

Indi kundenyi washituwa wanyu. Wutenyi shicha, na mukoakuya mulakunde itoo kyindo, na wori wonyu woching'ana. Na nyoe mochiwa wana wa ai wuye, kyipfa oe namcha ko walya walekyemwana, na wawicho.

Luka 6:37

“Maa mulaanduye, na nyoe mochianduyo-pfo. Mulagambe kye wandu wengyi wawawicho kundu mulagambo kye muwawicho. Lekyienyi na nyoe mochilekyio.

Mawuto Ga Wasu 28:2

Wandu wa uruka-lo wakaluloṟa isaṟia lyilewa igamba. Cha kyipfa waleatsa moṙo, wakaluambilyia loose, kyipfa kya mvuo ilekapa na kyipfa kya mbeho.

Waroma 12:10

Kui ikunda lya mono-wama, mukundane nyoe wenyi ko wenyi; kui kyiṟumi mochisongoṟa woṙianyu.

1 Wakorinto 13:4

Ikunda lyekyekarishia, lyekyesaṟia. Ikunda lyiwoṙe wunyeng'i-pfo. Ikunda lyekyekutuuta maa lyekyekushela-pfo.

2 Wakorinto 2:10

Kyaindi kokooya mohooṟia mndu kyindo kyoose, na inyi ngyewemhooṟia; kyipfa maa inyi, kookoya ngahooṟia mndu kyindo kyoose, ngamhooṟia kyipfa kyanyu mbele ya Kristo.

2 Wakorinto 2:7

Maa kyilaṙuṙanyi na isho, nyi nanga mumhooṟie na immbiyiṟia moo, mndu cha icho alachemeṟo nyi ikuinaṙia lyakye lying'anyi mnu.

2 Wakorinto 6:6

Mkaṟonyi ngyicha, wuṟangonyi, isimiria, wupfererinyi, Mumuyonyi Mweele, ikundenyi lyilawoṙe wukulembecheṟi.

Wafilyipi 5:1

Koikyo oshenyi Ruwa, cha wana wakunde.

Yakobo 5:11

Ambuyenyi, lokyegamba wagusu walya walesimiria. Muleicho mbonyi tsa wusimiri wo Yobu, mulewona mafurumionyi ga Mndumii kye Mndumii nyi nawoṙe isaṟia na iwoṙo nyi fowa mrimenyi.

2 Petiro 1:7

Na kyiiṙi kya iowuo na iindia Ruwa, ikundana lya wana wa mka; na kyiiṙi kya ikundana lya wana wa mka, ikunda.

1 Yohane 1:9

Lukotochia Ruwa ngyuunyamaṟi tsaṙu, oe nekyeafutsia shilya ateṟia na namsumganyi mṟasa naluwute ngyuunyamaṟi tsaṙu, na ilusanja wuwicho woose.

1 Yohane 2:12

Ngyimuṟeia nyoe wana wako, cha kyipfa mohooṟio ngyuunyamaṟi tsanyu kyipfa kya rina lyakye.