Wafilyipi 4:25 - Kivunjo New Testament 1999

²⁵ Kyasia ṙenyi wongo, muṙeṙe loi orio mndu na momṟasa okye; kyipfa soe lukyeri shiwungo, orio umwi kyiwungo kya oṙoe.

Wafilyipi 4:25 Iomraidhean Croise

Yohane 8:44

Nyoe nyi wa awu onyu Mokyiriinzi, na lango tsa awu onyu nyitso mukundi itsiosha. Oe nyi mmbaagi wookyia mawookyionyi; maa alandekae ura lo wuloi-pfo, cha kyipfa kokye kuwoṙe wuloi-pfo. Kyiyeri aṙeṙa wongo, nekyeṙeṙa shikyeri shakye amonyi; cha kyipfa oe nekyeṙeṙa wongo na nyi awu o wongo.

Waroma 12:5

na wuṙo na soe chandu lukyeri wafoi lukyeri mmbiu umwi kyiiṙi kya Kristo, na shiwungo, orio umwi ko oṙoe.

1 Wakorinto 10:17

Cha kyipfa mkate nyi umwi, soe lui wafoi lukyeri mmbiu umwi; cha kyipfa soe loose lokyeambilyia kyifunjoe kya mkate umwi.

2 Wakorinto 7:14

Cha kyipfa kokooya ngyilekushela mbele yakye kyindonyi kyoose kyipfa kyanyu, ngyilewona sonu-pfo; indi chandu lulemmbia mbonyi tsoose kui wuloi, na wuṙo ikushela lyaṙu mbele ya Tito lyiwei lya loi.

Wafilyipi 4:15

Kyaindi luṙeṙe loi ikundenyi na ing'ana mṟasa lumkooye shindonyi shoose, oe akyeri mṙoe, Kristo.

Wafilyipi 4:22

Ṙenyi mbonyi tsa mchumie o kuwooka o mndu o kacha, okyenyamaṟika kui iosha lango tsekyelemba.

Wafilyipi 4:31

Isuo lyoose lying'anyi na nyashi tsoose na ikalagatsa na shilahio shilakae konyu, hamwi na wuwicho wo orio mbaṟe.

Wafilyipi 5:30

Kyipfa soe lukyeri shiwungo sha mmbiu okye.

Wakolosai 3:8

Kyaindi wulalu wikyienyi kuleshi na nyoe ishi shoose: nyashi, na isuo lying'anyi, na uwicho, na shilahio, na maṙeṙo ga wusutsu ṙumbunyi konyu.

Wakolosai 3:9

Maa mulawiane wongo, cha kyipfa moṙa nakamwi mkaṟo o kacha, hamwi na mawuto gacho,

1 Timoteo 1:10

Na waṟui, na wekyelaa na wandu wa nguwo tsawo, na wekyeiwa wandu, na wekyeṙeṙa wongo, na wekyelya nyamu kui wongo; na kuwoṙe kyindo kyingyi kyoose kyilaṙuṙanyi na malosho gawoṙe moo.

1 Timoteo 4:2

Kui wukulembecheṟi wo wandu wekyeṙeṙa wongo, na mrima ipfiie ngapfu kyipfa ingyichilyie nyi Satana.

Tito 1:12

Mndu awukyie kowo, moonguo shisuku owo wawenyi, nagambie, “Wakyirete nyi wandu wekyeṙeṙa wongo mfiri yoose, mando mawicho ga saka, wawang'anyie ndewu na wawaṙoko.”

Tito 1:2

Kyiiṙi kya ikusuria lya moo o mlungana, ulya Ruwa alekyeṙeṙa wongo aleluteṟia wookyia wuyana wulagumbo.

Waebrania 12:1

Kyasia na soe taa, cha kyipfa luwaiṟiwie nyi waṟingyishi wafoi mbaṟe-i, luwikyie mbai orio ṟio lyilemeri, na wunyamaṟi wulya wokyeluwaṙa tapu. Lupfuṟukane kui wusimiri kulya iṟundenyi lyilyiṙambikye koṙu,

Yakobo 1:21

Koikyo wikyienyi kuleshi ukoe loose na wuwicho wuingyikyie, na iambilyia kui wuhoo Ṙeṙo lyilya lyilewooyo konyu, lyechiiṙima ikyiṟa mrima yanyu.

1 Petiro 2:1

Kyasia, ṙenyi wuwicho na ngyeṟo, na wukulembecheṟi na wunyeng'i na iiria wengyi shindo sha wongo.

Ulogo 21:8

Indi waowu, na walawoṙe iiṙikyia, na wekyewuta mawicho, na wawaagi, na waṟui, na wasawi, na iwo wekyeterewa na iindia mafano, na woose wekyeṙeṙa wongo, ṙombo lyawo nyi kulya iruwenyi lyekyeaka moṙo na kyipiriti. Ilu nyilo upfu lo kawi.”

Ulogo 22:15

Ipfo nja kuwoṙe shite, na wasawi, na waṟui, na wawaagi, na iwo wekyeterewa na iindia mafano, na orio mndu akundi wongo na iṙeṙa wongo.