Wafilyipi 4:1 - Kivunjo New Testament 1999

¹ Koikyo ngyimuterewa, inyi ngikyeri mpfungo kyiiṙi kya Mndumii, mukae chandu kyiwaṟi kyilya mulelagio.

Wafilyipi 4:1 Iomraidhean Croise

Mawuto Ga Wasu 9:31

Kyasia Siṟi ikawona sia urukyenyi lo Uyuda na Galyilaya na Samaria. Siṟi ikawaṙa pfinya, ikaengyeṟika, yechiindia Mndumii Yesu na iwiyiṟio moo nyi Mumuyo Mweele.

Waroma 11:29

Cha kyipfa shisumbo sha Ruwa shiwoṙe isumkyia-pfo, maa ilago lyasho.

Waroma 12:1

Kyasia, wana wa wama wako, ngyimuterewa, kui ihooṟia lya Ruwa, wutenyi mmbiu yanyu iwe kyiṙaso kyiwoṙe moo, kyiele, kyechihiṟa Ruwa, ilyi nyilyo iindia na iterewa Ruwa lyilyicha na lya loi.

1 Wakorinto 4:16

Kyasia, ngamterewa mungyioshe inyi.

2 Wakorinto 10:1

Kyasia, inyi Paulo ngyimonyi ngyimuterewa kui wuhoo na wuyendelyi wo Kristo, inyi ngyikyeri msimiri ngyikyeri hamwi na nyoe, indi ngyilakyeri ho ngyiwoṙe wuṟango na wukari konyu.

2 Wakorinto 5:20

Kyasia soe luiṙeṙa handu ha Kristo, cha ilyi Ruwa naiterewa kui maṙumbu gaṙu, lumuterewa nyoe kyipfa kya Kristo musanzo na Ruwa.

2 Wakorinto 6:1

Na soe lukoṟunda handu hamwi na oe lumuterewa maa mulaambilyie isaṟia lya Ruwa wulya.

Wagalatia 4:12

Wana wa wama wako, ngamterewa, muwe cha inyi, kyipfa inyi nyi cha nyoe. Mulengyilyiia mbaka kyindonyi kyoose-pfo.

Wafilyipi 2:10

Kyipfa nyi wuṙo luwagumbe, lulegumbo kyiiṙi kya Kristo Yesu, luwute mawuto mecha, igo wookyia kacha Ruwa alegaṟeyeṟa kundu luwute luṙo.

Wafilyipi 3:1

Kyipfa kya ikyo inyi Paulo nyi mpfungo o Kristo Yesu kyipfa kyanyu nyoe wandu mulaiṙikyie Ruwa;

Wafilyipi 4:17

Kyasia ngyigamba kuṙi, lyingyi-se ngyiṟingyishia kyiiṙi kya Mndumii, wookyia wulalu maa mulawute chandu wandu wekyewuta, wuwichonyi wo makusaṟo gawo.

Wafilyipi 4:4

Mmbiu umwi, na Mumuyo umwi, chandu mulewelago ikusurienyi lyimwi lya kyilya mulelagio.

Wafilyipi 5:2

Muchumie ikundenyi, chandu na Kristo alemukunda nyoe, lyingyi-se kareka moo okye kyipfa kyaṙu, kyiano na kyiṙaso ko Ruwa, iwa mpfaamo o kyindo kyekyepfaama necha.

Waefeso 1:27

Kyaindi mkaṟo yanyu iwe chandu malosho ga Ndumi Ngyicha ya Kristo gakundi, kundu ngacha na immbona nyoe, maa ngyilakyeri ho, ngyiicho mbonyi tsanyu, kulawoṙe iloloma kye mugoṟokyi Mumuyonyi umwi, kui mrima umwi mochikapania iiṙikyia lya Ndumi Ngyicha;

Waefeso 3:14

Ngyiengyeṟa iṙicha, ngyikooye iṟikoso lya moo mhya, ulya Ruwa alengyilagia kyiiṙi kya Kristo Yesu.

Wakolosai 1:10

Mukae chandu Mndumii akundi, mochimchihiṟa piu; mochikumbia ndunda kui orio iṟunda lyicha, na iengyeṟika wuṟangonyi wo Ruwa.

Wakolosai 2:6

Kyasia chandu muleambilyia Kristo Yesu, Mndumii, wutenyi kuṙo kyiiṙi kyakye;

Wakolosai 4:12

Epafura, akyeri mndu o konyu, mṟundi o Yesu Kristo, namuiṟikyiṟa, echipfuṟukana mfiri yoose kyipfa kyanyu shiterewonyi shakye, kundu kye mugoṟokye muafutsie iiṙikyia na iṟingyishio mnu shindonyi shoose Ruwa akundi.

1 Watesalonikye 2:12

kundu mkaṟo yanyu iṙuane na chandu Ruwa akundi, ulya ekyemulaga nyoe kundu muiṙe na Wumangyinyi wokye na kyiṟumi kyakye.

2 Watesalonikye 1:11

Koikyo lumuterewia nyoe mfiri yoose, kundu Ruwa oṙu namutale kye muwaṟi ilago lyanyu, kaafutsia orio njia ya wucha na orio iṟunda lya iiṙikyia kui pfinya.

2 Timoteo 1:9

Ulya alelukyiṟa kalulaga kui ndago ngyiele; chi iṙuana na mawuto gaṙu soe-pfo; indi na kyilya oe akundi na isaṟia lyakye. Isaṟia-lyo luleenengo kyiiṙi kya Kristo Yesu wookyia mlungana.

Tito 2:10

Walawe wandu wekyeiwa; indi waafutsie kyilya wateṟia, kundu wachope malosho ga Mkyiṟa oṙu Ruwa shindonyi shoose.

Waebrania 13:21

namuenengye nyoe iafutsia kyaro orio iṟundenyi lyicha, muiṙime iwuta shilya akundi; na oe echiwuta mrimenyi koṙu kyilya kyichihiṟie mbele yakye, kui Yesu Kristo; kyiṟumi kyikae na oe mlungana na mlungana. Amen.

Waebrania 3:1

Koikyo wana wa wama mui wandu wa Ruwa, muleiṙikyia ndago ya ruwewu, kusaṟenyi mnu mbonyi tsa msu na Mkohanyi ang'anyi kuta woose o shilya lokyeṟingyishia. Yesu,

1 Petiro 2:11

Wakunde, ngyimuterewa cha wandu waiiṙa na wakyaro, lekanenyi na lango tsa mmbiu tsekyewingana na mrima.

1 Petiro 3:9

Wandu mulekyetaa kyiṟaache ang'u ilahia ulya amulahia indi wandu wekyewikyia mboṟa; cha kyipfa isho nyisho mulelagio kundu muoṟe mboṟa.

1 Petiro 5:10

Na Ruwa o isaṟia lyoose, alemulaga nyoe iiṙa na kyiṟuminyi kyakye kya mlungana kyiiṙi kya Kristo, mukomlyiso wukyiwa kyiyeri kyitutu, oe amonyi nechimmbutia-se orio kyindo muwaṟi iwutio, na imuenenga pfinya.

2 Petiro 1:3

Cha kyipfa wuiṙimi wokye wo kyiRuwa wuleluenenga shindo shoose shiwaṟi moo na iowuo hamwi na iindia Ruwa, kui immanya oe alelulaga kui mng'ano okye na wucha wokye amonyi.

2 Yohane 1:5

Na wulalu, mama, ngyikuterewa, chi kye ngyikuṟeia iwawaso lyihya-pfo, indi lyilya luwei nalyo wookyia mawookyionyi, kye lukundane.