Wafilyipi 3:17 - Kivunjo New Testament 1999

¹⁷ Kristo nakae mrimenyi konyu kui iiṙikyia, muwakarishe ikundenyi.

Wafilyipi 3:17 Iomraidhean Croise

Matayo 13:6

mui ukowaa ukotsikoṟa; na kyipfa tsilawewoṙe mri tsikauma.

Luka 6:48

Mfano okye nyi cha mndu alewika numba, kasuma wanda na iwika urende wuye ya iṟaṟa; na kyiyeri kulecha mra ung'anyi, mfu ukokapa numba iya ko pfinya, ulaiṙime iiolotsa, kyipfa ingyiwikye necha.

Yohane 14:17

Nyi oe Mumuyo o loi; ulya wandu wa wuyana walechiiṙima imwambililyia, cha kyipfa wammbonyi maa wamwichi-pfo; indi nyoe mumwichi, kyipfa nekyekaa konyu; na oe nechikaa mrimenyi konyu.

Yohane 14:23

Yesu kagaluo, kammbia, “Mndu kangyikunda nechiosha kyilya malosho gako gakundi; na Awu oko nechimkunda; na soe lochicha na kokye, na iwika kyiṟaṟo kokye.

Yohane 17:23

Inyi ngyiwe kyindo kyimwi nawo, na iyoe uwe kyindo kyimwi na inyi, kundu wawaṙane tapu; na wandu wa wuyana wamanye kye nyi iyoe ulengyiṙuma, kowakunda wo chandu ulengyikunda inyi.

Yohane 6:56

Mndu alya mmbiu oko na inyo samu yako nekyekaa kyiiṙi kyako na inyi ngyekyekaa kyiiṙi kyakye.

Waroma 5:5

Na ikusuria lyekyeende sonu-pfo; cha kyipfa ikunda lya Ruwa lyamletsio mrimenyi koṙu kui Mumuyo Mweele luleenengo soe.

1 Wakorinto 3:6

Inyi ngyilewaaya, Apolo kanyosa; indi mong'anyisa nyi Ruwa.

1 Wakorinto 8:1

Na mbonyi tsa shindo shaṙasio mafano, luichi kye soe loose luwoṙe wuṟango. Wuṟango wokyeende makushelo, indi ikunda lyekyekarisha iiṙikyia.

2 Wakorinto 13:5

Kuruwe-ruwenyi muwenyi kye mukyeri iiṙikyienyi. Kuṟingyishienyi muwenyi. Ang'u muichi muwenyi kye Yesu Kristo nakyeri mrimenyi konyu? Sile molego.

2 Wakorinto 6:16

Lyingyi-se hawoṙe iiṙikyiana lya mbaṟe iha kyiiṙi kya hekalu lya Ruwa na ifano? Cha kyipfa soe nyi hekalu lya Ruwa akyeri na moo; chandu Ruwa alegamba kye, “Ngyechikaa mrimenyi kowo na ichumia kyiiṙi kyawo na inyi ngyewa Ruwa owo, nawo wechiwa wandu wako.”

Wagalatia 2:20

Ngyilekapio msalabenyi hamwi na Kristo; kyaindi ngyiwoṙe moo; maa chi inyi-se-pfo, indi Kristo nai na moo mrimenyi koko. Na moo ngyiwoṙe wulalu mmbiunyi ngyiuwoṙe kyiiṙi kya iiṙikyia Mana o Ruwa, ulya alengyikunda kareka moo okye kyipfa kyako.

Wagalatia 5:6

Kyipfa kyiiṙi kya Kristo Yesu iṙino, maa iṙa iṙino lyiwoṙe kyiira kyoose-pfo, indi iiṙikyia lyekyeṟunda kui ikunda.

Wakolosai 1:23

Mukokuwaṙa na isaṟia lyilya tikyi, muwawikye wuye ya urende, mukokarisho; mulandeilacho na iṙa ikusuria lya Ndumi Ngyicha muleicho mbonyi tsayo, ileongoyo ko shindo shoose shigumbe shikyeri wuyanenyi, ikyeri kye inyi Paulo ngyiwekyeri mṟundi oyo.

Wakolosai 1:27

Iwo Ruwa alekunda iwamanyisha chandu wukyeri wunjana wo mng'ano wo wuṟikyi-wu kyiiṙi kya walya walaiṙikyie Ruwa nawo nyi Kristo mrimenyi konyu, ikusuria lya mng'ano.

Wakolosai 2:7

muwalungye tapu na oe, muwakarishe kui iiṙikyia, chandu mulelosho, mochiengyeṟa iana.

1 Yohane 4:16

Na soe lomanya ikunda Ruwa awoṙe koṙu soe, na ilyiiṙikyia. Ruwa nyi ikunda, na ulya ekyekaa ikundenyi, nekyekaa ko Ruwa, na Ruwa nekyekaa kokye.

1 Yohane 4:4

Nyoe, wana watutu, muwoṙe mumuyo uwukyie ko Ruwa; na nyoe mowawinga; cha kyipfa ulya akyeri mrimenyi konyu nang'anyi kuta ulya akyeri wuyanenyi.

Ulogo 3:20

Ngyigoṟokyi moongonyi, ngyikapa hodi. Mndu kaicho ṟui lyako, na iṟuguo moongo, ngyechiiṙa na kokye, na inyi ngyechilya hamwi na oe, na oe hamwi na inyi.