Wafilyipi 3:12 - Kivunjo New Testament 1999

¹² Kyiiṙi kyakye luwoṙe wuṟango na wukari na wuiṙimi wo tikyira kufuhi ikusurienyi kui njia ya imwiṙikyia.

Wafilyipi 3:12 Iomraidhean Croise

Yohane 14:6

Yesu kammbia, “Inyi nyi njia, na wuloi na moo. Mndu ekyecha na ko Awu, sile kui iiṙia koko-pfo.

Waroma 3:22

Nyi wusumganyi wo Ruwa wukyeri kui njia ya iiṙikyia kyiiṙi kya Yesu Kristo ko woose waiṙikyie. Kyipfa kuwoṙe kya mbaṟe ingyi-pfo.

Waroma 5:2

Ulya kui oe lulewona kui njia ya iiṙikyia ikooya isaṟia-lyi lugoṟokyi kyiiṙi kyalyo; na ichihiyo ikusurienyi lya mng'ano o Ruwa.

2 Wakorinto 3:4

Na ikusuria-lyo lulyiwoṙe mbele ya Ruwa kui njia ya Kristo.

Wafilyipi 2:18

Cha kyipfa kokye soe loose lulewona njia yetikyira kufuhi na Awu Mumuyonyi umwi.

Waebrania 10:35

Kyasia mulaṙe wukari maa wuṟango wonyu, cha kyipfa wuwoṙe wori wung'anyi.

Waebrania 3:6

indi Kristo, cha mana ekyechilyia numba ya Ruwa; ulya numba yakye ikyeri nyi soe, kokooya loengyeṟa iwaṙa wuṟango na wukari na ikushela lya iweṙelyia lyaṙu mṟasa mafurumionyi.

1 Petiro 3:18

Cha kyipfa Kristo na oe nalelyiso wukyiwa lyimwi tupu kyipfa kya wunyamaṟi woṙu, amsumganyi kyipfa kya walya walawasumganyi, kundu naluende na ko Ruwa; mmbiu okye ukowoogo, indi mrima okye ukoenengo moo.

1 Yohane 2:28

Na wulalu, wana wako, kaenyi kokye, kundu ilyi echiloṟo, luwaṙe wukari na wuṟango, maa lularigo nyi sonu mbele yakye kyiyeri kya icha lyakye lya kawi.

1 Yohane 3:21

Wakunde, mrima yaṙu ilandeluanduye, luwoṙe wukari na wuṟango ko Ruwa.