Wafilyipi 2:8 - Kivunjo New Testament 1999

⁸ Cha kyipfa mulekyiṟo kui isaṟia, kui njia ya iiṙikyia; chi kui ipfuṟukana lyanyu-pfo, nyi kyisumbo kya Ruwa;

Wafilyipi 2:8 Iomraidhean Croise

Matayo 16:17

Yesu kagaluo, kammbia, “Agusu iyoe Simion Mono-Yona, cha kyipfa chi pfinya ang'u wuṟango wo kyimndu shakutambuluya ikyi-pfo; indi Awu-yoko akyeri ruwewu.

Matayo 20:9

Na kyiyeri walecha walya wa saa kumi na imwi, waleambilyia orio mndu dinari.

Mariko 16:16

Aiṙikyia na ipatiso nechikyia; alaiṙikyia, nechianduyo.

Luka 7:50

Kawia mndu mka ulya, “Iiṙikyia lyapfo lyakukyiṟa. Yenda na ufoṟo.”

Yohane 3:36

Aiṙikyie Mana nawoṙe moo o mlungana; alaiṙikyie Mana echiwona moo-pfo, indi nyashi ya Ruwa yechimwolokyia.”

Yohane 4:10

Yesu kagaluo, kammbia, “Kokooya uweichi kyindo Ruwa ekyeenengyia, na nyi wui aikuwia ‘Ngyienenga mṟinga ngyinyo’, nuwechimterewa oe, na oe nawechikuenenga mṟinga uwoṙe moo.”

Yohane 5:24

Ny'kyaloi ngammbia, ulya aicho ṙeṙo lyako na iiṙikyia ulya alengyiṙuma nawoṙe moo o mlungana; maa echianduyo-pfo, indi ammbuka upfunyi na iira na moonyi o mlungana.

Yohane 6:35

Yesu kawawia, “Inyi nyi kyelya kya moo; ulya acha na koko echiicho njaa maa ale-pfo; na ulya angyiiṙikyie echiwoṙo nyi nyoṙa-pfo.

Yohane 6:37

Walya Awu angyienenga wechicha na koko; maa kuwoṙe mndu echicha na koko ngyimmbiyitse nja maa ale-pfo.

Yohane 6:40

Cha kyipfa kyilya Awu oko akundi nyi ikyi, kye orio mndu mokusuria Mana na imwiṙikyia, nawaṙe moo o mlungana; na inyi ngyechimṟutsa mfiri ulya o furumia.”

Yohane 6:44

Kuwoṙe mndu eiṙima icha na koko sile Ruwa ulya alengyiṙuma amsongoya-pfo; na inyi ngyechimṟutsa mfiri o furumia.

Yohane 6:65

Kagamba, “Kyipfa kya ikyo ngammbia kye kuwoṙe mndu eiṙima icha na koko sile Awu amwenenga wuiṙimi-pfo.”

Mawuto Ga Wasu 13:39

Na kui oe orio momwiṙikyia nekyetalo kye namsumganyi shindonyi shoose alechiiṙima italo kye namsumganyi kui uwawaso lo Mose.

Mawuto Ga Wasu 14:27

Kyiyeri waleshika kulya Antiokyia walewia wandu wa siṟi wasanzie handu hamwi, wakawaongoya shindo shoose Ruwa aleshiwuta hamwi nawo, na kye Ruwa nalepfunguya moongo o iiṙikyia wandu walaweiṙikyie Yesu.

Mawuto Ga Wasu 15:11

Indi luiṙikyie kye lochikyia kui isaṟia lya Mndumii Yesu cha wo.”

Mawuto Ga Wasu 16:14

Mndu mka umwi ekyelago Lyidia, ekyekumba ṟangyi ya kyimaande-maande, mndu awukyie Tiatira, aowuye na ikunda Ruwa, kaluaṙanyia, ulya Mndumii alemwenenga imanya mrimenyi kokye, naambilyie na iiṙikyia malosho ga Paulo.

Mawuto Ga Wasu 16:31

Wakammbia, “Iṙikyia Mndumii Yesu, na iyoe nochikyia hamwi na wandu wa kanyi kopfo.”

Waroma 10:14

Kyasia wamlage kuṙa icho walamwiṙikyie? Lyingyi-se wamwiṙikyie kuṙa icho walandemwicho? Lyingyi-se wamwicho kuṙa icho kulawoṙe moonguo mbonyi?

Waroma 10:17

Kyasia iiṙikyia lyekyecha kui kyilya mndu aiicho; na kyilya mndu aiicho kyekyecha kui ionguo Ṙeṙo lya Kristo.

Waroma 4:16

Koikyo kyaasa kyiwukyie iiṙikyienyi, kyiwe kui njia ya isaṟia, kundu kyaasa kyilya kyilalolome ko shishari shoose. Chi ko walya wa uwawaso tikyi-pfo, indi na ko walya wai wa iiṙikyia lya Abrahamu; akyeri awu oṙu soe loose;

Waroma 4:5

Kyaindi ko mndu alaiṟunda, indi kaiṙikyia ulya aimtalyia wusumganyi mndu alakundi na iowuo Ruwa, iiṙikyia lya mndu-cho lyatalo kye nyi wusumganyi.

Waroma 9:16

Kyasia, kokooya nyi wuṙo, chi wuiṙiminyi wo ulya akundi, maa wo ulya aikapa mteeṟa-pfo; indi wo Ruwa ulya aihooṟia.

Wagalatia 3:14

Kundu kye mboṟa ya Abrahamu ikooye walya walaiṙikyie Yesu kyiiṙi kya Yesu Kristo, luiṙime iambilyia kyaasa kya Mumuyo kui njia ya iiṙikyia.

Wagalatia 3:22

Kyaindi kyiṟeio kyiele kyagamba kye wuyana woose wuwuchilyie nyi wunyamaṟi kundu iwo waiṙikyie waenengo kyaasa kui iiṙikyia waenengo kyaasa-kyo kui iiṙikyia Yesu Kristo.

Wafilyipi 1:19

Na wucha wo wung'anyi wo wuiṙimi wokye mrimenyi koṙu luiṙikyie chandu wukyeri; kui iṙuana na iwuta lya pfinya tsa wuiṙimi wokye;

Wafilyipi 2:10

Kyipfa nyi wuṙo luwagumbe, lulegumbo kyiiṙi kya Kristo Yesu, luwute mawuto mecha, igo wookyia kacha Ruwa alegaṟeyeṟa kundu luwute luṙo.

Wafilyipi 2:5

mṟasa kyiyeri kyilya luwekyeri wapfu kyipfa kya maṙeko gaṙu; naleluṟutsa hamwi na Kristo; kyimwi na igamba kye, mulekyiṟo kui isaṟia.

Waefeso 1:29

Kyipfa muwaenengye kyipfa kya Kristo, chi imwiṙikyia tupu-pfo, kyaindi na ilyiso wukyiwa kyipfa kyakye;

Wakolosai 2:12

Mukoṟiko hamwi na oe wupatisonyi, na kyiiṙi kya wupatiso-wo mukoṟutso hamwi na oe, kui iiṙikyia pfinya tsa Ruwa alemuṟutsa ko wapfu.

2 Watesalonikye 1:9

Wechianduyo kui irumatso lya mlungana, iwiko kuleshi na kyaam kya Mndumii na mng'ano o pfinya tsakye.

Waebrania 6:4

Cha kyipfa walya walemuenengo ngyeela, na isonja kyisumbo kya ruwewu, na iambilyia ṙombo lya Mumuyo Mweele,

1 Petiro 1:5

Na nyoe mokyeringo nyi pfinya tsa Ruwa kui njia ya iiṙikyia mṟasa muiṙime iwona wukyiṟo wuwuṟeyeṟe wuloṟo kyiyeri kya mafurumionyi.