Wafilyipi 2:3 - Kivunjo New Testament 1999

³ wakyeri kye kacha, soe loose luleweṟunda kui isanza nawo, langonyi tsa mmbiu yaṙu, kyiyeri luleosha lango tsa mmbiu na makusaṟo gaṙu, lukowa kui mwichiwie oṙu wana wa nyashi kyimwi na iwo wengyi.

Wafilyipi 2:3 Iomraidhean Croise

Mariko 4:19

kyaindi ikuwinisha lya kyiwuyana, na wulembi wo masaa, na lango tsa shindo shingyi tsikacha, shekyepfumba Ṙeṙo lyilya lya Ruwa lyilakumbie.

Yohane 1:13

Wandu-wa wawafee, chi kui pfinya tsa mndu, maa chi kui ikunda lya mmbiu, maa kui chandu mndu akundi-pfo, indi kui pfinya tsa Ruwa.

Yohane 8:44

Nyoe nyi wa awu onyu Mokyiriinzi, na lango tsa awu onyu nyitso mukundi itsiosha. Oe nyi mmbaagi wookyia mawookyionyi; maa alandekae ura lo wuloi-pfo, cha kyipfa kokye kuwoṙe wuloi-pfo. Kyiyeri aṙeṙa wongo, nekyeṙeṙa shikyeri shakye amonyi; cha kyipfa oe nekyeṙeṙa wongo na nyi awu o wongo.

Mawuto Ga Wasu 14:16

Ulya nyoe kyiyeri kya kacha kyileiṙa aleṙa masanga goose gawute chandu gakundi.

Waroma 1:24

Kyipfa kya isho Ruwa nalewaṙa langonyi tsa mrima yawo, waoshe ukoe, mṟasa wakawutiana shindo sha sonu kui mmbiu yawo.

Waroma 11:30

Kyipfa kokooya chandu nyoe kacha mulelega Ruwa, kyaindi wulalu mulewona isaṟia kui ilega lyawo;

Waroma 13:14

Indi irenyi shisha sha Mndumii Yesu Kristo, maa mulaambuye mmbiu, mṟasa muamtse lango tsacho.

Waroma 2:14

Kyipfa ilyi wandu wa Masanga walawoṙe mawawaso wekyewuta kui mkaṟo yawo shilya shikyeri uwawasonyi, walawoṙe mawawaso wakuenenga mawawaso wawenyi.

Waroma 5:10

Cha kyipfa kokooya kyiyeri luwewoṙe kyituwa na Ruwa lulesanzo kui upfu lo Mono-kye; ngoseṟa mnu lukomsanzo lochikyiṟo kui moo okye.

Waroma 5:9

Kyasia ngoseṟa mnu lukomtalyio wusumganyi samunyi yakye, nelushingyia lulaolokyio nyi nyashi ya Ruwa.

Waroma 6:12

Kyasia, wunyamaṟi wulachilyie mmbiunyi yanyu yekyepfa mṟasa mukoosha lango tsayo.

Waroma 7:18

Cha kyipfa ngyiichi kye mrimenyi koko, lugambe mmbiunyi oko, kokyekaa kyindo kyicha-pfo cha kyipfa ikunda ngyikundi, indi iwuta kyindo kyicha ngiiṙima-pfo.

Waroma 9:22

Kyasia ny' kyikyi-ng'u, kokooya Ruwa kui ikunda iloṟa nyashi yakye, na iṟingyishia wuiṙimi wokye, kui ikarishia lying'anyi, naleṙuana na walya wawewaṟi inyamaṟo nyi nyashi ya Ruwa.

1 Wakorinto 4:7

Kyipfa nyi wui echiloṟa chandu ulafananyi na ungyi? Na iyoe nuwoṙe kyikyi ulaikyiambilyia? Kyaindi kokooya nuleambilyia, nuikushelyia kyi kye uleambilyia-pfo?

2 Wakorinto 7:1

Kyasia-ng'u, wakunde wako, cha kyipfa luwoṙe shaasa-sho, lusanje mrima-i yaṙu ilekane na ukoe loose lo mmbiu na mrima, kunu lochiafutsia wuele kui iindia Ruwa.

Wagalatia 3:22

Kyaindi kyiṟeio kyiele kyagamba kye wuyana woose wuwuchilyie nyi wunyamaṟi kundu iwo waiṙikyie waenengo kyaasa kui iiṙikyia waenengo kyaasa-kyo kui iiṙikyia Yesu Kristo.

Wafilyipi 2:2

Ngyuunyamaṟi muletsiwuta kacha kui iosha mchilyi ang'anyi o waṟufui wa ngyinenyi, mṟufui ulya o Satana aiṟunda maṟunda wulalu kyiiṙi kya walya waiwingana na Ruwa;

Wafilyipi 4:22

Ṙenyi mbonyi tsa mchumie o kuwooka o mndu o kacha, okyenyamaṟika kui iosha lango tsekyelemba.

Wakolosai 1:21

Na nyoe muwekyeri ipfo mawookyionyi kuleshi na Ruwa, lyingyi-se washituwa wakye makusaṟonyi ganyu, kui mawuto ganyu mawicho, namusanza wulalu;

1 Watesalonikye 4:13

Kyaindi, wana wa wama, lukundi muṙe mulamanya mbonyi tsa iwo wapfiie-pfo, mulachewuta ho iwihiyo mrimenyi cha wengyi walawoṙe ikusuria.

1 Watesalonikye 5:6

Kyasia lulalae maṙoe cha wandu wengyi, indi lulae kyiṙombo, na iwaṙa meena.

1 Timoteo 6:9

Kyaindi iwo wakundi iwaṙa masaa wekyeoloka shiyeshonyi na mṙegonyi, na langonyi tsingyi tsa maai, tsekyelyisa wukyiwa, tsekyeolotsa wandu wuṙetsinyi na wunyamaṟinyi.

Tito 3:3

Kyipfa mfiri ya ipfo numa maa soe luwewoṙe wuṟango-pfo. Luwewanyamaṟi, luwalembe, kunu lochiosha lango na shindo sha mamoona sha mbaṟe tsifoi, lochiwaṙa mkaṟo ya wuwicho na wunyeng'i, lochisuiṟana na isuana.

1 Petiro 1:14

Cha wana wa wuindi mulakufananyishe na lango tsanyu tsa mawookyionyi, tsa wutondo wonyu;

2 Petiro 2:14

Wawoṙe meso gaichuo wuṟui, wandu walekyeṙa iwuta wunyamaṟi, wekyelemba mrima ilangyikarishe, wawoṙe mrima ingyiichiwiṟe ilanga, wana wa seso.

2 Petiro 2:18

Kyipfa wekyeṙeṙa maṙeṙo gekushela na galawoṙe kyiira, na kui lango ngyiwicho tsa mmbiu yawo wekyelemba walya waleṙicha mawicho na lango tsa wuyana.

1 Yohane 2:16

Orio kyindo kyikyeri wuyanenyi, lango tsa mmbiu, na lango tsa meso, na moo okyeenenga wandu ikushela, shekyewuka ko Awu-pfo, indi shekyewuka wuyanenyi.

1 Yohane 2:8

Lyingyi-se ngamuṟeia iwawaso lyihya; mbonyi tsikyeri loi kokye na konyu; kyipfa meema uiṙa na ngyeela iya ya loi yamlyimika.