Wafilyipi 2:15 - Kivunjo New Testament 1999

¹⁵ Na oe ammbute kyituwa kyilya kui mmbiu okye; nyigo mawawaso ga shindo wandu wawaṟi iwuta na walawaṟi iwuta; kundu nawikye iwo wawi wawe mndu umwi mhya kyiiṙi kyakye; kaende ufoṟo.

Wafilyipi 2:15 Iomraidhean Croise

2 Wakorinto 5:17

Na kyawa kye, mndu kakaa kyiiṙi kya Kristo nawa mndu mhya; sha kacha shaiṙa, shoose shawa shihya.

Wagalatia 3:10

Cha kyipfa woose wakyeri wa mawuto ga mawawaso, wakyeri kyisesonyi; kyipfa kyikyiṟeie, “Namsese ulya alekyeosha shindo shoose shikyeri kyitapunyi kya uwawaso.”

Wagalatia 3:28

Kuwoṙe-se Myuda maa Mkyiṟikyi-pfo. Kuwoṙe-se mtumo ang'u alakyeri mtumo-pfo. Kuwoṙe-se mndu msoṟo maa mndu mka-pfo. Kyipfa nyoe moose mowa kyindo kyimwi kyiiṙi kya Kristo Yesu.

Wagalatia 6:15

Cha kyipfa iṙino ang'u iṙa iṙino chi kyindo-pfo, indi kyindo kying'anyi nyi iwa mndu mhya.

Wafilyipi 2:10

Kyipfa nyi wuṙo luwagumbe, lulegumbo kyiiṙi kya Kristo Yesu, luwute mawuto mecha, igo wookyia kacha Ruwa alegaṟeyeṟa kundu luwute luṙo.

Wafilyipi 2:14

Kyipfa oe nyi oe ufoṟo loṙu, aleluwutia soe luwekyeri wawi lukowa umwi; kafunja kyiambasa kya makyiṙi-gawi kyiweluletsanie.

Wafilyipi 2:16

Kawasanza woose wewawi na Ruwa mmbiunyi umwi, kui njia ya msalaba, amrumatse kyituwa kyilya kui msalaba-cho.

Wafilyipi 4:16

Kui oe mmbiu oose ochilungo na iwaṙana kui wutarami wo orio kyiwungo, iṙuana na iṟunda lya orio kyiwungo; iṟunda lyekyeṙosa mmbiu uiṙime ikukarisha umonyi ikundenyi.

Wakolosai 2:14

Amfurunje kyiṟeio kyiwekyiṟeie kyeluṙuo mengyenyi kui ianduya lyakye, lyiwewoṙe kyituwa koṙu; kalyiwuta lyilakae-se ho, kalyikapia msalabenyi,

Wakolosai 2:20

Kyasia kokooya mulepfa hamwi na Kristo mukoṙa malosho galya ga kuwooka ga wuyana, ny'kyilyi muichilyio nyi mawawaso cha wandu wakyeri wuyanenyi, kunu mochiosha mawawaso na malosho ga wandu?

Wakolosai 3:10

mochiṟaa mkaṟo mhya. Ikyi nyikyo kyindo kyihya Ruwa ulya alekyigumba aikyigumba orio mfiri kui mfano okye, kundu namuenengye pfinya ya immanya nakamwi.

Wakolosai 3:11

Iho kuwoṙe Mkyiṟikyi maa Myuda-pfo, iṙino maa iṙa iṙino-pfo, muyenu maa tondo, mtumo maa ulya alakyeri mtumo-pfo, indi Kristo nyi shoose, na kyiiṙi kya shoose.

Wakolosai 3:15

Na ufoṟo lo Kristo luloṟe kyilya kyiwaṟi mrimenyi konyu, nyikyo mulelagio mmbiunyi umwi; lyingyi-se muwe wandu wekyeana.

Waebrania 7:16

alakyeri mkohanyi ko mawawaso ga kyimndu, indi kui pfinya tsa moo tsilekyesia.

Waebrania 8:13

Kui igamba, “Mma Mhya” nagaluo lyilya lya kuwooka iwa lyiku. Kyaindi kyindo kyawooka ikuo nyi iwuka ho kyii.

Waebrania 9:23

Kyasia, kyiwewaṟi nakala tsa shindo shikyeri ruwewu tsisanjo chandu kyamugambo, kyaindi shindo sha ruwewu imonyi shisanjo kui shiṙaso shishicha kuta isho.