Wafilyipi 2:12 - Kivunjo New Testament 1999

¹² Kyiyeri-kyo kya kacha mulawewoṙe Kristo, muwelekanyi na mbaṟe ya Isiraelyi, wayenu walawoṙe shiteṟio sha kyaasa kyilya. Muwewoṙe ikusuria-pfo, maa muweichi Ruwa-pfo.

Wafilyipi 2:12 Iomraidhean Croise

Luka 1:72

Kundu nawutie waku waṙu, isaṟia na ikumbuo mma okye mweele.

Yohane 10:16

Ngyiwoṙe na moondo gengyi, galakyeri ga mfiṟiga-chu; na igo nago kyingyiwaṟi igaende na kunu mfiṟigenyi, na ṟui lyako gechilyiaṙanyia. Naaho-ng'u kochiwaṙa poo lyimwi na mlyisi umwi.

Yohane 15:5

Inyi nyi msabibu; nyoe nyi mbaga; ulya awa kyindo kyimwi na inyi, nekumbia ndunda tsifoi mnu; kyipfa ngyilai ho inyi moiṙima iwuta kyindo kyoose-pfo.

Yohane 4:22

Nyoe muindia kyindo mulakyiichi; soe luindia kyindo lukyiichi; cha kyipfa wukyiṟo wuwukyie ko Wayuda.

Mawuto Ga Wasu 2:39

Cha kyipfa kyaasa-kyi nyi kyipfa kyanyu, na ko wana wanyu, na ko walya wai kuleshi, na ko woose wechilago nyi Mndumii oṙu Ruwa wache na kokye.”

Mawuto Ga Wasu 28:20

Kyasia kyipfa kya ikyo, ngamulaga muchengyiambuya na iṙeṙa na inyi; cha kyipfa ngyimfungye na mshe-chu kyipfa kya kyilya wandu wa Isiraelyi waiweṙelyia.”

Mawuto Ga Wasu 3:25

Nyoe mowa wana wa weonguo shisuku na wa mma iya Ruwa alelya na waku wanyu, echiwia Abrahamu, ‘Kyisharinyi kyapfo, mbaṟe tsoose tsa wandu wa wuyana tsechiwikyio mboṟa.

Waroma 9:8

Kyimwi na igamba chi wana wa mmbiu wai wana wa Ruwa-pfo, indi wana wa kyaasa kyilya wekyetalo kye nyi wa ushari.

Wagalatia 4:8

Kyaindi kyiyeri kyilya, kyipfa mulaweichi Ruwa, muleṟundia shindo shilakyeri waruwa.

Wafilyipi 2:19

Kyasia wookyia wulalu nyoe chi wayenu maa wandu waikuiṙia-pfo, indi nyoe nyi wandu walakyeri wayenu hamwi na wandu wa Ruwa, wandu wa kanyi ko Ruwa.

Wafilyipi 4:18

Walya ngyuuṟango tsawo tsilewiko meema, nawo walewiko kuleshi na moo o Ruwa, kyipfa kya wutondo wukyeri mrimenyi kowo, kyipfa kya wuumu wo mrima yawo.

Wakolosai 1:21

Na nyoe muwekyeri ipfo mawookyionyi kuleshi na Ruwa, lyingyi-se washituwa wakye makusaṟonyi ganyu, kui mawuto ganyu mawicho, namusanza wulalu;

Wakolosai 1:27

Iwo Ruwa alekunda iwamanyisha chandu wukyeri wunjana wo mng'ano wo wuṟikyi-wu kyiiṙi kya walya walaiṙikyie Ruwa nawo nyi Kristo mrimenyi konyu, ikusuria lya mng'ano.

Wakolosai 1:5

Kyipfa kya ikusuria mulewikyio kyiseyesoe ruwewu; muleicho mbonyi tsalyo kacha ko mbonyi tsa loi tsa Ndumi Ngyicha;

1 Watesalonikye 4:13

Kyaindi, wana wa wama, lukundi muṙe mulamanya mbonyi tsa iwo wapfiie-pfo, mulachewuta ho iwihiyo mrimenyi cha wengyi walawoṙe ikusuria.

1 Watesalonikye 4:5

chi kui mkaṟo ya lango ngyiwicho, cha wandu walaichi Ruwa-pfo.

2 Watesalonikye 2:16

Na Mndumii oṙu Yesu Kristo amonyi, na Ruwa Awu oṙu, alelukunda kaluenenga iwiyiṟio moo lya mlungana na ikusuria lyicha, isaṟienyi,

1 Timoteo 1:1

Inyi Paulo, msu o Kristo Yesu, kui iwawaso lya Ruwa Mkyiṟa oṙu na Kristo Yesu, ulya lukuwoṙe na oe tapu;

Waebrania 11:34

walerumisha pfinya tsa moṙo, walekyia iwoogo nyi ngyuushu. Waleenengo pfinya numa ya iwa wafafa, walewaṙa wuragari shiṙenyi, walewinga wamesa wa wayenu.

Waebrania 6:18

Shilya kyiiṙi kyasho Ruwa alechiiṙima iṙeṙa wongo, luwone iwiyiṟio moo lyilalolomie, soe lulalekyelyio iosha na isimiria shilya shilewiko mbele yaṙu.

Waebrania 8:6

Kyaindi wulalu nawona iṟunda lyicha ngoseṟa, chandu akyeri mndu aṙuṙe ndago ya mma mcha, Ruwa nagambie kye wandu wakye wechiwona shindo shicha kuta isho.

1 Petiro 1:21

Ulya kui oe mowa wandu waiṙikyie Ruwa, alemṟutsa iwuka ko wapfu kamuenenga kyiṟumi; mṟasa iiṙikyia lyanyu na ikusuria lyanyu lyiwe ko Ruwa.

1 Petiro 1:3

Ruwa naṟumisho, Awu o Mndumii oṙu Yesu Kristo, ulya kui isaṟia lyakye alelufee lya kawi kundu luwone ikusuria lyiwoṙe moo kui iṟuka lya Yesu Kristo iwuka ko wapfu.

1 Petiro 3:15

Mukuṟeyeṟe orio mfiri igaluo orio mndu ammbesa mbonyi tsa ikusuria lyikyeri mrimenyi konyu; kyaindi kui wuhoo na wuowu.

1 Yohane 3:3

Na orio mndu awoṙe ikusuria-lyi kui Kristo nekyekuilyisha, chandu oe akyeri mweele.