Wafilyipi 2:10 - Kivunjo New Testament 1999

¹⁰ Kyipfa nyi wuṙo luwagumbe, lulegumbo kyiiṙi kya Kristo Yesu, luwute mawuto mecha, igo wookyia kacha Ruwa alegaṟeyeṟa kundu luwute luṙo.

Wafilyipi 2:10 Iomraidhean Croise

Matayo 5:16

Na wuṙo ngyeela yanyu ilyimikye mbele ya wandu, waiṙime iwona mawuto ganyu mecha, waṟumishe Awu-yonyu akyeri ruwewu.”

Yohane 3:21

Indi ulya ekyewuta kyindo kya loi nekyecha na ngyeelenyi, kundu mawuto gakye gawono na pata kye gawuto kui Ruwa.”

Mawuto Ga Wasu 9:31

Kyasia Siṟi ikawona sia urukyenyi lo Uyuda na Galyilaya na Samaria. Siṟi ikawaṙa pfinya, ikaengyeṟika, yechiindia Mndumii Yesu na iwiyiṟio moo nyi Mumuyo Mweele.

Mawuto Ga Wasu 9:36

Na kulya Yafa kuwewoṙe manalosho umwi ekyelago Tabita (kyimwi na igamba Dorikasi ang'u moṟinyi). Mndu mka-chu nawewoṙe mawuto mecha na ienengyia shienengo shetarama wakyiwa.

Waroma 8:1

Kyasia-ng'u, wulalu, kuwoṙe ianduyo lya ngapo ko iwo wakyeri kyiiṙi kya Kristo Yesu-pfo.

Waroma 8:29

Kyipfa walya awewaichi wookyia mawookyionyi, nalewasambuṟa wookyia mawookyionyi wafananyisho na mfano o Mono-kye, kundu oe nawe mmbele o wana wa wama wafoi.

1 Wakorinto 3:9

Kyipfa soe lukyeri waṟundi hamwi na Ruwa; nyoe nyi ṙema lya Ruwa, nyi numba ya Ruwa.

2 Wakorinto 5:17

Na kyawa kye, mndu kakaa kyiiṙi kya Kristo nawa mndu mhya; sha kacha shaiṙa, shoose shawa shihya.

2 Wakorinto 5:5

Kyasia ulya aleluṟeyeṟia isho nyi Ruwa, na oe naleluenenga Mumuyo okye moluringa.

2 Wakorinto 9:8

Na Ruwa neiṙima imuenenga orio mboṟa iingikyie, kundu nyoe mfiri yoose muiṙime iwaṙa orio kyindo mukundi, na muwoṙe orio kyindo mukundi muiṙime ienengyia kulawoṙe iehia.

Wagalatia 6:15

Cha kyipfa iṙino ang'u iṙa iṙino chi kyindo-pfo, indi kyindo kying'anyi nyi iwa mndu mhya.

Wafilyipi 1:1

Inyi Paulo, ngyikyeri msu o Kristo Yesu chandu Ruwa akundi, ngaṟeia paruo-i konyu nyoe wandu wa Ruwa wakyeri [Efeso] waiṙikyie Kristo Yesu.

Wafilyipi 1:4

Chandu alelusambuṟa kyiiṙi kyakye kyiyeri wuyana wulawendegumbo, kundu luwe wandu wa Ruwa, wandu walawoṙe mti mbele yakye ikundenyi.

Wafilyipi 2:13

Kyaindi wulalu, kyiiṙi kya Kristo Yesu, nyoe muwekyeri kuleshi iho mawookyionyi, mowa kufuhi kui samu ya Kristo.

Wafilyipi 2:15

Na oe ammbute kyituwa kyilya kui mmbiu okye; nyigo mawawaso ga shindo wandu wawaṟi iwuta na walawaṟi iwuta; kundu nawikye iwo wawi wawe mndu umwi mhya kyiiṙi kyakye; kaende ufoṟo.

Wafilyipi 2:2

Ngyuunyamaṟi muletsiwuta kacha kui iosha mchilyi ang'anyi o waṟufui wa ngyinenyi, mṟufui ulya o Satana aiṟunda maṟunda wulalu kyiiṙi kya walya waiwingana na Ruwa;

Wafilyipi 2:6

Kaluṟutsa hamwi na oe, kaluṟamiṟa hamwi na oe wuyanenyi wo ruwewu, kyiiṙi kya Kristo Yesu.

Wafilyipi 4:1

Koikyo ngyimuterewa, inyi ngikyeri mpfungo kyiiṙi kya Mndumii, mukae chandu kyiwaṟi kyilya mulelagio.

Wafilyipi 4:24

Muwaṙe mchumie o mndu mhya, ulegumbo kui mbaṟe ya Ruwa wusumganyinyi na wuelenyi wo loi.

Waefeso 1:6

Na inyi ngyikyiiṙikyie nyikyo ikyi, kye ulya alewooka iṟunda lyicha mrimenyi konyu nechilyiafutsia mṟasa mfiri Yesu Kristo echiwuya.

Waefeso 2:13

Cha kyipfa nyi oe Ruwa aiṟunda maṟunda mrimenyi konyu, iambilyia lyanyu na iṟunda lyanyu, kui iafutsia makusaṟo gakye mecha.

Wakolosai 1:10

Mukae chandu Mndumii akundi, mochimchihiṟa piu; mochikumbia ndunda kui orio iṟunda lyicha, na iengyeṟika wuṟangonyi wo Ruwa.

Wakolosai 3:10

mochiṟaa mkaṟo mhya. Ikyi nyikyo kyindo kyihya Ruwa ulya alekyigumba aikyigumba orio mfiri kui mfano okye, kundu namuenengye pfinya ya immanya nakamwi.

2 Watesalonikye 2:17

namuwiyiṟie moo na imukarisha orio ṙeṙonyi na iṟundenyi lyicha.

1 Timoteo 2:10

indi kui mawuto mecha, chandu kyiwaṟi waka wekyeloṟa kye waowuye na ikunda Ruwa.

1 Timoteo 5:10

Na oe naṟingyishio kye nawoṙe mawuto mecha; kokooya naleambuya na iṙosa wana necha, kokooya naleambilyia wayenu, kookoya nalekutitiṟa mṟasa kaanguo wandu wa Ruwa maṙende, kokooya naletarama wandu wailyiso wukyiwa, kokooya nalewika wuragari iṟundenyi lyicha.

1 Timoteo 5:25

Na wuṙo mawuto mecha gawonio na pata; maa kokooya galawonio nyi wandu chi kyindo kyeiṙima ikuṟiika-pfo.

1 Timoteo 6:18

Wawute shindo shicha, wawe wanjama kui iwuta wucha, waenengyie masaa gawo, wakae na wandu wengyi kui mrima;

2 Timoteo 2:21

Kyasia kokooya mndu nakuilyisha kui ikushowa na isho, nechiwa kyindo kyewona kyiṟumi, kyikyisanje, kyiwoṙie Mndumii kyiira, kyikyiachikyie kui orio iṟunda lyicha.

2 Timoteo 3:17

Kundu mṟundi o Ruwa nawe mndu aafutsie echiiṙima iṟunda orio iṟunda lyicha.

Tito 2:14

ulya alereka moo okye kyipfa kyaṙu, kundu nalukyiṟe lulaolokyio nyi mawicho ga mbaṟe tsoose, na iilyisha wandu wawe wakye oe amonyi, walya wawoṙe wuragari mawutonyi mecha.

Tito 2:7

shindonyi shoose, iyoe kumonyi ochiloṟa mfano o mawuto mecha, na maloshonyi gapfo ochiloṟa wuloi na kulawoṙe temo,

Tito 3:1

Ukumbuṟe wandu ipfereria ko walya wawoṙe pfinya na wuchilyi, na iindia, na orio kyiyeri ikuṟeyeṟa ko orio iṟunda lyicha.

Tito 3:14

Wandu waṙu nawo wakuloshe iwuta shindo shicha orio kyiyeri, ko shindo shilya shiwaṟi tikyi; walacheewa wandu waiṟunda wulya.

Tito 3:8

Nyi kyindo kya loi; na shindo-sho ngyikundi ushionguo na pfinya, kundu walya waleiṙikyia Ruwa wakumbuo ikaa mawutonyi mecha. Isho shishicha; lyingyi-se shiwoṙe kyiira ko wandu.

Waebrania 10:24

Luambuye chandu lochitaramana na iwutiana shindo shicha na itutumana kui ikunda na iṟunda lyicha.

Waebrania 13:21

namuenengye nyoe iafutsia kyaro orio iṟundenyi lyicha, muiṙime iwuta shilya akundi; na oe echiwuta mrimenyi koṙu kyilya kyichihiṟie mbele yakye, kui Yesu Kristo; kyiṟumi kyikae na oe mlungana na mlungana. Amen.

1 Petiro 2:12

Muwaṙe mkaṟo mcha kyiyeri mukyeri na walya walaiṙikyie Yesu, kundu kokooya wekyemuiria kye mowuta shindo shiwicho, wakaambuya mawuto ganyu mecha, waṟumishe Ruwa kyiyeri-kyo Yesu echicha lya kawi.

1 Yohane 1:7

Indi lukowaṙa mkaṟo ya ngyeela, chandu oe akyeri ngyeelenyi, lokaa handu hamwi soe, na samu ya Kristo, Mono-kye, yalusanja wunyamaṟi woose.

1 Yohane 2:6

Ulya aigamba kye namlungye na Ruwa, kyimmbaṟi iwuta kuṙo chandu Yesu alewuta.