Wafilyipi 1:7 - Kivunjo New Testament 1999

⁷ Kyiiṙi kyakye kui samu yakye, luwoṙe wukyiro woṙu, ihooṟio wunyamaṟi, iṙuana na isaṟia lyakye lying'anyi.

Wafilyipi 1:7 Iomraidhean Croise

Matayo 20:28

Chandu Mono-Adamu alalecha iṟundio, kyaindi iṟunda, na ireka moo uwe kyindo kyekyiṟa wanyamaṟi.”

Matayo 26:28

cha kyipfa iyi nyi samu yako ya mma, ipusuka kyipfa kya wafoi ko iwuto wunyamaṟi.

Matayo 6:12

Uluhooṟie maṙeko gaṙu, chandu na soe lokyehooṟia walya wekyeluṙekyio.

Mariko 14:24

Kawawia, “Iyi nyiyo samu yako ya mma, ipusuka kyipfa kya wafoi.

Luka 1:77

umanyishe wandu wakye wukyiṟo, kyiiṙi kya ihooṟio ngyuunyamaṟi tsawo.

Luka 24:47

Na kye masanga goose geongoyo mbonyi ngyicha kui rina lyakye, mbonyi tsa iṙumbuya wunyamaṟi na ihooṟio gyuunyamaṟi, iwookyia Yerusalemu.

Yohane 20:23

Mndu oose mochimhooṟia wunyamaṟi nechihooṟio loi; na ulya mulamhooṟia echihooṟio-pfo.”

Mawuto Ga Wasu 10:43

Icho weonguo shisuku woose walemṟingyishia, kye kui rina lyakye orio momwiṙikyia nechihooṟio wunyamaṟi.”

Mawuto Ga Wasu 2:38

Petiro kawawia, “Ṙumbuyenyi iwuta sha wunyamaṟi, mupatiso orio umwi kui rina lya Yesu Kristo, muiṙime iambilyia ihooṟio lya ngyuunyamaṟi tsanyu, na nyoe mochiambilyia kyienengo kya Mumuyo Mweele.

Mawuto Ga Wasu 20:28

Ringyenyi mrima yanyu, na poo-lyo lyoose, lyilya Mumuyo Mweele alemusambuṟa nyoe mulyiambuye, muiṙime ienenga Siṟi yakye kando, Siṟi aleigaluo yakye amonyi kui upfu lokye.

Mawuto Ga Wasu 3:19

Kyasia ṙumbuyenyi wunyamaṟi, muwiyilyie Ruwa, kundu ngyuunyamaṟi tsanyu tsiwuto piu, kyiyeri kyilya kyewiyiṟio moo kyipfa kya Mndumii Yesu iṙiko koṙu kyiiṙime iafukyia.

Waroma 2:4

Ang'u nuimina wucha wokye wufoi na wusimiri wokye na ikarishia lyakye, ulamanye kye wucha wo Ruwa wukukuruo uiṙime iṙumbuya wunyamaṟi?

Waroma 3:24

Waitalyio wusumganyi walaitaa kyindo kui isaṟia lyakye, kui njia ya wukyiṟo wukyeri kyiiṙi kya Kristo Yesu.

Waroma 3:25

Ichu Ruwa amwummbikye nawe kyisanza kui njia ya iiṙikyia samunyi yakye, kundu naloṟe wusumganyi wokye, kyipfa kya ilekyia wusimirinyi wo Ruwa maṙeko goose galesonguo iwuto.

Waroma 9:23

Lyingyi-se, kundu naṟingyishie wung'anyi wo kyiṟumi kyakye kui shindo shilya sha isaṟia, aleshiachikyia wookyia kacha shiwaṙe kyiṟumi.

1 Wakorinto 1:30

Indi kui oe nyoe moiṙima iwa kyiiṙi kya Kristo Yesu, alefeo koṙu cha wuṟango wuwukyie ko Ruwa, na wusumganyi, na wuele, na wukyiṟo;

2 Wakorinto 8:9

Kyipfa mommanya isaṟia lya Mndumii oṙu Yesu Kristo, maa chandu awekyeri mnjama, kyipfa kyanyu, nalewa mkyiwa kundu nyoe muiṙime iwa wanjama kui wufofo wokye.

Wafilyipi 1:14

Nyi oe akyeri mogoṟokyia kyioṟa kyaṙu, kundu naende wukyiṟo wo Wumangyi wokye, wuwe kyiṟumi na mng'ano okye.

Wafilyipi 1:18

Ruwa naṟuguo mrima yanyu iiṙime iwona, mumanye ikusuria lya ilaga lyakye chandu lyikyeri; na wusuṟi wo mng'ano wo kyioṟa kyakye wandunyi wa Ruwa chandu wukyeri.

Wafilyipi 1:6

Mng'ano o isaṟia lyakye uṟumisho, alelusaṟia kyiiṙi kya icho Mkunde.

Wafilyipi 1:8

Na oe naleluengyeṟia ikyo wuṟangonyi woose na wunyotsu;

Wafilyipi 2:4

Kyaindi Ruwa kyipfa akyeri o isaṟia lying'anyi, kui ikunda lyakye lying'anyi alelukunda;

Wafilyipi 2:7

Kundu kyiiṙi kya shiyeri-sho shiicha naloṟe ielewetsa lya isaṟia lyakye kui wucha wokye koṙu soe kyiiṙi kya Kristo Yesu.

Wafilyipi 3:16

Namutarame, iṙuana na wunjama wo mng'ano okye, ikarisha kui pfinya, kui iṟunda lya Mumuyo okye, naengyeṟe imukarisha.

Wafilyipi 3:8

Inyi, ngyikyeri mtutu kuta ulya akyeri mtutu o wandu wa Ruwa woose, ngyileenengo isaṟia-lyi lyeongoya wandu walaiṙikyie Ruwa wunjama wo Kristo wulekyeiṙima iyeṟo;

Waefeso 4:19

Na Ruwa oko nechimuenenga na imuichuṟia pacha orio kyindo muuṟie iṙuana na wunjama wokye, kyiṟuminyi kya Yesu Kristo.

Wakolosai 1:14

akyeri kye kyiiṙi kyakye luwoṙe wukyiṟo, nyi kyimwi na igamba kye, ihooṟio lya wunyamaṟi.

Wakolosai 1:27

Iwo Ruwa alekunda iwamanyisha chandu wukyeri wunjana wo mng'ano wo wuṟikyi-wu kyiiṙi kya walya walaiṙikyie Ruwa nawo nyi Kristo mrimenyi konyu, ikusuria lya mng'ano.

Wakolosai 2:13

Na nyoe kyiyeri muwepfiie kyipfa kya maṙeko ganyu na kyipfa kya ilyi mulawekyeri Wayuda, nalemuṟutsa hamwi na oe, amluhooṟie maṙeko goose.

Wakolosai 2:2

Kundu wawiyiṟio moo mrima yawo, wechisanzo ikundenyi wawone wunjama woose wo imanya kui wuloi, waiṙime imanya nakamwi wuṟikyi wo Ruwa, kyimwi na igamba kye nyi Kristo;

1 Timoteo 2:6

Ulya alekuwuta amonyi kundu naendie wandu woose wukyiṟo; ikuwuta lyileloṟa kyiyeri Ruwa akundi ikyiṟa wandu woose.

Tito 2:14

ulya alereka moo okye kyipfa kyaṙu, kundu nalukyiṟe lulaolokyio nyi mawicho ga mbaṟe tsoose, na iilyisha wandu wawe wakye oe amonyi, walya wawoṙe wuragari mawutonyi mecha.

Tito 3:6

Ulya alelupusia kulawoṙe iehia, kui njia ya Yesu Kristo Mkyiṟa oṙu;

Waebrania 9:22

Na Uwawasonyi shindo shoose shilesanjo kui samu, na kulawoṙe ipusuo samu kuwoṙe iwuto wunyamaṟi-pfo.

1 Petiro 2:24

Oe amonyi naleṙuo ngyuunyamaṟi tsaṙu mmbiunyi kokye msalabenyi o wunyamaṟi na ikaa chandu Ruwa akundi; kyipfa Kristo alekapio msalabenyi nyoe mowaṙa moo o kyimrima.

1 Petiro 3:18

Cha kyipfa Kristo na oe nalelyiso wukyiwa lyimwi tupu kyipfa kya wunyamaṟi woṙu, amsumganyi kyipfa kya walya walawasumganyi, kundu naluende na ko Ruwa; mmbiu okye ukowoogo, indi mrima okye ukoenengo moo.

1 Yohane 2:12

Ngyimuṟeia nyoe wana wako, cha kyipfa mohooṟio ngyuunyamaṟi tsanyu kyipfa kya rina lyakye.

1 Yohane 2:2

Na oe nyi oe moluwuta ngyuunyamaṟi tsaṙu; chi ngyuunyamaṟi tsaṙu tupu-pfo indi na tsa wandu wa wuyanenyi koose.

1 Yohane 4:10

Ilyi nyilyo ikunda, chi kye soe lulekunda Ruwa-pfo, indi kye oe nalelukunda soe kaṙuma Mono-kye iwa mndu moluhooṟia ngyuunyamaṟi tsaṙu.

Ulogo 14:4

Iwa nyiwo walekyefanyiṟo nyi waka, cha kyipfa nyi wakyega. Iwa nyiwo wekyeosha Kyiondo kya Ruwa orio handu kyayenda. Iwa wawaguṟe ko wandu, kyilyimu kya kuwooka ko Ruwa na ko Kyiondo kya Ruwa.

Ulogo 5:9

Nawo waiimba kyiimbo kyihya, wechigamba, “Nuwaṟi iyoe iwaṙa kyitapu-kyo na ifunja shindo shakyo shaloṟa monyi okyo; cha kyipfa nuleshinjo, koguṟia Ruwa kui samu yapfo wandu wa orio mbaṟe na mṙeṙie na kyishari na isanga.