Wafilyipi 1:4 - Kivunjo New Testament 1999

⁴ Chandu alelusambuṟa kyiiṙi kyakye kyiyeri wuyana wulawendegumbo, kundu luwe wandu wa Ruwa, wandu walawoṙe mti mbele yakye ikundenyi.

Wafilyipi 1:4 Iomraidhean Croise

Matayo 24:22

Na kokooya mfiri-yo ilawechifuhiṟo, mndu oose awechikyia-pfo; kyaindi kyipfa kya wasambuṟe mfiri-yo yechifuhiṟo.

Matayo 24:24

Cha kyipfa wechiwoneka makristo wa wongo, na weonguo shisuku ga wongo, nawo wechiwuta ṟigo tsing'anyi na shiṟiyisho; waiṙime imuṙetsa, cha kyikaiṙimika, mṟasa wai wasambuṟe.

Matayo 24:31

Na oe nechiṙuma malaika wakye hamwi na ṟui lying'anyi lya iganda, nawo wechisania wasambuṟe wakye iwuka ngyuura tsoose tsa wuyana.”

Matayo 25:34

Numa ya iho mangyi nechiwia walya wakyeri kuwoko kokye ko kulyoe, ‘Nnjonyi, nyoe muwawikyie mboṟa nyi Awu-yoko, oṟenyi Wumangyi muleṟeyeṟio wookyia itsano lya wuyana.

Yohane 10:16

Ngyiwoṙe na moondo gengyi, galakyeri ga mfiṟiga-chu; na igo nago kyingyiwaṟi igaende na kunu mfiṟigenyi, na ṟui lyako gechilyiaṙanyia. Naaho-ng'u kochiwaṙa poo lyimwi na mlyisi umwi.

Yohane 15:16

Chi nyoe mulengyisambuṟa inyi-pfo, indi nyi inyi ngyilemusambuṟa nyoe; kundu mundekumbia ndunda; na ndunda tsanyu tsiiṙime ikaa ho mfiri yoose; kundu orio kyindo moterewa Awu kui rina lyako namuenengye.

Yohane 17:24

Awu, iwo ulengyienenga ngyikundi wakae handu hamwi na inyi orio handu ngyikyeri, waiṙime iwona mng'ano ulengyienenga; cha kyipfa nulengyikunda wookyia wuyana wulagumbo.

Mawuto Ga Wasu 13:48

Kyiyeri wandu walaichi Ruwa waleicho isho wakachihiyo, wakang'anyisa Ṙeṙo lya Ruwa na walya wawewaṟeyeṟie moo o mlungana wakaiṙikyia.

Mawuto Ga Wasu 15:18

Ruwa nagamba, ekyeonguo mbonyi-tsi mṟasa mlungana.’ ”

Mawuto Ga Wasu 18:10

cha kyipfa inyi ngyikyeri na iyoe, maa kuwoṙe mndu eiṙima ikukapa-pfo; cha kyipfa inyi ngyiwoṙe wandu wafoi kunu mṟinyi.”

Waroma 8:33

Nyi wui echiṙuo mengyenyi wasambuṟe wa Ruwa? Ruwa nyi oe aiwatalyia wusumganyi.

1 Wakorinto 1:8

ulya echimukarisha nyoe mṟasa mafurumionyi, kundu mfiri ulya mulawio kye mulewuta kyindo kyiwicho.

Wagalatia 5:13

Kyipfa nyoe, wana wa wama, mulelago muwe wandu mulawachilyie nyi kyindo. Kyaindi kulya iwa wandu walawachilyie nyi kyindo kulawe kyimaṙuma kyeosha lango tsa mmbiu, indi ṟundianenyi kui ikunda.

Wagalatia 5:22

Kyaindi ndunda tsa Mumuyo nyi ikunda, sia, ufoṟo, ikarishia, kyiṙo kyicha, itarama wakyeri wukyiwenyi, iwuta kyilya mndu ateṟia,

Wagalatia 5:6

Kyipfa kyiiṙi kya Kristo Yesu iṙino, maa iṙa iṙino lyiwoṙe kyiira kyoose-pfo, indi iiṙikyia lyekyeṟunda kui ikunda.

Wafilyipi 2:10

Kyipfa nyi wuṙo luwagumbe, lulegumbo kyiiṙi kya Kristo Yesu, luwute mawuto mecha, igo wookyia kacha Ruwa alegaṟeyeṟa kundu luwute luṙo.

Wafilyipi 3:17

Kristo nakae mrimenyi konyu kui iiṙikyia, muwakarishe ikundenyi.

Wafilyipi 4:2

Kui wuindi woose na wuhoo, kui wusimiri, mochiwanzana ikundenyi;

Wafilyipi 5:2

Muchumie ikundenyi, chandu na Kristo alemukunda nyoe, lyingyi-se kareka moo okye kyipfa kyaṙu, kyiano na kyiṙaso ko Ruwa, iwa mpfaamo o kyindo kyekyepfaama necha.

Wafilyipi 5:27

Naiṙime ikuenenga oe amonyi Siṟi iwoṙe kyiṟumi ilawoṙe ṙeko ang'u kyindo kyoose kyiwicho, indi iwe ngyiele ilawoṙe maṙeko.

Waefeso 2:15

muiṙime iwa wana wa Ruwa walaiwio kye wawawicho, maa walekyelemba, walawoṙe tewe rikyenyi lyilekyeicho, lyilakyeri njienyi ya sungusinyi. Walya kyiiṙi kyawo muwonekanyi cha ilyi mukyeri shimii wuyanenyi,

Wakolosai 1:22

mmbiunyi o nyama yakye, kui ipfa lyakye, kundu namuende na mbele yakye, nyoe wandu wa Ruwa, mulawoṙe maṙeko maa italyio kyindo kyiwicho.

Wakolosai 2:2

Kundu wawiyiṟio moo mrima yawo, wechisanzo ikundenyi wawone wunjama woose wo imanya kui wuloi, waiṙime imanya nakamwi wuṟikyi wo Ruwa, kyimwi na igamba kye nyi Kristo;

Wakolosai 3:12

Kyasia, kyipfa mommbe wasambuṟe wa Ruwa, wandu wa Ruwa wakunde, ṟaenyi mrima o isaṟia, mkaṟo mcha, wupfereri, wuhoo, ikarishia.

1 Watesalonikye 3:12

Mndumii namusongoye nyoe na imuengyeṟia ikunda, nyoe wenyi ko wenyi, na ko wandu woose chandu na soe lumkundi nyoe.

1 Watesalonikye 4:7

Kyipfa Ruwa alelulagia wuṟui-pfo, indi luwe wandu wawailyishe.

2 Timoteo 1:9

Ulya alelukyiṟa kalulaga kui ndago ngyiele; chi iṙuana na mawuto gaṙu soe-pfo; indi na kyilya oe akundi na isaṟia lyakye. Isaṟia-lyo luleenengo kyiiṙi kya Kristo Yesu wookyia mlungana.

2 Timoteo 2:10

Kyipfa kya ikyo ngyikarishia mbonyi tsoose, kyipfa kya wasambuṟe, kundu nawo waambilyie wukyiṟo wulya wukyeri kyiiṙi kya Kristo Yesu, hamwi na mng'ano o mlungana.

2 Timoteo 2:19

Kyaindi urende lo Ruwa luluikare, na mbonyi tsa Ndumi Ngyicha tsingyiṟeie wuye yalo: “Mndumii naichi wai wakye na lyingyi-se, orio mndu ekyesenda Rina lya Mndumii naṙe wunyamaṟi.”

Yakobo 2:5

Wana wa wama wako wakunde, aṙanyienyi, “Ngyesa Ruwa alesambuṟa wakyiwa wa wuyana wawe wanjama wa iiṙikyia na weoṟa Wumangyi aleteṟia wamkundi-pfoe?”

1 Petiro 1:2

Chandu Ruwa Awu alesonguo imumanya kui imuilyisha nyi Mumuyo, mṟasa mukoiṙima iindia na inyanyatsio samu ya Yesu Kristo. Isaṟia na ufoṟo shiengyeṟo konyu.

1 Petiro 1:20

Na oe nalemanyika loi wookyia mawookyionyi, wuyana wulandegumbo; kyaindi naleloṟo mafurumionyi ga shiyeri kyipfa kyanyu.

1 Petiro 2:9

Indi nyoe nyi kyishari kyisambuṟe, wukohanyi wo kyimangyi, isanga lyiele, wandu wa wuchilyi wo Ruwa, muiṙime ionguo mbonyi tsa mawuto gakye ga maṟiyisho. Ulya alemulaga muwukye meemenyi muiṙe na ngyeelenyi yakye ya maṟiyisho.

2 Petiro 3:14

Koikyo, wakunde, kyipfa muiweṙelyia mbonyi-tso, pfuṟukanenyi kundu muwono ufoṟonyi kye muwoṙe ṙeko maa sonu mbele yakye-pfo.

1 Yohane 4:16

Na soe lomanya ikunda Ruwa awoṙe koṙu soe, na ilyiiṙikyia. Ruwa nyi ikunda, na ulya ekyekaa ikundenyi, nekyekaa ko Ruwa, na Ruwa nekyekaa kokye.

Ulogo 13:8

Na wandu woose wekyekaa urukyenyi wechilyiterewa na ilyiindia, orio mndu rina lyakye lyilalyiṟeie kyitapunyi kya moo kya Kyiondo kya Ruwa, kyileshinjo wookyia wuyana wulagumbo.

Ulogo 17:8

Indo lyilya olyiwona lyiwekyeri pfo, nalyo lyikyeri ho-pfo, nalyo lyikuṟeyeṟie iṙo iwuka halya-ndu wapfu wekyekaa na iyenda wunyamaṟinyi. Na iwo wekyekaa urukyenyi, marina gawo galamaṟeie kyitapunyi kya moo wookyia igumbo lya wuyana, wechiṟiyio kyiyeri wechiwona indo lyilya, kye lyiwekyeri pfo, nalyo lyikyeri ho-pfo, nalyo lyechicha.