Wafilyipi 1:13 - Kivunjo New Testament 1999

¹³ Na nyoe taa kyiiṙi kya icho momuicho ulogo lo loi, Ndumi Ngyicha ya wukyiṟo wonyu. Lyingyi-se momumwiṙikyia oe, na iwiko fana nyi Mumuyo ulya o kyaasa akyeri Mweele.

Wafilyipi 1:13 Iomraidhean Croise

Luka 11:13

Kyasia, kokooya nyoe mui wawicho muichi ienenga wana wanyu shisumbo shicha, ngyesa chi ngoseṟa mnu awu onyu akyeri ruwewu echienenga Mumuyo Mweele walya wekyemterewa-pfoe?”

Luka 24:49

Na inyi ngyimuendie kyaasa kya Awu oko; kyaindi ṙionyi kunu mṟinyi, mṟasa muṟiko pfinya tsiwukyie wuye.”

Yohane 1:17

Cha kyipfa uwawaso luleṙiko iiṙia Mose; isaṟia na wuloi shilecha iiṙia Yesu Kristo.

Yohane 14:26

Kyaindi Mtarami-cho, Mumuyo-cho Mweele, ulya Awu echimṙika kui rina lyako, nechimulosha shoose, na imukumbuṟa shoose ngyilemmbia.

Yohane 15:26

Kyaindi kyiyeri-kyo Mtarami-cho echicha, ngyechimṙika iwuka ko Awu, Mumuyo-cho o loi awukyie ko Awu, oe nechingyiṟingyishia.

Yohane 3:33

Ulya aleiṙikyia wuṟingyishi wokye naloṟa na pata kye Ruwa nyi loi.

Yohane 6:27

Mulapfuṟukane ipfula kyelya kyekyenyamaṟika, indi pfulenyi kyelya kyilekyesia kyekyeende moo o mlungana; kyelya kyilya Mana o Adamu echimuenenga cha kyipfa icho nyi oe aṟingyishio nyi Ruwa kye nyi o sungusinyi.”

Mawuto Ga Wasu 1:4

Na kyiyeri awekyeri nawo kyisanzionyi nalewawia walawukye Yerusalemu, kyaindi waweṙelyie kyiteṟio kya Awu, kyiteṟio ngyilemuongoya mbonyi tsakyo;

Mawuto Ga Wasu 13:26

“Wana wa wama wako, wana wa kyishari kya Abrahamu, na iwo wai konyu waowuye na ikunda Ruwa, Ṙeṙo lya wukyiṟo-wu lyaendo na koṙu nyi mndu Ruwa amṙumie.

Mawuto Ga Wasu 2:33

Kyasia oe, kamṙoso mṟasa kuwoko ko kulyoe ko Ruwa, na iambilyia ko Awu kyaasa kyilya kya Mumuyo Mweele, napusuo kyindo-kyi mukyiwonyi na ikyiicho wulalu.

Waroma 1:16

Kyipfa ngyiwonia sonu Ndumi Ngyicha-pfo; kyipfa nyi wuiṙimi wo Ruwa wokyeende wukyiṟo, ko orio mndu aiṙikyie, ko Myuda kuwooka, na ko Mkyiṟikyi taa.

Waroma 4:11

Na oe naleambilyia kyindo-kyi kyeloṟa kye namṙine, iṟingyishia lya wusumganyi wulya wo iiṙikyia awelyiwoṙe alandeṙino. Naiṙime iwa awu o woose waiṙikyie, maa chandu walawaṙine, kundu nawo wawetalyio wusumganyi taa.

Waroma 6:17

Kyaindi Ruwa naano, cha kyipfa muwewachilyie nyi wunyamaṟi, indi muleindia kui mrima yanyu mbaṟe iya ya wuṟango wulewiko wumchilyie.

2 Wakorinto 1:22

na oe nyi oe aleluwika kyiṟingyishio kyiwoṙe mfano okye kyaluenenga Mumuyo mrimenyi yaṙu.

2 Wakorinto 6:7

Ṙeṙonyi lya loi, pfinyenyi ya Ruwa; kui shisha sha wusumganyi sha kuwoko ko kulyoe na sha kuwoko ko kumoso.

Wagalatia 3:14

Kundu kye mboṟa ya Abrahamu ikooye walya walaiṙikyie Yesu kyiiṙi kya Yesu Kristo, luiṙime iambilyia kyaasa kya Mumuyo kui njia ya iiṙikyia.

Wafilyipi 4:21

Mulemuicho mukolosho kyiiṙi kyakye, chandu loi ikyeri kyiiṙi kya Yesu.

Wafilyipi 4:30

Maa mulaenengye ikuinaṙia Mumuyo ulya Mweele o Ruwa; akyeri kye kokye mulewiko fana yeṟingyishia mṟasa mfiri o ikyiṟo.

1 Watesalonikye 2:13

Kyipfa kya ikyo na soe lokyeana Ruwa orio kyiyeri, cha kyipfa kyiyeri muleambilyia ndumo ya Ruwa muleiicho koṙu, muleiambilyia chi cha ulogo lo wandu-pfo, indi cha ulogo lo Ruwa; na nyi wuṙo ulogo-lo lukyeri; lokyeṟunda taa mrimenyi konyu nyoe muiṙikyie.

2 Timoteo 2:15

Pfuṟukana iloṟa kye numwiṙikyie nyi Ruwa, mṟundi alawoṙe kyitewe kyerigo nyi sonu, na ilosha necha Ndumi Ngyicha.

2 Timoteo 2:19

Kyaindi urende lo Ruwa luluikare, na mbonyi tsa Ndumi Ngyicha tsingyiṟeie wuye yalo: “Mndumii naichi wai wakye na lyingyi-se, orio mndu ekyesenda Rina lya Mndumii naṙe wunyamaṟi.”

2 Timoteo 3:15

Na kye wookyia wututu nulemanya shiṟeio shiele, isho shechiiṙima ikuṟangusha mṟasa uambilyie wukyiṟo kui iiṙikyia lyikyeri kyiiṙi kya Kristo Yesu.

Tito 2:11

Kyipfa isaṟia lya Ruwa lyekyekyiṟa wandu woose lyamloṟo.

Waebrania 2:3

ngyesa soe, loiṙima kuṙa ikyia ianduyo lukomina ulogo-lu lung'anyi kuṙi lo wukyiṟo? Ulogo lulegambo kuwooka nyi Mndumii, naaho lukomanyika koṙu na ko walya waleicho.

Yakobo 1:18

Kui ikunda lyakye amonyi nalelufee kui Ṙeṙo lya loi, luwe cha wana wawagumbe nyi oe.

Yakobo 1:21

Koikyo wikyienyi kuleshi ukoe loose na wuwicho wuingyikyie, na iambilyia kui wuhoo Ṙeṙo lyilya lyilewooyo konyu, lyechiiṙima ikyiṟa mrima yanyu.

1 Petiro 2:10

Nyoe ipfo mawookyionyi muwei chi isanga-pfo, kyaindi wulalu nyi isanga lya Ruwa; mukyeri wandu mulawoṙe isaṟia, indi wulalu mowona isaṟia.

Ulogo 7:2

Ngawona malaika ungyi echiṙo iwuka ura lo ngamenyi, awoṙe kyindo kyeloṟa kye kyindo nyi kya Ruwa, kawakalagatsia na ṟui lying'anyi malaika walya waana waleenengo iṟunda lyenyamaṟa uruka na ipalyipalyi,