Waebrania 9:12 - Kivunjo New Testament 1999

¹² maa chi kui samu ya mburu na magache-pfo, indi kui samu yakye ulya aleiṙa lyimwi tupu na handu Haele, na iluwuta wusingyenyi mlungana.

Waebrania 9:12 Iomraidhean Croise

Mariko 3:29

indi mndu echilahia Mumuyo Mweele echihooṟio mṟasa mlungana-pfo; kyaindi nechiwaṙa ṙeko lyilechisia”;

Luka 1:68

“Naṟumisho Mndumii, Ruwa o Isiraelyi, kyipfa nalecha na ko wandu wakye, na iwakyiṟa.

Mawuto Ga Wasu 20:28

Ringyenyi mrima yanyu, na poo-lyo lyoose, lyilya Mumuyo Mweele alemusambuṟa nyoe mulyiambuye, muiṙime ienenga Siṟi yakye kando, Siṟi aleigaluo yakye amonyi kui upfu lokye.

Wafilyipi 1:7

Kyiiṙi kyakye kui samu yakye, luwoṙe wukyiro woṙu, ihooṟio wunyamaṟi, iṙuana na isaṟia lyakye lying'anyi.

Wakolosai 1:14

akyeri kye kyiiṙi kyakye luwoṙe wukyiṟo, nyi kyimwi na igamba kye, ihooṟio lya wunyamaṟi.

1 Watesalonikye 1:10

Na iweṙelyia Mono-kye iwuka Ruwewu, ulya alemṟutsa iwuka ko wapfu, na oe nyi Yesu, echilushingyia lulaolokyio nyi nyashi ya Ruwa iya iicha.

Tito 2:14

ulya alereka moo okye kyipfa kyaṙu, kundu nalukyiṟe lulaolokyio nyi mawicho ga mbaṟe tsoose, na iilyisha wandu wawe wakye oe amonyi, walya wawoṙe wuragari mawutonyi mecha.

Waebrania 1:3

Oe nekyeloṟa chandu Ruwa awoṙe mng'ano, fana ya mrima okye, echiṙuo shindo shoose kui iwawaso lya wuiṙimi wokye, amwende ihooṟio lya ngyuunyamaṟi tsa wandu, naleṙamia ura lo kulyoe lo ulya ang'anyi kuta woose.

Waebrania 10:19

Kyasia, wana wa wama, kyipfa luwoṙe wukari wo iiṙa na handu Haele kui samu ya Yesu,

Waebrania 10:4

Kyipfa kyeiṙimika samu ya mapung'a na mburu iwuta wunyamaṟi-pfo.

Waebrania 13:12

Kyipfa kya ikyo, Yesu na oe, kundu nailyishe wandu kui samu yakye amonyi, nalelyiso wukyiwa nja ya mṟi.

Waebrania 5:9

Na oe amṟingyishio kye naafutsio, kawa ulya ekyekyiṟa wandu mlungana ko wandu woose wekyemwindia.

Waebrania 7:27

Ulya alakundi kyindo orio mfiri, cha makohanyi walya wengyi wang'anyi, kuwooka iwuta kyiṙaso kyipfa kya ngyuunyamaṟi tsakye amonyi, numa ya iho kyipfa kya ngyuunyamaṟi tsa wandu-wo; kyipfa oe nalewuta kuṙo lyimwi, kyiyeri alereka moo okye.

Waebrania 9:13

Cha kyipfa kokooya samu ya mburu na mapung'a na ifui lya igache lya umbe walya wafanyi kyimṟumoe walepusio yekyeilyisha mṟasa mmbiu ukowuka ukoe;

Waebrania 9:14

kyasia chi ngoseṟa samu ya Kristo, ulya kye kui Mumuyo o mlungana alereka moo ko Ruwa iwa kyienengo kyilawoṙe tewe, kyechisanja shilya mukusaṟie mrimenyi konyu na mṟumoe ilawoṙe kyiira, muiṙime iindia na iterewa Ruwa ai na moo?

Waebrania 9:15

Na kyipfa kya ikyo nyi ulya ekyeende Mma Mhya, Yesu ulya alepfa, na ipfa lyakye lyilewuta wandu maṙekonyi ga mma ulya o kuwooka, wandu walelago waambilyie kyaasa kya kyioṟa kya mlungana.

Waebrania 9:19

Kyipfa kyiyeri orio iwawaso lyilegambo nyi Mose ko wandu-wo woose, chandu mawawaso gawekundi, nalewuta samu ya magache na mburu, hamwi na mṟinga na kyiṙi kya hisopo kyikyipfungyie mamberi ga kyimaande ga moondo, kanyanyatsia kyitapu kyilya kya mawawaso, na wandu woose,

Waebrania 9:28

na wuṙo Kristo na oe, ammbuto iwa kyiṙaso lyimwi tupu na iṙuo ngyuunyamaṟi tsa wandu wafoi; nechicha-se lya kawi, kulawoṙe wunyamaṟi, ko walya waimmbeṙelyia nachewakyiṟa.

Waebrania 9:7

Kyaindi kyiiṙi kya tengo-lyo lya kawi Mkohanyi ang'anyi kuta woose nekyeiṙa napfo amonyi, lyimwi orio maka; aṙuṙe samu iwukyie kyindonyi kya kyiṙaso kyipfa kya wunyamaṟi wokye amonyi na wo wandu wengyi kyiyeri walalemanya kye kyilya waweiwuta nyi wunyamaṟi.

Ulogo 1:5

Lyingyi-se shiwukyie ko Yesu Kristo, mṟingyishi ekyeafutsia shilya ateṟia, mmbele o wapfu, na ang'anyi o wamangyi wa wuyana. Ulya alukundi na ilusanja ngyuunyamaṟi tsaṙu samunyi yakye,

Ulogo 5:9

Nawo waiimba kyiimbo kyihya, wechigamba, “Nuwaṟi iyoe iwaṙa kyitapu-kyo na ifunja shindo shakyo shaloṟa monyi okyo; cha kyipfa nuleshinjo, koguṟia Ruwa kui samu yapfo wandu wa orio mbaṟe na mṙeṙie na kyishari na isanga.