Waebrania 8:4 - Kivunjo New Testament 1999

⁴ Kokooya awekyeri urukyenyi, awechiwa mkohanyi-pfo; kyipfa kuwoṙe wekyewuta shienengo chandu mawawaso gagambie.

Waebrania 8:4 Iomraidhean Croise

Waebrania 10:11

Na orio mkohanyi nekyegoṟoka orio mfiri echiṟunda cha mkohanyi, na ienengyia shiṙaso shilya shilya kafong'ui; shiṙaso shilechiiṙima maa ale iwuta wunyamaṟi.

Waebrania 11:4

Kui iiṙikyia Abelyi naleenenga Ruwa kyiṙaso kyicha kuta kyilya kya Kaini. Koikyo naleṟingyishio kye namsumganyi; Ruwa kaṟingyishia shienengo shakye, na kyipfa kya iiṙikyia lyakye, Abelyi naiṙeṙa maa chandu alempfa.

Waebrania 5:1

Kyipfa orio Mkohanyi ang'anyi kuta woose amsambuṟe iwuka ko wandu nammbikye kyipfa kya wandu mbonyinyi tsa Ruwa, kundu nawute shienengo kyipfa kya ngyuunyamaṟi.

Waebrania 7:27

Ulya alakundi kyindo orio mfiri, cha makohanyi walya wengyi wang'anyi, kuwooka iwuta kyiṙaso kyipfa kya ngyuunyamaṟi tsakye amonyi, numa ya iho kyipfa kya ngyuunyamaṟi tsa wandu-wo; kyipfa oe nalewuta kuṙo lyimwi, kyiyeri alereka moo okye.

Waebrania 8:3

Kyipfa orio Mkohanyi ang'anyi kuta woose nekyesambuṟo kundu nawute shiṙaso, kyiwaṟi ichu na oe nawaṙe kyindo kyeṙasa.

Waebrania 9:9

Lyilya lyikyeri mfano o kyiyeri-kyi kyikyeri pfo wulalu; kyiyeri-kyo shienengo sheṙasa shiwuto, shilechiiṙima kui chandu mndu akuichuoe mrimenyi kokye iafutsia mndu aiindia na iterewa Ruwa.