Waebrania 7:11 - Kivunjo New Testament 1999

¹¹ Kyasia, kokooya kulawewoṙe wufofo wukohanyinyi wo Lewi; (kyipfa wandu waleenengo mawawaso kyipfa kya wukohanyi-wo), kuwewoṙe-se kyimaṙuma kya kyikyi kuwaṙe mkohanyi ungyi, ai cha Melyikyisedekyi, maa aletalo cha ilyi nai cha Aron?

Waebrania 7:11 Iomraidhean Croise

Wagalatia 2:21

Ngyikundi iwiyitsa kuleshi ikunda lya Ruwa ko wandu-pfo; kyipfa kokooya wusumganyi wokyewono kui njia ya mawawaso, kyasia Kristo nalepfa wulya.

Wagalatia 4:3

Na wuṙo na soe, kyiyeri luwekyeri wana watutu, lukowa watumo wa mumuyo ichilyie wuyana.

Wagalatia 4:9

Indi wulalu mommanye Ruwa, ang'u ngoseṟa Ruwa imumanya nyoe, nyi kyikyi kyitewe kyewiyilyia malosho ga mawookyionyi gamafofo, gai mti, galya mukundi igaṟundia-se?

Waebrania 5:10

Numa ya iho namsende na Ruwa iwa Mkohanyi ang'anyi kuta woose cha Melyikyisedekyi.

Waebrania 5:6

Chandu agambie handu hengyi, “Nochiwa mkohanyi mlungana cha Melyikyisedekyi.”

Waebrania 6:20

Handu Yesu aleiṙa naho kyipfa kyaṙu, msongoru oṙu, nawa Mkohanyi ang'anyi kuta woose mṟasa mlungana cha Melyikyisedekyi.

Waebrania 7:10

cha kyipfa alekoafeo kyiyeri-kyo Melyikyisedekyi alekarisana na oe-pfo.

Waebrania 7:12

Kyipfa wukohanyi wulya wukoilachika, kyiwaṟi na mawawaso gailachikye.

Waebrania 7:13

Kyipfa oe mbonyi tsakye tsilegambo kuṙo, nyi-we o wandu wa mbaṟe ingyi, mbaṟe kulawoṙe mndu o mbaṟe-yo aleṟunda alyitaṟenyi.

Waebrania 7:15

Lyingyi-se isho luiṙeṙa shikyeri na pata mnu ngoseṟa, kokooya nawoneka mkohanyi ungyi ai cha Melyikyisedekyi;

Waebrania 7:21

(kyipfa walya walesambuṟo makohanyi kulawoṙe nyamu; indi oe, hamwi na nyamu, kui ulya alemmbia, “Mndumii nalya nyamu maa echiilacha nyamu-yo-pfo, iyoe nyi mkohanyi mlungana.”)

Waebrania 8:7

Kyipfa kokooya mma ulya o kuwooka ulawewoṙe tewe, mrima ya wandu iwechipfulo nyi ulya o kawi-pfo.

Waebrania 9:6

Kyasia, shindo-shi shikamuachikyio kuṙo, makohanyi wekyeiṙa na ipfo tengonyi lya ipfo kyanja mfiri yoose, wechiwuta shindo sha iindia na iana Ruwa.