Waebrania 6:4 - Kivunjo New Testament 1999

⁴ Cha kyipfa walya walemuenengo ngyeela, na isonja kyisumbo kya ruwewu, na iambilyia ṙombo lya Mumuyo Mweele,

Waebrania 6:4 Iomraidhean Croise

Matayo 12:45

cha ilyi nekyeyenda, kaṙuo handu hamwi na oe waṟufui wengyi wawicho mfungaaṙe wakyeri wawicho kuta oe amonyi, nawo wekyeiṙa na numba na ikaa pfo; na mndu ulya mafurumionyi gakye gekyewiha kuta kulya mawookyionyi. Nyi wuṙo kyechiwa, ko rika-lyi lyii lyiwicho.”

Matayo 5:13

“Nyoe nyi munyu o wuyana. Kyaindi munyu ukyeri unyamaṟikyie owiko-kyi mṟasa uṙahie? Ochiwaṙa-se kyiira maa ale-pfo, sile iwiyitso nja na ichumo-chumo nyi wandu.

Yohane 15:6

Mndu alandewe kyindo kyimwi na inyi nekyewiyitso cha mbaga na iuma; wandu wakatsisania na itsiwiyitsa moṙonyi tsikasenekyia.

Yohane 3:27

Yohane kagaluo, kagamba, “Kuwoṙe mndu echiiṙima imanya kyindo kyoose sile Ruwa amwenenga wuiṙimi-pfo.

Yohane 4:10

Yesu kagaluo, kammbia, “Kokooya uweichi kyindo Ruwa ekyeenengyia, na nyi wui aikuwia ‘Ngyienenga mṟinga ngyinyo’, nuwechimterewa oe, na oe nawechikuenenga mṟinga uwoṙe moo.”

Yohane 6:32

Yesu kawawia, “Ny'kyaloi ngammbia, ‘Chi Mose alewaenenga kyelya kyilya kya ruwewu-pfo, indi Awu oko naimuenenga nyoe kyelya kya loi kyiwukyie ruwewu.

Mawuto Ga Wasu 10:45

Na Wayuda waweiṙikyie Yesu walekowacha hamwi na Petiro wawuka Yafa waleṟiyio, cha kyipfa maa wandu walaweiṙikyie Yesu walesumbo kyienengo kya Mumuyo Mweele.

Mawuto Ga Wasu 11:17

Kyasia kokooya Mndumii Ruwa nalewaenenga wo kyienengo kyilya kyilya aleluenenga soe luiṙikyie Mndumii Yesu Kristo, inyi nyi wui ngyiiṙime iwingana na Ruwa?”

Mawuto Ga Wasu 15:8

Na Ruwa, aichi mrima ya wandu, kamṟingyishia, echimuenenga nyoe Mumuyo Mweele chandu aleluenenga soe.

Mawuto Ga Wasu 8:20

Kyaindi Petiro kammbia, “Heleri tsapfo tsiṙekye kulu hamwi na iyoe, cha kyipfa nokusaṟa kye masaa geiṙima ikuendie kyienengo kya Ruwa.

Waroma 1:11

Kyipfa ngyilangyie mnu immbona nyoe, ngyiiṙime imuenenga kyisumbo kya mrimenyi, kundu mukarisho mulalolome.

2 Wakorinto 4:4

wakyeri kye kyiiṙi kyawo ruwa o wuyana-wu naleshingyia makusaṟo ga iwo walaiṙikyie, walachekooyo nyi ngyeela ya Ndumi Ngyicha ya mng'ano okye Kristo akyeri fana ya Ruwa.

2 Wakorinto 4:6

Cha kyipfa Ruwa, icho alegamba, “Ngyeela yewaa iwuka meemenyi,” nyi oe alewaa mrimenyi koṙu, naluenengye ngyeela ya wuṟango wo mng'ano o Ruwa kyaamunyi kya Yesu Kristo.

Wagalatia 3:2

Ngyikundi ikulosha kyindo kyimwi konyu. Ngyesa muleambilyia Mumuyo Mweele kui mawuto ga mawawaso ang'u kui iicho Ndumi Ngyicha na iiṙikyia Yesu?

Wagalatia 3:5

Kyasia, ulya ekyemuenenga Mumuyo na iwuta shindo sha maṟiyisho kyiiṙi kyanyu, ngyesa nekyewuta kuṙo kui mawuto ga mawawaso, ang'u kui iicho Ndumi Ngyicha yekyeende iiṙikyia Yesu?

Wafilyipi 1:18

Ruwa naṟuguo mrima yanyu iiṙime iwona, mumanye ikusuria lya ilaga lyakye chandu lyikyeri; na wusuṟi wo mng'ano wo kyioṟa kyakye wandunyi wa Ruwa chandu wukyeri.

Wafilyipi 2:8

Cha kyipfa mulekyiṟo kui isaṟia, kui njia ya iiṙikyia; chi kui ipfuṟukana lyanyu-pfo, nyi kyisumbo kya Ruwa;

Wafilyipi 3:7

Ndumi-yo Ngyicha ngyilewiko mṟundi oyo, iṙuana na kyisumbo kya isaṟia lya Ruwa ngyileenengo iṙuana na iṟunda lya wuiṙimi wokye.

Wafilyipi 4:7

Kyaindi orio umwi oṙu naleenengo isaṟia iṙuana na kyiyeṟo kya kyisumbo kya Kristo.

1 Timoteo 4:14

Ulaṙe iṟunda na kyisumbo kyilya uwoṙe, umwenengye kui ionguo shisuku na kui iyekyio mawoko nyi wameeku wa siṟi.

2 Timoteo 2:25

echiikyimbia kui wuoloru iwo waiwingana na oe, kundu kokooya kyaiṙimika, Ruwa nawaenengye iṙumbuya wunyamaṟi na imanya wuloi wo Ndumi Ngyicha.

2 Timoteo 4:14

Iskanda, ulya akyeri mnganya, naleloṟa wuwicho wung'anyi koko; Mndumii nemtaa iṙuana na mawuto gakye.

Waebrania 10:32

Kyaindi kumbuonyi mfiri ya mawookyionyi, iya kyiyeri mulewona ngyeela, mulekarishia iwingana lying'anyi lya fowa.

Waebrania 2:4

Ruwa na oe echiṟingyishia hamwi nawo kui ṟigo na shiṟiyisho na pfinya tsa mbaṟe tsifoi, na kui igawa shisumbo sha Mumuyo Mweele, chandu alekunda oe amonyi.

1 Yohane 5:16

Mndu kawona mono-wama okye ewuta kyindo kyiwicho kyilekyeende upfu, neterewa Ruwa, na Ruwa nechimwenenga moo. Moo-cho nyi ko walya wekyewuta shindo shiwicho shilekyeende upfu. Kuwoṙe kyindo kyiwicho kyekyeende upfu. Ngyigamba kye nechiterewa Ruwa kyipfa kya ikyo-pfo.