Waebrania 2:2 - Kivunjo New Testament 1999

² Cha kyipfa kokooya kyindo kyilya kyilegambo nyi malaika kyilawelolomie, na orio mndu alemina kyindo-kyo naleanduyo chandu kyiwaṟi,

Waebrania 2:2 Iomraidhean Croise

Mawuto Ga Wasu 7:53

Nyoe muleambilyia uwawaso-lo luleendo na konyu nyi malaika kyaindi mukomina.”

Wagalatia 3:19

Kyasia uwawaso nyi kyikyi-ng'u? Uwawaso luleṙiko kyipfa kya maṙeko, mṟasa nache icho amwenengye kyaasa-kyo; kyaasa kyileendo nyi malaika kyiyeri Mose alewa mndu Ruwa alemṙuma ko wandu.

Waebrania 1:1

Kyiyeri kya kacha Ruwa naleṙeṙa na waku waṙu kafong'ui na kundu kufong'ui, iiṙia ko weonguo shisuku;

Waebrania 10:28

Mndu alemina mawawaso ga Mose nekyewoogo kulawoṙe iwonio wukyiwa, kyiyeri waṟingyishi wawi ang'u waṟaaṟu wagamba kye nammbicho.

Waebrania 10:35

Kyasia mulaṙe wukari maa wuṟango wonyu, cha kyipfa wuwoṙe wori wung'anyi.

Waebrania 11:26

echiwona kye imino kyipfa kya Kristo kokye nyi wunjama wung'anyi kuta masaa ga Misiri; cha kyipfa naleweṙelyia wori-wo.

Waebrania 11:6

Kyaindi kulawoṙe iiṙikyia kyeiṙimika imchihiṟa-pfo; cha kyipfa mndu ekyeyenda ko Ruwa kyiwaṟi naiṙikyie kye Ruwa nakyeri pfo, na kye nekyeenenga wori walya wekyempfula.

Waebrania 12:25

Ambuyenyi mulalege ulya ekyeonguo. Kyipfa kokooya walalekyia walya walelega ulya alewaikyimbia urukyenyi, ngoseṟa mnu lochikyia soe lukokushowa na ulya ekyeluikyimbia ai ruwewu-pfo.

2 Petiro 1:19

Na soe luiṙikyie necha shilya weonguo shisuku wagambie, shilya nyoe mukoshiambuya necha, cha taa ilyimika meemenyi, mowuta necha mṟasa kyiyeri kochikya na nyenyeri ya ngamenyi iwaa mrimenyi konyu.

Yuda 1:5

Lyingyi-se ngyikundi imukumbuṟa maa chandu mommanye isho shoose kye Mndumii, amkyiṟe wandu urukyenyi lo Misiri, nalewarumatsa numa ya iho walya walaiṙikyie.