Waebrania 13:7 - Kivunjo New Testament 1999

⁷ Kumbuonyi walya wawekyemusongoya, walemuongoya Ṙeṙo lya Ruwa; lyingyi-se, kui iambuya mnu mafurumionyi ga mkaṟo owo, oshenyi iiṙikyia lyawo.

Waebrania 13:7 Iomraidhean Croise

Matayo 24:45

“Kyasia nyi wui-ng'u mṟundi muyendelyi, awoṙe wuṟango, mndumii okye alemwenenga wuchilyi kanyi kokye, naenengye wandu kyelya kyiyeri kyiwaṟi?

Luka 12:42

Mndumii kagamba, “Kyasia, nyi wui-ng'u akyeri mṟundi msimiri, amṟango, ulya mndumii okye echimmbika nasongoye maṟunda gakye goose, naenengye wandu shelya kui kyiyeri kyiwaṟi?

Luka 5:1

Kyiyeri awekyeri mbai ya ipalyipalyi lya Kyenesareti wuingyi wo wandu wukokuumbia kufui iaṙanyia Ṙeṙo lya Ruwa na oe alawone maa handu hegalukyia.

Luka 8:11

Na mfano-cho kyitambuluo kyacho nyi ikyi, mbeu nyi Ṙeṙo lya Ruwa.

Mawuto Ga Wasu 13:46

Paulo na Barinaba wakaṙeṙa kui wukari, wakagamba, “Kyiwewaṟi Ṙeṙo lya Ruwa lyiongoyo konyu kuwooka; kyaindi kyipfa mulyitsindikyia kuleshi, na ikuicho mrimenyi konyu kye muwaṟi moo o mlungana-pfo, wulalu luyenda ko wandu walaiṙikyie Ruwa.

Mawuto Ga Wasu 14:23

Na wamsambuṟe wameeku wa siṟi kulya siṟinyi, na iterewa hamwi na ikuretekyia, wakawawika mawokonyi ga Ruwa ulya wawemwiṙikyie.

Mawuto Ga Wasu 4:31

Na wamterewe Ruwa, handu halya wawesanzie hakasunzo-sunzo, woose wakaichuo Mumuyo Mweele, wakaonguo Ṙeṙo lya Ruwa kui wuṟango na wukari.

Waroma 10:17

Kyasia iiṙikyia lyekyecha kui kyilya mndu aiicho; na kyilya mndu aiicho kyekyecha kui ionguo Ṙeṙo lya Kristo.

1 Wakorinto 10:13

Nyoe muleyesho, sile kyiyesho kyilya kyekyecha na ko wandu woose-pfo. Indi Ruwa nekyeafutsia shilya ateṟia. Ruwa ulya alechimuṙa nyoe muyesho kuta wuiṙimi wonyu. Kyaindi hamwi na kyiyesho kyilya nechiwika na moongo o fumia, kundu muiṙime ikarishia.

1 Wakorinto 11:1

Ngyioshenyi chandu na inyi ngyekyeosha Kristo.

1 Wakorinto 4:16

Kyasia, ngamterewa mungyioshe inyi.

Waefeso 3:17

Wana wa wama wako, ngyioshenyi inyi, muambuye na iosha walya wekyewuta shilya lulemummbia.

1 Watesalonikye 1:6

Na nyoe mukoluosha na iosha Mndumii, momuambilyie Ṙeṙo lya Ruwa kyiiṙi kya ilya wukyiwa, hamwi na sia ya Mumuyo Mweele.

1 Watesalonikye 2:13

Kyipfa kya ikyo na soe lokyeana Ruwa orio kyiyeri, cha kyipfa kyiyeri muleambilyia ndumo ya Ruwa muleiicho koṙu, muleiambilyia chi cha ulogo lo wandu-pfo, indi cha ulogo lo Ruwa; na nyi wuṙo ulogo-lo lukyeri; lokyeṟunda taa mrimenyi konyu nyoe muiṙikyie.

2 Watesalonikye 3:7

Muichi muwenyi chandu kyimmbaṟi iluosha; cha kyipfa lulewaṙa mkaṟo mmbicho konyu-pfo.

2 Watesalonikye 3:9

Chi kye lulawewoṙe pfinya ya imuitika muluenengye shindo-pfo, kundu nyoe mukuloshie koṙu, muluoshe.

1 Timoteo 3:5

(kyimwi na igamba, mndu alawoṙe wuiṙimi wo ichilyia kanyi kokye, neiṙima kuṙa iambuya Siṟi ya Ruwa?)

Waebrania 13:17

Indienyi walya wekyemusongoya, na iwapfereria; kyipfa wo wekyelaa kyiṙombo kyipfa kya mrima yanyu. Kyipfa wechiwia Ruwa mbonyi tsa wuṟundi wowo, kundu kye wawute kuṙo kui sia maa chi kui fowa-pfo; kyipfa kyiwechimuenenga nyoe kyiira-pfo.

Waebrania 13:24

Iṟikyiṟenyi woose wekyemusongoya nyoe, na wandu wa Ruwa woose; iwo wakyeri wa Italyia wamuiṟikyiṟa.

Waebrania 6:12

kundu mulaṙokuoe, indi muwe wandu wekyeosha walya wekyeoṟa shiteṟio kui iiṙikyia na wusimiri.

1 Petiro 4:11

Mndu kaṙeṙa, naṙeṙe chandu Ruwa akundi; mndu kaṟunda, naṟunde kui pfinya amwenengye nyi Ruwa; kundu Ruwa naṟumisho shindonyi shoose kui Yesu Kristo. Kyiṟumi na pfinya shikae na oe mlungana na mlungana. Amen.

Ulogo 1:9

Inyi Yohane, mono-wama onyu ekyelya wukyiwa hamwi na nyoe, na Wumangyi na iweṙelyia Yesu Kristo, ngyiwekyeri kyiṟingyitinyi kyekyelago Patimo, kyipfa ngyilekongaonguo Ṙeṙo lya Ruwa na wuṟingyishi wuleloṟo nyi Yesu.

Ulogo 20:4

Numa ya iho ngawona shitima sha mng'ano, wakaṙamia wuye yasho, nawo wakaenengo wuiṙimi wo ianduya. Na inyi ngawona mumuyo ya wandu walya walewaṙumbuo mṙoe kyipfa kya wuṟingyishi wo Yesu, na kyipfa kya Ṙeṙo lya Ruwa, na iwo walekyeterewa na iindia indo lyilya, maa ifano lyalyo, maa walaleambilyia kyindo kyeloṟa kye wo nyi wa indo-lyo ngyuushangunyi tsa shaam shawo, maa mawokonyi gawo. Nawo wakawaṙa moo, wakachilyia hamwi na Kristo maka kyiku.

Ulogo 6:9

Na kyiyeri alefunja kyindo kya kataanu kyeloṟa monyi o kyitapu kyilya, ngawona wanda ya mesa ya Mndumii mrima ya walya walewoogo kyipfa kya Ṙeṙo lya Ruwa, na kyipfa kya wuṟingyishi wawewoṙe.