Waebrania 12:3 - Kivunjo New Testament 1999

³ Kusaṟenyi mnu mbonyi tsa ulya alekarishia iwingana lying'anyi mbaṟe-i lya walya wekyewuta sha wunyamaṟi. Koikyo maa mulaiṙikyie iloloma na ipfiiyo nyi mṙoe.

Waebrania 12:3 Iomraidhean Croise

Matayo 11:19

Mono-Adamu nalecha, echilya na inyo, wakagamba, ‘Ichu nawoṙe ndewu, nyi mnanzi, mbuya ya wesania ukamba na wanyamaṟi!’ Na wuṟango wo Ruwa wochimanyika kui shindo wuṟango-wo wuiṟunda.”

Matayo 12:24

Kyaindi lyilya Mafarisayo waleicho, walegamba, “Ichu naifuna waṟufui wawicho kui pfinya tsa ang'anyi o waṟufui wawicho.”

Matayo 15:2

“Ny'kyilyi wanalosho wapfo wainyamaṟa shilya shileambilyio ko waku waṙu? Cha kyipfa wekyesamba mawoko ilyi wailya-pfo.”

Matayo 21:23

Na kyiyeri amwiṙe na hekalunyi wang'anyi wa makohanyi na wasongoru wa wandu wakayenda kokye kyiyeri aweilosha, wakagamba, “Nyi kui wuchilyi wuha uiwuta shindo-shi? Na oe nyi wui alekuenenga wuchilyi-wu?”

Matayo 21:46

Nawo kyiyeri walepfula immbaṙa, waleowuo wuingyi wo wandu, cha kyipfa wo walemmbona nai moonguo shisuku.

Matayo 22:15

Naaho-ng'u Mafarisayo wakayenda wakalya njama, chandu wemṙega kui maṙeṙo.

Luka 14:1

Kyikawa-ng'u kyiyeri aleiṙa na numbenyi ya mndu umwi kyiiṙi kya wang'anyi wa Mafarisayo mfiri o onyonya, nalye kyelya, wawemlaalyia.

Luka 15:2

Mafarisayo na walosha wa mawawaso wakamnunuwia, wechigamba, “Mndu-chu nekyeambilyia wanyamaṟi, na ngoseṟa nekyelya nawo.”

Luka 16:14

Kyasia Mafarisayo, wakyeri kye wo wawenyi nyi wandu wakundi heleri, waleicho isho shoose, wakamtaluo.

Luka 2:34

Simion kawawikyia mboṟa, kawia Maria, wamae, “Ichu nammbikye kyipfa kya ioloka na igoṟoka lya wandu wafoi wakyeri Isiraelyi, na iwa kyindo kya maṟiyisho kyechiṙeṙo uwicho.

Luka 5:21

Kyasia walosha walya wa mawawaso na Mafarisayo wakawooka iwesana, wechigamba, “Nyi wui ichu ailahia Ruwa? Nyi wui echiiṙima ihooṟia ngyuunyamaṟi sile nyi Ruwa amonyi?”

Yohane 10:20

Wengyi wakagamba, “Ichu nawoṙo nyi mṟufui mmbicho, ngoseṟa nyi msuko; ny'kyilyi muimwaṙanyia?”

Yohane 18:22

Kyasia kyiyeri alegamba isho, mṟundi umwi kyiiṙi kya walya wawegoṟokyi kufuhi kakapa Yesu ukofi, echigamba, “Nuigaluo kuṙo Mkohanyi ang'anyi kuta woose?”

Yohane 5:16

Cha kyipfa kya ikyo Wayuda wakalyisa Yesu wukyiwa, kyipfa nalewuta isho mfiri o onyonya.

Yohane 7:12

Kukowaṙa mnunuwo ifoi kyipfa kya Yesu kyiiṙi kya walya wawesanzie halya. Wengyi wakagamba, “Nyi mndu mcha.” Na wengyi wakagamba, “Chi wuṙo-pfo; nailemba walya wasanzie iha.”

Yohane 8:13

Mafarisayo wakammbia, “Iyoe nuikuṟingyishia kumonyi; wuṟingyishi wopfo chi loi-pfo.”

Yohane 8:52

Kyasia Wayuda wakammbia, “Wulalu lomanya kye nuwoṙo nyi mṟufui mmbicho. Abrahamu alempfa, na weonguo shisuku walempfa; na iyoe nugamba, ‘Mndu kaosha kyilya malosho gako gagamba mrima okye ochiwaṙa moo mlungana.’

Yohane 8:59

Kyasia wakaira magoe kundu wamkape nago; kyaindi Yesu kakuṟiika, kawuka kulya hekalunyi.

Yohane 9:40

Mafarisayo waata wawekyeri hamwi na oe wakaicho isho, wakammbia, “Ngyesa na soe nyi shipfupfuṟe?”

1 Wakorinto 15:58

Kyasia, wana wa wama wakunde, kuwanzenyi, mulalolome, muengyeṟe mnu iṟundia Mndumii mfiri yoose, cha kyipfa muichi kye iṟunda lyanyu chi wulya kyiiṙi kya Mndumii-pfo.

2 Wakorinto 4:1

Kyipfa kya ikyo, cha kyipfa luwoṙe iṟunda-lyi, chandu lulewona isaṟia, luiloloma-pfo.

2 Wakorinto 4:16

Koikyo luiloloma-pfo; indi maa chandu kyanja mmbiu yaṙu iloṟa iuṟa pfinya; mrimenyi koṙu lukokohoka orio mfiri.

Wagalatia 6:9

Lyingyi-se maa lulalemo iwuta shindo shicha; kyipfa lochisambuo ilyi kyiyeri kyechishika, lulandewine.

2 Watesalonikye 3:13

Kyaindi nyoe, wana wa wama, maa mulapfiiyo nyi mṙoe kyiiṙi kya iwuta shindo shicha.

Waebrania 12:2

lochiambuya Yesu, ulya ekyewooka na iafutsia iiṙikyia lyaṙu. Ulya alekarishia mawawio ga halya msalabenyi. Kyipfa kya sia iya iweimmbeṙa, alekusaṟa maa ale kya sonu ya iwoogo msalabenyi-pfo. Na wulalu naṙamie kuwokonyi ko kulyoe ko kyiṙi kya mng'ano kya Ruwa.

Waebrania 12:5

Lyingyi-se mulewaṙima shilya muleikyimbio, shekyeṙeṙa na nyoe cha iṙeṙa na wana, “Mono-ko, ulamine kyiyeri Ruwa akugalutsa mkaṟo yapfo, Maa ulaṙe iaṙanyia kyiyeri oe akuṟoṟoma. Kyipfa ulya Ruwa amkundi nekyemwilacha mkaṟo yakye.

Waebrania 3:1

Koikyo wana wa wama mui wandu wa Ruwa, muleiṙikyia ndago ya ruwewu, kusaṟenyi mnu mbonyi tsa msu na Mkohanyi ang'anyi kuta woose o shilya lokyeṟingyishia. Yesu,

1 Petiro 2:23

Oe kyiyeri alelahio, alelahia-pfo; kyiyeri alelyiso wukyiwa, aletaa kyiṟaache-pfo; indi nalekuṙambika ko ulya ekyeanduya kui wusumganyi.

Ulogo 2:3

Lyingyi-se nuwewoṙe iweṙelyia na ikarishia kyipfa kya rina lyako, maa ulewina-pfo.