Waebrania 11:7 - Kivunjo New Testament 1999

⁷ Kui iiṙikyia Noe amwikyimbio nyi Ruwa ko mbonyi tsa shindo shilandewonekye, kui chandu aleindia na iowuo Ruwa, naleachikyia safina, naiṙime ikyiṟa wandu wa kanyi kokye. Na kui kyilya alewuta naleloṟa wandu wa wuyana kye wawoṙe ṙeko, kawa mokyioṟa o wusumganyi wokyewono kui iiṙikyia.

Waebrania 11:7 Iomraidhean Croise

Matayo 2:12

Nawo wammbawaso nyi Ruwa ndoṙonyi walawiyilyie Herode, wakayenda urukyenyi kowo kui njia ingyi.

Matayo 24:15

“Kyasia kyiyeri-kyo mochiwona ulya ekyenyamaṟa na ifunja orio kyindo kyiele, ulya amgambe nyi moonguo shisuku Danielyi, agoṟokyi handu haele (aikulosha na namanye).

Matayo 24:25

Ngammuikyimbia.

Matayo 24:38

Cha kyipfa chandu kyiwekyeri mfiri iya ilesongoya Mfu wandu waweilya na inyo, wechialyika na ialyiko, mṟasa mfiri ulya Noe aleiṙa na safinenyi

Matayo 3:7

Na lyilya alewona wafoi kyiiṙi kya Mafarisayo na Masadukayo wechicha na wupatisonyi wokye, nalewawia, “Nyoe maalea ga njoka, nyi wui alemwikyimbia nyoe iṙicha nyashi-yo iicha?

Luka 17:26

Na chandu kuwei kyiyeri kya Noe, nyi wuṙo kochiwa mfiri Mana o Adamu echicha lya kawi.

Waroma 1:17

Kyipfa wusumganyi wo Ruwa wuloṟo kyiiṙi kyakye; wookyia mawookyionyi ga iiṙikyia mṟasa mafurumionyi; chandu kyikyiṟeie, “Awoṙe wusumganyi nechikaa kui iiṙikyia.”

Waroma 10:6

Indi wusumganyi wulya wokyewono kui iiṙikyia wogamba kuṙi: “Maa ulagambe mrimenyi kopfo, nyi wui echiṙo iyenda Ruwewu?” (Nyi kyimwi na isotsa Kristo na wanda).

Waroma 3:22

Nyi wusumganyi wo Ruwa wukyeri kui njia ya iiṙikyia kyiiṙi kya Yesu Kristo ko woose waiṙikyie. Kyipfa kuwoṙe kya mbaṟe ingyi-pfo.

Waroma 4:11

Na oe naleambilyia kyindo-kyi kyeloṟa kye namṙine, iṟingyishia lya wusumganyi wulya wo iiṙikyia awelyiwoṙe alandeṙino. Naiṙime iwa awu o woose waiṙikyie, maa chandu walawaṙine, kundu nawo wawetalyio wusumganyi taa.

Waroma 4:13

Kyipfa kyaasa kyilya kye nechiwa mokyioṟa o wuyana Abrahamu na kyishari kyakye waleenengo chi kui mawawaso-pfo indi kui wusumganyi waletalyio kui iiṙikyia.

Waroma 9:30

Kyasia lugambe kyikyi-ng'u? Kye wandu walaiṙikyie Ruwa, walekyeosha wusumganyi; walewona wusumganyi; kyaindi nyi wusumganyi wulya wukyeri wo iiṙikyia.

Wagalatia 5:5

Kyipfa soe kui Mumuyo luiweṙelyia ikusuria lya wusumganyi kui njia ya iiṙikyia.

Waefeso 3:9

Lyingyi-se ngyilungo tapu na oe, ngyilawaṙe wusumganyi woko ngyimonyi wulya mndu ekyewona kui iosha mawawaso, indi ngyiwaṙe wusumganyi wulya wokyewono kui iiṙikyia lyikyeri kyiiṙi kya Kristo, wusumganyi wulya wuwukyie ko Ruwa, kui iiṙikyia.

Waebrania 11:1

Kyasia, iiṙikyia nyi iambilyia shindo shiweṙelyio kulawoṙe iiya-iya. Nyi iiṙikyia nakamwi shindo shilekyewono.

Waebrania 12:25

Ambuyenyi mulalege ulya ekyeonguo. Kyipfa kokooya walalekyia walya walelega ulya alewaikyimbia urukyenyi, ngoseṟa mnu lochikyia soe lukokushowa na ulya ekyeluikyimbia ai ruwewu-pfo.

Waebrania 5:7

Yesu, mfiri-yo awei na moo, naleeṟeṟia Ruwa, echifiiṟa na itonyitsa mcheṟeṟe, Ruwa echiiṙima imkyiṟa na immbuta upfunyi, kaaṙanyio chandu awekyeri mndu aowuye na ikunda Ruwa;

Waebrania 8:5

Wekyeṟundia kyindo kyikyeri cha kyirinje kya ruwewu; chandu Mose alewio nyi Ruwa nawute, kyiyeri awekuṟeyeṟie iwika tengo lyilya; kyipfa nagamba, “Achikyia shindo shoose kui mfano ulya uleloṟo kulya fumvunyi.”

1 Petiro 3:20

wandu walawewoṙe wuindi kyiyeri kya ipfo numa, kyiyeri Ruwa alewaweṙelyia kulawoṙe iwina lyilya Noe aleachikyia safina; safina ileenenga wandu nyanya ikyia iwoogo nyi mṟinga.

2 Petiro 1:1

Inyi Simion Petiro, ngyikyeri mṟundi na msu o Yesu Kristo, ngaṟeia paruo-i ko walya walewona iiṙikyia lyimwi na soe, lyiwoṙe woguru, wusumganyinyi wo Ruwa oṙu, na Mkyiṟa Yesu Kristo.

2 Petiro 2:5

Maa Ruwa alehooṟia wuyana wulya wo kacha-pfo, indi naleende Mfu onyamaṟa wuyana wo walya walaiṙikyie Ruwa. Walekyiṟo nyi Noe amonyi awekyeri msumganyi, na wandu wengyi mfungaaṙe.

2 Petiro 3:6

Ko isho wuyana wulya wo kyiyeri kyilya wulenyamaṟo nyi mṟinga, wukorumara.