Waebrania 11:10 - Kivunjo New Testament 1999

¹⁰ Kyipfa Abrahamu naweiweṙelyia mṟi Ruwa aleukusaṟa na iuwika, mṟi ochikaa ho mlungana.

Waebrania 11:10 Iomraidhean Croise

Yohane 14:2

Kanyi ko Awu oko kuwoṙe kundu kufoi kokaa. Kyilawei kuṙo ngyiwechimmbia; kyipfa ngyindemuṟeyeṟia handu hekaa.

2 Wakorinto 5:1

Cha kyipfa luichi kye mmbiu yaṙu lukyeri nayo iha wuyanenyi ikamnyamaṟika, luwoṙe numba iwukyie ko Ruwa, numba ilangyiwikye kui mawoko, ikyeri ya mlungana ruwewu.

Waefeso 3:20

Cha kyipfa soe nyi wandu wa ruwewu; lyingyi-se luiweṙelyia na macha gang'anyi, Mkyiṟa Mndumii Yesu Kristo;

Waebrania 11:16

Kyaindi wulalu wailanga uruka lucha ngoseṟa, uruka lo ruwewu. Koikyo Ruwa ekyerigo nyi sonu ilago Ruwa owo-pfo; kyipfa nalewawikyia mṟi.

Waebrania 12:22

Indi nyoe mukokooya fumvu lya Sion, na mṟi o Ruwa ai na moo, Yerusalemu ya ruwewu, kundu kuwoṙe shiku sha malaika,

Waebrania 12:28

Kyasia, cha kyipfa luiambilyia Wumangyi wulechiiṙima iṙeṙemsho, luwaṙe isaṟia, lyilya kyipfa kya ikyo luterewe Ruwa na imwindia kui njia yechimchihiṟa, hamwi na wupfereri na wuowu;

Waebrania 13:14

Kyipfa iha luwoṙe mṟi ochikaa ho mlungana-pfo, indi luipfula mṟi ulya uicha.

Waebrania 3:4

Kyipfa orio numba ingyiwikye nyi mndu; indi ulya aleachikyia shindo shoose nyi Ruwa.

Ulogo 21:2

Na inyi ngawona mṟi ulya mweele, Yerusalemu ngyihya, ochisoka iwuka ruwewu ko Ruwa, umṟeyeṟe, cha mpora amchopo kyipfa kya mii okye.