Waebrania 10:11 - Kivunjo New Testament 1999

¹¹ Na orio mkohanyi nekyegoṟoka orio mfiri echiṟunda cha mkohanyi, na ienengyia shiṙaso shilya shilya kafong'ui; shiṙaso shilechiiṙima maa ale iwuta wunyamaṟi.

Waebrania 10:11 Iomraidhean Croise

Waebrania 10:1

Kyasia uwawaso, kyipfa nyi kyirinje kya mecha gechicha, maa chi fana ya mecha-go-pfo, kui shiṙaso shilya shilya waleenengyia orio maka, shechiiṙima kyiyeri kyoose igaluo walya wekyecha iindia na iana Ruwa iwa wandu waafutsie-pfo.

Waebrania 10:4

Kyipfa kyeiṙimika samu ya mapung'a na mburu iwuta wunyamaṟi-pfo.

Waebrania 5:1

Kyipfa orio Mkohanyi ang'anyi kuta woose amsambuṟe iwuka ko wandu nammbikye kyipfa kya wandu mbonyinyi tsa Ruwa, kundu nawute shienengo kyipfa kya ngyuunyamaṟi.

Waebrania 7:27

Ulya alakundi kyindo orio mfiri, cha makohanyi walya wengyi wang'anyi, kuwooka iwuta kyiṙaso kyipfa kya ngyuunyamaṟi tsakye amonyi, numa ya iho kyipfa kya ngyuunyamaṟi tsa wandu-wo; kyipfa oe nalewuta kuṙo lyimwi, kyiyeri alereka moo okye.

Waebrania 8:2

Mṟundi o handu haele, na o tengo lyilya lya loi, lyilya Mndumii alelyiwika, maa chi mndu-pfo.

Waebrania 8:4

Kokooya awekyeri urukyenyi, awechiwa mkohanyi-pfo; kyipfa kuwoṙe wekyewuta shienengo chandu mawawaso gagambie.