Waebrania 1:6 - Kivunjo New Testament 1999

⁶ Na lyingyi-se, kyiyeri aende Mono-kye o kuwooka na wuyanenyi nagamba, “Malaika woose wa Ruwa wampfirie ndi.”

Waebrania 1:6 Iomraidhean Croise

Matayo 24:14

Lyingyi-se mbonyi ngyicha tsa Wumangyi tsechiongoyo wuyanenyi koose, iwa wuṟingyishi wo masanga goose. Iho nyiho mafurumionyi galya gechicha.”

Yohane 1:14

Na Ṙeṙo nalewa mndu, kakaa koṙu; na soe lukowona mng'ano okye, mng'ano cha o Mana kyimuumwi awukyie ko Awu; naichuo isaṟia na wuloi.

Yohane 1:18

Kuwoṙe mndu alemmbona Ruwa kyiyeri kyoose-pfo. Mana kyimuumwi ai cha Ruwa nyi oe aleshukuo mbonyi tsakye.

Yohane 3:16

Cha kyipfa nyi wuṙo Ruwa alekunda wuyana, katana awuta Mana okye kyimuumwi, kundu orio mndu amwiṙikyie alaṙekye, indi nawaṙe moo o mlungana.

Waroma 8:29

Kyipfa walya awewaichi wookyia mawookyionyi, nalewasambuṟa wookyia mawookyionyi wafananyisho na mfano o Mono-kye, kundu oe nawe mmbele o wana wa wama wafoi.

Wakolosai 1:15

Kristo nyi mfano o Ruwa alekyewono, mmbele o shindo shoose shishigumbe.

Wakolosai 1:18

Na oe nyi oe mṙoe o mmbiu, o Siṟi; na oe nyi mawookyionyi, nyi o kuwooka iṟutso ko wapfu, kundu nawe msongoru kyiiṙi kya shoose.

Waebrania 1:5

Cha kyipfa nalewia malaika uha kyiyeri kyoose, “Iyoe nyi mono-ko, inyi inu ngakufee?” Na lyingyi-se, “Inyi ngyechiwa awu kokye, na oe nechiwa mana koko?”

Waebrania 10:5

Koikyo ilyi echicha na wuyanenyi, nagamba, “Shiṙaso na shienengo ulekunda-pfo; kyaindi mmbiu nulengyiṟeyeṟia;

1 Petiro 3:22

Na oe nakyeri kuwoko ko kulyoe ko Ruwa, nayenda ruwewu, echichilyia malaika na shindo shingyi shoose shiwoṙe pfinya kulya ruwewu.

1 Yohane 4:9

Kyipfa kya ikyo ikunda lya Ruwa lyilewoneka koṙu, kye Ruwa naleṙuma Mono-kye kyimuumwi wuyanenyi, kundu luwaṙe moo kui oe.

Ulogo 1:5

Lyingyi-se shiwukyie ko Yesu Kristo, mṟingyishi ekyeafutsia shilya ateṟia, mmbele o wapfu, na ang'anyi o wamangyi wa wuyana. Ulya alukundi na ilusanja ngyuunyamaṟi tsaṙu samunyi yakye,