Tito 2:3 - Kivunjo New Testament 1999

³ Na wuṙo na wakyeku wawaṙe mkaṟo o wuele. Walawe wandu wekyeiria wandu shindo sha wongo, walawe wandu wekyenyo mpfinyo wufoi, indi wawe wandu wekyelosha shindo shicha.

Tito 2:3 Iomraidhean Croise

Waroma 1:29

Wawoṙe wuwicho wo orio mbaṟe, wunyamaṟi na lango na wuwicho. Wawoṙe wunyeng'i, na uwaagi, na wuṟiingyi, na wulembi; wandu wa makusaṟo mawicho, wekyeṙeṙa wengyi.

Waroma 16:2

Mwambilyienyi kyiiṙi kya Mndumii, chandu kyiwaṟi wandu wa Ruwa mumwenengye orio kyindo kyoose echikunda konyu; cha kyipfa oe nataramie wandu wafoi, kawengyitarama na inyi taa.

Wafilyipi 5:3

Kyaindi wuṟui wulawono konyu maa ale, maa ukoe loose, maa ilanga, chandu kyiwaṟi wandu wa Ruwa.

1 Timoteo 3:11

Na wuṙo waka wawo wawaṙe mkaṟo yechienenga wandu iwaindia. Chi wandu wekyeiria wengyi shindo sha wongo-pfo. Wandu wawoṙe meena, wekyeafutsia shoose wateṟia.

1 Timoteo 3:8

Na wuṙo mashemasi wawe wandu wawoṙe mkaṟo yechienenga wandu iwaindia. Chi wandu wekyegamba ikyi inu na kyingyi ngama-pfo. Chi wandu wekyenyo mpfinyo mnu-pfo. Chi wandu wawoṙe wulanga wo masaa ga sonu-pfo.

1 Timoteo 5:23

Wookyia wulalu ulanyo mṟinga tupu-pfo kyaindi nyo mpfinyo kyitutu, kyipfa kya ndewu yapfo, na ndoṟe-tso tsekyekutuura orio kyiyeri.

Tito 1:7

Kyipfa kyiwaṟi askofu nawe nyi mndu alekyegambo kye nawoṙe wuwicho woose. Alawe mndu mokushela, cha kyipfa nyi mndu ekyeringa iṟunda lya Ruwa. Alawe mndu ekyepfula ichihiṟa mrima okye. Alawe mwanguhu ikapo nyi nyashi, alawe mnanzi ang'u mndu moluyana. Alawe mndu awoṙe wulanga wo sonu wo masaa ga sonu.

Tito 2:4

Kundu waenengye waka wakoho wuṟango, wakunde wamii wawo, na ikunda wana wawo;

Waebrania 5:12

Cha kyipfa, kokooya kyimmbaṟi iwa walosha, (kyipfa kyiyeri kying'anyi kyamwiṙa), muwaṟi ilosho na mndu malosho ga kuwooka ga mbonyi tsa Ruwa. Na nyoe kyipfa mukyeri cha wana wanangu muwewaṟi maruwa maa chi kyelya kyikari-pfo.

Ulogo 2:20

Kyaindi ngyiwoṙe ṙeṙo kyipfa kyapfo, kye okyelega kyindo mndu mka ulya ekyelago Yesebelyi akundi-pfo. Ulya ekyegamba kye nyi moonguo shisuku na ilosha waṟundi wako na iwaṙetsa, kundu wawute shindo sha wuṟui na ilya shindo shaṙasio mafano.