Luka 6:13 - Kivunjo New Testament 1999

¹³ Na kyiyeri kya kyingoto kalaga wanalosho wakye; kasambuṟa ikumi na wawi kyiiṙi kyawo, kawalaga wasu.

Luka 6:13 Iomraidhean Croise

Ulogo 21:14

Na kyiambasa kya mṟi kyiwewoṙe ngyuurende ikumi na tsiwi, na ipfo ngyuurendenyi marina ikumi na gawi ga wasu walya ikumi na wawi wa Kyiondo kya Ruwa.

Wafilyipi 4:11

Na oe nalesambuṟa wengyi iwa wasu; na wengyi iwa weonguo shisuku; na wengyi iwa wainjilisti; na wengyi iwa walyisi na walosha;

Mariko 6:30

Na wanalosho wakasanza mbele ya Yesu, wakamwongoya mbonyi tsa shindo shoose waleṟunda, na shindo shoose walelosha.

Mariko 6:7

Kalaga walya ikumi na wawi, kawooka iwaṙuma wawi wawi, kawaenenga pfinya yechilyia waṟufui wawicho.

Matayo 9:36

Na kyiyeri alewona wuingyi wo wandu, nalewona wukyiwa mrimenyi kokye kyipfa wawewinie na inyanyaṟika cha moondo galawoṙe mlyisi.

Ulogo 18:20

Chihiyonyi kyipfa kyacho, lanyoe wandu mokyekaa ruwewu, na nyoe wandu wa Ruwa na wasu na weonguo shisuku; cha kyipfa Ruwa amwuuanduya kyipfa kya shindo ulemmbutia nyoe.

Ulogo 12:1

Na kyiṟiyisho kying'anyi kyikawoneka ruwewu; mndu mka amṟikye mnengyeṟi, na mori uwekyeri wanda ya maṙende gakye, na mṙoenyi kokye oṟo ya nyenyeri ikumi na tsiwi.

2 Petiro 3:2

Ngyikundi muiṙime ikumbuo shindo shilya shileṙeṙo kacha nyi weonguo shisuku waele; na iwawaso lyilya lya Mndumii na Mkyiṟa lyileendo nyi wasu wanyu.

Waebrania 3:1

Koikyo wana wa wama mui wandu wa Ruwa, muleiṙikyia ndago ya ruwewu, kusaṟenyi mnu mbonyi tsa msu na Mkohanyi ang'anyi kuta woose o shilya lokyeṟingyishia. Yesu,

Wafilyipi 2:20

Muwawikye urendenyi lo wasu na weonguo shisuku, na Kristo Yesu amonyi nyi igoe lying'anyi lya ndumbenyi.

Mawuto Ga Wasu 1:13

Na lyilya waleshika Yerusalemu, wakaṙooya kai, kundu wawekyekaa: Petiro, Yohane, Yakobo, Anderea, Filyipo na Tomasi, Baritolomayo na Matayo, Yakobo o Alyifayo, Simion Selote, na Yuda o Yakobo.

Luka 22:30

muiṙime ilya na inyo mesenyi yako Wumangyinyi woko; na iṙamia shitimenyi sha mng'ano, kunu mochianduya wandu wa mbaṟe ikumi na tsiwi tsa Isiraelyi.”

Luka 11:49

Na kyipfa kya ikyo wuṟango wo Ruwa wulegamba, ‘Ngyeṙuma kowo weonguo shisuku na wasu, nawo wewaaga waata kyiiṙi kyawo na iwafuna,’

Matayo 19:28

Yesu kawawia “Ny'kyaloi, ngammbia kye nyoe mulengyiosha inyi, wuyanenyi wuhya, kyiyeri Mono-Adamu echiṙamia kyiṙinyi kya mng'ano okye, na nyoe mochiṙamia shiṙinyi ikumi na shiwi, mochianduya mbaṟe ikumi na tsiwi tsa wandu wa Isiraelyi.

Matayo 10:2

Na marina ga wasu-wo ikumi na wawi nyi iga. O kuwooka nyi Simion awekyelago Petiro, na Anderea mono-wamae; Yakobo o Sebedayo, na Yohane mono-wamae.

Luka 6:14

Simion, ulya alemlaga rina lya kawi Petiro, Anderea, mono-wamae, Yakobo na Yohane, Filyipo na Baritolomayo.

Yohane 4:33

Kyasia wanalosho wakye wakawesana wo wenyi ko wenyi, “Ngyesa kuwoṙe mndu amwendie kyelya?”