Luka 16:2 - Kivunjo New Testament 1999

² Kamlaga, kammbia, ‘Nyi mbonyi tsa mbaṟe iha itsi ngyiichuoe tseṙeṙo kyipfa kyapfo? Loṟa matala ga iṟunda lyapfo, cha kyipfa uiṙima iwa-se mringyi o masaa-pfo.’

Luka 16:2 Iomraidhean Croise

Matayo 12:36

Kyasia ngammbia, ‘Orio ṙeṙo lyilawoṙe kyiira, wandu wechilyiṙeṙa, kyiwawaṟi iwia Ruwa kyimaṙuma kyelyiṙeṙa mfiri ulya o furumia.’

Matayo 20:8

Kyiyeri kuleila, monyi ṙema ulya kawia mchilyi o waṙemi wakye, ‘Laga waṙemi, uwataae wori wowo, ochiwooka na o mafurumionyi mṟasa o kuwooka.’

Luka 12:20

Kyaindi Ruwa kammbia, ‘Iyoe tondo, kyio-kyi kya inu wakundi mrima opfo. Na shindo-sho ukoomie shewa sha wui?’

Luka 12:42

Mndumii kagamba, “Kyasia, nyi wui-ng'u akyeri mṟundi msimiri, amṟango, ulya mndumii okye echimmbika nasongoye maṟunda gakye goose, naenengye wandu shelya kui kyiyeri kyiwaṟi?

Luka 16:1

Lyingyi-se nalewia wanalosho wakye. “Kuwewoṙe mndu umwi, mnjama, awewoṙe mringyi okye o masaa. Ichu naleshitakyio kokye kye naiola-ola masaa gakye.

Luka 16:3

Mringyi ulya kagamba mrimenyi kokye, ‘Ngyiwikye kuṙa? Kyipfa mndumii oko naingyifuna kyiṟundionyi kyako. Iṙema ngyeiṙima-pfo, iterewa, ngiwona sonu.

Waroma 14:12

Kyasia nyi wuṙo, orio mndu kyiiṙi kyaṙu echiwuta mbonyi tsakye amonyi mbele ya Ruwa.

1 Wakorinto 1:11

Cha kyipfa, wana wa wama wako, walya wa kanyi ko Kyiloe wangyiwia kye kuwoṙe wuṟiingyi konyu.

1 Wakorinto 4:2

Iho-se kyindo kyikyikunde waṟundinyi wa mbaṟe-i nyi mndu naafutsie kyilya ateṟie.

1 Wakorinto 4:5

Kyasia nyoe mulangyianduye kye ngyimmbicho kyipfa kya kyindo kyoose kyiyeri kyilashika, mṟasa ilyi Mndumii echicha; ulya echiloṟa shilya shikuṟiikyie meemenyi, na iloṟa makusaṟo gakyeri mrimenyi; nyi lyo-ndu orio mndu echiwona kyiṟumi kyakye ko Ruwa.

2 Wakorinto 5:10

Kyipfa kyalukooya soe loose iloṟo halya kyiṙinyi kya ianduyo kya Kristo, kundu orio mndu naambilyie wori wo shindo alewuta kyimmbiu, chandu alewuta, kye shicha ang'u shiwicho.

1 Timoteo 4:14

Ulaṙe iṟunda na kyisumbo kyilya uwoṙe, umwenengye kui ionguo shisuku na kui iyekyio mawoko nyi wameeku wa siṟi.

1 Timoteo 5:24

Ngyuunyamaṟi tsa wandu wengyi tsiwonio na pata, na tsiwasongoya iyenda kyianduyonyi, kyaindi ngyuunyamaṟi tsa wandu wengyi tsechiwono kyiyeri kyilya kyeanduya kyilashika-pfo.

1 Petiro 4:10

orio umwi iṙuana na chandu aleambilyia kyisumbo, ṟundianenyi nakyo; cha waringyi wecha wa isaṟia lya mbaṟe tsifoi lya Ruwa.

1 Petiro 4:5

Nawo wechionguo shindo walewuta ko ulya akuṟeyeṟie ianduya wai na moo na wapfu.

Ulogo 20:12

Ngawona wapfu, wang'anyi na watutu, wagoṟokyi mbele ya kyitima-kyo kya mng'ano; na shitapu shishipfunguoe; na malaika wakapfunguo kyitapu kyingyi, kyikyeri kya moo; na wapfu-wo wakaanduyo kui shindo shishiṟeie ipfo shitapunyi, iṙuana na mawuto gawo.