Luka 1:2 - Kivunjo New Testament 1999

² chandu walya waleṟingyishia na iwona mbonyi-tsi waleluongoya, hamwi na waṟundi wa Ṙeṙo lyilya wookyia mawookyionyi,

Luka 1:2 Iomraidhean Croise

Mariko 1:1

Iyi nyi Ndumi Ngyicha ya Yesu Kristo, Mono-Ruwa,

Mariko 16:20

Na walya wakafuma, wakaonguo Ndumi Ngyicha kundu koose, Mndumii echiṟunda maṟunda hamwi nawo, na iṟingyishia mbonyi tsilya kui shiṟingyishio shileoshana natso.]

Mariko 4:14

Moolyia mbeu-cho nekyewaaya Ṙeṙo lya Ruwa.

Luka 24:48

Na nyoe nyi waṟingyishi wa mbonyi-tsi.

Yohane 15:27

Na nyoe taa muingyiṟingyishia, cha kyipfa wookyia mawookyionyi muwekyeri hamwi na inyi.

Yohane 16:4

Kyaindi ngamuongoya isho, kundu kyiyeri kyiyeri-kyo kyechicha mukumbuo kye inyi nyilemmbia. Ngyilemmbia isho wookyia mawookyionyi-pfo, cha kyipfa ngyiwekyeri hamwi na nyoe.”

Mawuto Ga Wasu 1:3

Walya alekuṟingyishia kowo, kui iwuta shindo shifoi, numa ya ilyiso wukyiwa, kye nai na moo; echiwawonekyia kyiyeri kya mfiri makumi gaana, na ionguo mbonyi tsa Wumangyi wo Ruwa.

Mawuto Ga Wasu 1:8

Kyaindi mochiambilyia pfinya, Mumuyo Mweele kamcha na konyu, na nyoe mochingyiṟingyishia Yerusalemu, na urukyenyi loose lo Wayuda, na Samaria, mṟasa matsitsionyi ga uruka.”

Mawuto Ga Wasu 14:25

Na numa ya ionguo Ṙeṙo lya Ruwa kulya Perikye wakayenda mṟasa Atalyia.

Mawuto Ga Wasu 16:6

Wakaiṙa urukyenyi lo Firikyia na Galatia, wechiimo nyi Mumuyo Mweele, walaonguo Ṙeṙo lya Ruwa kulya Asia.

Mawuto Ga Wasu 17:11

Wandu-wa wawewoṙe ngaruo cha walya wa Tesalonikye-pfo, cha kyipfa waleambilyia ndumo iya kui mrima mkyesi, wakakulosha shiṟeio shiele orio mfiri, kundu wamanye kokooya mbonyi na wuṙo tsikyeri chandu Paulo alewawia.

Mawuto Ga Wasu 26:16

Kyaindi amka, ugoṟokye na maṙende gapfo, cha kyipfa ngacha na kopfo kyipfa kya ikyi, ngyikuwikye uwe mṟundi na mṟingyishi o shindo-shi uleshiwona, na shindo ochishiwona koko na shilya ngyechikuloṟa.

Mawuto Ga Wasu 4:20

kyipfa soe lochiiṙima iṙa ionguo shindo luleshiwona na ishiicho-pfo.”

Mawuto Ga Wasu 8:4

Kyaindi wandu walya wa siṟi walenyanyaṟika wakayenda ipfo na ipfo wechionguo Ṙeṙo lya Ruwa.

Waroma 15:16

kundu ngiwe mṟundi o Kristo Yesu wandunyi walakyeri Wayuda. Ngyiṟundie Ndumi Ngyicha ya Ruwa iṟunda lya wukohanyi, kundu wandu walakyeri Wayuda wawe kyiano kyechiambilyio, kyikamwilyiṟo nyi Mumuyo Mweele.

1 Wakorinto 4:1

Mndu naluwone kye lukyeri waṟundi wa Kristo, na wandu Ruwa awaenengyie iṟunda lyeonguo wuloi wokye wukuṟiikyie.

Waebrania 2:3

ngyesa soe, loiṙima kuṙa ikyia ianduyo lukomina ulogo-lu lung'anyi kuṙi lo wukyiṟo? Ulogo lulegambo kuwooka nyi Mndumii, naaho lukomanyika koṙu na ko walya waleicho.

1 Petiro 5:1

Ngyiterewa wameeku wa siṟi wakyeri konyu, inyi ngyikyeri meeku oṙiawo, na mṟingyishi o wukyiwa Kristo alelyiso, na ienengo kyiṟumi kyechiloṟo ipfo-ndu luiyenda;

2 Petiro 1:16

Kyipfa luleosha shindo shileṟeio kui wuṟango na ngyeṟo kyiyeri lulemmanyisha nyoe pfinya tsa Mndumii oṙu Yesu Kristo na icha lyakye-pfo; indi lulekolowona luwenyi wung'anyi wokye.