Filemon 1:17 - Kivunjo New Testament 1999

¹⁷ Kyasia kokooya ongyiwona inyi ngyiwoṙe iwaṙana na iyoe, ambilyia ichu kyimwi na inyi ngyimonyi.

Filemon 1:17 Iomraidhean Croise

Matayo 10:40

“Amuambilyia nyoe nangyiambilyia inyi, na oe angyiambilyia inyi, naambilyia ulya alengyiṙuma.

Matayo 18:5

Na orio oose echiambilyia mana umwi mfano o ichu kui rina lyako, nangyiambilyia inyi.”

Matayo 25:40

Na Mangyi nechigaluo, echiwawia, ‘Ny'kyaloi ngammbia, chandu mulewutia umwi o wana wa wama-wo wako wai watutu, mulengyiwutia inyi.’

Mawuto Ga Wasu 16:15

Na ampatiso, oe na walya wa kanyi kokye, kaluterewa, echigamba, “Kokooya mowona ngyiiṙikyie Ruwa, iṙenyi na kanyi koko mukae pfo. Kawatsindika wawute kuṙo.”

2 Wakorinto 8:23

Kyasia mndu kakunda mbonyi tsa Tito, oe nyi mongari oko, na mndu ngyekyeṟunda na oe kyipfa kyanyu; na mndu kakunda mbonyi tsa wana wa wama waṙu, wo nyi wandu wawaṙume nyi siṟi, na mng'ano o Kristo.

Wafilyipi 3:6

Kye wandu walaiṙikyie Ruwa nyi weoṟa handu hamwi na soe wa kyioṟa kyimwi, na wa mmbiu umwi, na iambilyia hamwi kilya Ruwa aleteṟia, kyikyeri kyiiṙi kya Kristo Yesu kui njia ya Ndumi Ngyicha.

Waefeso 1:7

Wuṙo wuṙo chandu kyikyeri iṟunda lyako ikusaṟa ishi kyipfa kyanyu moose; cha kyipfa nyoe mukyeri mrimenyi koko; cha kyipfa kyipfungonyi kyako na iṟundenyi lyeringa kyiṟumi kya Ndumi Ngyicha, na iiṟingyishia, nyoe moose muleambilyia isaṟia-lyi hamwi na inyi.

1 Timoteo 6:2

Na walya wawoṙe wandumii waiṙikyie Yesu walawamine cha kyipfa nyi wana wa wama kyiiṙi kya Yesu; indi nyi kyicha wawaṟundie, cha kyipfa wandumii-wo wekyewona kyiira kya iṟunda lyawo wawa wandu wakunde.

Filemon 1:10

Ngyikuterewa kyipfa kya mono-ko kyiiṙi kya Kristo, Onesimo;

Filemon 1:12

Ngyilemṙuma kopfo, oe amonyi, kyipfa ngyimkundi mnu.

Filemon 1:18

Na kokooya nakuwutia kyindo kyiwicho, ang'u nuimrika kyindo, ungyiwese inyi.

Waebrania 3:1

Koikyo wana wa wama mui wandu wa Ruwa, muleiṙikyia ndago ya ruwewu, kusaṟenyi mnu mbonyi tsa msu na Mkohanyi ang'anyi kuta woose o shilya lokyeṟingyishia. Yesu,

Waebrania 3:14

Cha kyipfa lowa wandu wekyekaa handu hamwi na Kristo, kokooya lokuwaṙa tapu na kyilya luleloṟa kyiyeri lulewooka iiṙikyia Yesu mṟasa mafurumionyi.

Yakobo 2:5

Wana wa wama wako wakunde, aṙanyienyi, “Ngyesa Ruwa alesambuṟa wakyiwa wa wuyana wawe wanjama wa iiṙikyia na weoṟa Wumangyi aleteṟia wamkundi-pfoe?”

1 Petiro 5:1

Ngyiterewa wameeku wa siṟi wakyeri konyu, inyi ngyikyeri meeku oṙiawo, na mṟingyishi o wukyiwa Kristo alelyiso, na ienengo kyiṟumi kyechiloṟo ipfo-ndu luiyenda;

1 Yohane 1:3

Lumuongoya nyoe Ṙeṙo lyilya lulelyiwona na ilyiicho, kundu na nyoe taa muiṙime ikaa hamwi na soe; na ikaa lyaṙu handu hamwi nyi hamwi na Awu, hamwi na Mono-kye Yesu Kristo.