Gara Worra Filiphisiiyusii 4:8 - Kitaaba Woyyuu

⁸ Waan hafeen obboleeyyan tiyya! waan dhugaa ta'e maraa, waan ulfinna qabu maraa, waan qajeellummaa ta'e maraa, waan qulqulluu ta'u maraa, waan jaalala uf keessaa qabu maraa, ka oduu mishaa uf keessaa qabu maraa, waan mishaa ta'e ka galata qabu kanniin mara yaadaa'a.

WAADAA LAMMATAA

⁸ Waan hafeen obboleeyyan tiyya, waan dhugaa ta'e maraa, waan ulfinna qabu maraa, waan qajeellummaa ta'e maraa, waan qulqulluu ta'u maraa, waan jaalala uf keessaa qabu maraa, ka oduu mishaa uf keessaa qabu maraa, waan mishaa ta'e ka galata qabu kanniin mara yaadaa'a.

Waadaa Haarawa

⁸ Sammuun keessan kanniin ka mara caalanii fi wonittoota mishaa nama galateeffachiisaniin ka guuttame haa ta'u, muumme'etti'llee yaa obboleeyyan! ulfinna dhugaalessa, ka sirrii ta'e, qulqulluu, gammachisiisa'aa fi wonittoota galateeffamaa ta'an, maraa yaadaa.

Gara Worra Filiphisiiyusii 4:8 Iomraidhean Croise

Seera Uumamaa 18:19

Inni waan qajeellumma'aatiif murtii qajeelaa godha'aa ijoollee ufiitii fi akaakayyoota ufiillee gorsa'aa isaan qajeelcha; kunillee waadaan Rabbi Abrahaamii gale akka raawwatamuuf» jedheen.

Kitaaba Saamu'eelii ka 2ffaa 1:23

«Saa'olii fi Yoonaataan wonti wol ta'aniif waan wol jaalataniif; jireennaa fi du'a isaaniitiin adda hin fooyamne, bajjaan caalaa ariifatan; leenca caalaa jajjaboota turan.

Kitaaba Saamu'eelii ka 2ffaa 23:3

Waandhi Israa'elii natti dubbateera ka Israa'eliin eegu akkana naan jedhe. namni qajeellumma'aan bulchu, ka sodaa Rabbiitiin moowu,

Kitaaba Faaru'uu 82:2

«Haga yoomii haqa dabsitan? haga yoomii hammeeyyi'iillee dalamtan?

Kitaaba Mammaakaa 11:1

Rabbi madaala sobaa hin jibba; safartuun sirri'ii garuu isa gammachiisa.

Kitaaba Mammaakaa 12:4

Dubartiin michuun abbaa manaa ufiitiif gaachena; haati manaa salphiftuun garuu akka dhukkuba lafee nyaatuuti.

Kitaaba Mammaakaa 16:11

Madaalli dhuga'aatii fi bikkituun haqaa ka Rabbiiti; safartuun qaraciitii keessaa maruu hujii harka isaati.

Kitaaba Mammaakaa 20:7

Balchaan jireenna mudaa hin qabne jiraata; ijoolleen isaa ka isaan maayessa dhufanillee eebbifamtoota.

Kitaaba Mammaakaa 31:10

Haadha manaa amala michu'uu eentu argata? isiin mi'a diimaa gatii gudda'aa caalti.

Kitaaba Mammaakaa 31:29

«Dubartoonni hedduu waan mishaa godhaniiran; ati garuu isaan maraa hin caalta.»

Kitaaba Mammaakaa 31:31

Badhaasa isi'ii ta'u kenna'aaf; hujiin isi'ii bayima marattuu isii haa galatoonfatuu.

Kitaaba Weedduu Weedduu Caalu 5:16

Afaan isaa akka dammaatitti mi'aaya; akkaataan isaa maruu namatti tola; isin babbareeddan Yerusaalemii! jaalalloon kiyya ka akkanaati.

Raajii Isaayyaasii 26:7

Waandhana karaan balchootaa hin qajeelchita; Ati qajeeleen; daandii balchootaa hin qajeelchita.

Wongeela Maatewos 22:16

Darasoota isaallee worra gosa Heroodisii woliin itti ergan. Isaanillee, «Barsiisaa'a! akka ati dhugaa taate dhugamaan akka karaa Rabbii barsiiftu hin beenna. Fuula namaa laala'aa eennuunillee wol hin caalchiftu.

Wongeela Maarqoos 6:20

Sababaan Heroodis Yohaannis nama qajeela'aa fi Woyyuu akka ta'e beekee sodaatee eessisa'aa ture. Heroodis hennaa dubbii Yohaannisii dhagaye akka malee yaaddaye. Ta'ullee gammachu'uun isa jalaa dhagaya'aa ture.

Wongeela Luqaas 16:15

Inni akkana isaaniin jedhe, «Isin namoota afo'otti balchaa uf gootan. Haa ta'uu ammo Rabbi waan garaa keessan keessa jiru hin beeka. Ka nama biratti kabajjame, Rabbiin biratti battii waan ta'eef.

Wongeela Luqaas 2:25

Hennaa san namichi maqaan isaa Simoon jedhamu ka Yerusaalemiin keessa jiraatu tokkotu jira; Inni nama qajeela'a; ka jiruu ufii Rabbiif kenneeru. Inni nama fayyinna Israa'elii eeggatu ka Ayyaanni Woyyuun irra jiru ture.

Wongeela Luqaas 23:50

Namichi miseensa gumii Yihuudotaa ka Yooseef jedhamu tokkotu ture. Inni nama misha'aa fi qajeela'a.

Wongeela Yohaannis 7:18

Ka uf irraa dubbatu ulfinna ufii barbaada. Ulfinna ka ergee ka barbaadu ammo inni nama dhuga'aati. Isa keessa hammeenni hin jiru.

Hujii Ergamootaa 10:22

Isaanillee, «Nu ajajaa dhibbaa ka Qorneelewoos jedhamu biraa dhufne; inni qajeela'aa fi nama Rabbiin sodaatu ka Yihuudota maraa biratti kabajjama'aa fi ka maqaa mishaa qabu; inni gara mana ufii si waamsisee waan ati jettu akka dhagayu, maleekkaan woyyuun isatti dubbate» jedhanii deebisaniif.

Hujii Ergamootaa 22:12

Achi namichi Hannaaniyaa jedhamu na gargaaru'uuf gara kiyya dhufe; inni nama seera sirri'itti eeguu fi Yihuudota achi jiraatan maraa biratti kabajjamaa ture.

Hujii Ergamootaa 6:3

Obboleeyyan tiyya! Namoota torbaa worra ragaa mishaa qaban, worra Ayyaana Woyyu'uu fi ogumma'aan guuttaman uf keessaa filaa'a; waan kanaaf isaan muunnaa.

Gara Worra Rooma'aa 13:13

Akka nama ifa guyya'aa keessa jiraatuutitti seeraan haa jiraannuu malee, sirbaa fi machi'iin hin ta'in; seebaru'uu fi wol qirqissuun hin ta'in.

Gara Worra Rooma'aa 13:3

Bulchoonni worra hamaa hojjatan malee, worra waan mishaa hojjatan waan hin sodaachifneef; worra baallii qaban akka hin sodaanne barbaaddaa? Waan mishaa hojjadhu; galata isa irraa argattaa.

Gara Worra Rooma'aa 14:18

Akka kanaan ka Kiristoositti bulu Rabbiin waan gammachiisuuf; nama birattillee inni ka galataati.

Gara Worra Rooma'aa 2:29

Haa ta'uu ammo ka dhossa'aan Yihuudii ta'e Yihuudi'i. Gadoomuun Ayyaana Rabbiitiin ta'u gadoomuu qalbi'iiti malee, ka kitaaba seeraatii miti. Galanni isaallee Rabbiin irraa malee, nama irraa miti.

1 Gara Worra Qorontoosii 4:5

Kanaafuu ka dukkana keessatti dhokate akkasuma Gooftaan gara ifaa baasu, ka gorsa onne'eellee ibsu haga dhufutti hennaan uduu hin geenne waan tokkollee hin murteessinaa'a. Hennaa san isaan maraafuu galanni Rabbiin biraa ta'a.

2 Gara Worra Qorontoosii 13:7

Akka waan hamaa hin goone Rabbiin isinii kadhanna; Nu worra dandeettii qabu taanee mudhatu'uufii miti. Haa ta'uu ammo nu hagamillee yoo worra dandeettii hin qabne taane, isin hennaa maraa waan mishaa akka gootaniif.

2 Gara Worra Qorontoosii 6:8

Ulfinnaa fi salphinnaan, maqaa badu'uu fi maqaa tolu'uun jiraanneerra. Nu worra dhuga'aa taanee uduu jiru dogoggorsitoota jedhamne.

2 Gara Worra Qorontoosii 8:18

Waan Dubbii Nagayaa lallabu'uutiif obboleessa keenna jaalatamaa woliin gara woldaa Kiristaanaa maraa hin ergina.

2 Gara Worra Qorontoosii 8:21

Afoo Goofta'aa calla'atti uduu hin ta'in akkasuma nama afo'ottillee waan mishaa waan yaannuuf.

Gara Worra Galaatiyaa 5:22

Daraaraan Ayyaanaa ammo jaalala, gammachuu, nagaya, obsa, arjummaa, mishooma,

Gara Worra Efesoonii 4:25

Kanaafuu soba uf keessaa balleessaa'a; nu qaama tokko waan taaneerruuf. Isin martinuu goshoo keessan woliin dhugaa qaaqaa'a.

Gara Worra Efesoonii 5:9

Daraaraan ifaa mishummaa, qajeellumma'aa fi dhugaa mara uf keessaa waan qabuuf. Kanaafuu waan Gooftaa gammachiisu qora'aa akka ijoollee ifaatitti jiraadhaa'a.

Gara Worra Efesoonii 6:14

Eeganaa mudhii keessan dhuga'aan hidhadha'aatii, qajeellummaa akka meeshaa woraanaatitti qomatti uffadha'aa dhaabadhaa'a;

Seera Keessa Deebii 16:20

Akka lubbu'uun jiraattu lafa Rabbi Waandhi kee sii kennu akka dhaaltu murtii dhuga'aa murteessi.

Gara Worra Filiphisiiyusii 3:1

Obboleeyyan tiyya! Waan hafeen Goofta'aan gammadaa'a; waan tokko deebisee isinii barreessuun na hin dhibu. Isiniif ammo nagaya.

Gara Worra Qolasaayisii 4:5

Bara keessan keessatti carraa qabdan maratti fayyadamu'uun worra hin amanne biratti ogumma'aan jiraadhaa'a.

1 Gara Ximotewoosii 3:11

Akkasuma dubartoonnii worra bilchaatan, worra nama hin hamanne, worra hagatti jiraatanii fi waan maraanuu worra amanaman haa ta'anii.

1 Gara Ximotewoosii 3:4

nama maatii ufii sirri'itti bulfatu, nama ijoollee ulfinnaan isaa ajajamtu qabu ta'uu barbaachisa.

1 Gara Ximotewoosii 5:10

Ijoollee guddisu'uun, keessummaa simachu'uun, luka woyyootaa dhiqu'uun, rakkattoota gargaaru'uun, hujii mishaa maraa hordofa'aa hujii mishaa akkanaa godhu'uun ta ragameef ta'uu barbaachisa.

1 Gara Ximotewoosii 5:2

Dubartoota jaaran akka haadhaatitti, shamarran akka obboleetti'iititti yaada qulqullaaya'aan isaan laali.

Gara Tiito'oo 1:8

Ka keessummaa simatu, ka waan mishaa ta'e jaalatu, ka uf eegu, qajeelaa, woyyu'uu fi ka uf qabu haa ta'uu.

Gara Tiito'oo 2:14

Qorichi keenna hammeenna maraa jalaa akka nu furu waan misha'aa fi qajeelaa godhu'uuf banii isaaf ta'u ufiif qulqulleessu'uuf lubbuu ufii nuu kenneera.

Gara Tiito'oo 2:2

Manguddoonni ka adaba qaban, ka kabajjaa qaban, ka uf qaban, jaalalaa fi amanta'aan jabaatanii sirrii akka ta'an gorsi.

Gara Tiito'oo 2:7

Waanuma kamiinillee waan mishaa ta'e raawwachuun uf fakkeenna mishaa godhii isaaniif uf dhiyeessi; barumsa isaan barsiiftuunillee kasoomu'uun, sirnya;

Gara Tiito'oo 3:14

Worra gosa keennaa keessattillee akkasuma jireenna bu'aa hin qabne akka hin jiraanne waan barbaachisu maraan hujii misha'aa fi uf kennuu haa baratanii.

Gara Ibirootaa 11:2

Manguddootaaf ka ragameef waan kanaan.

Gara Ibirootaa 13:18

Rabbiin nuuf kadhadhaa'a; waan maraanuu waan mishaa huju'uuf hawwii waan qabnuuf yaada qulqulluu akka qabnu hubanneerra.

Ergaa Yaaqoob 1:27

Waaqeffannaan qulqulluu ta'e, Rabbii Abbaa biratti ka mudaa hin qabne kana. Ijoollee abba'aa haadha hin qabnee fi dubartoota abbaan manaa irraa du'e gargaara'aa hamaa biyya lafaa irraa uf eeggachu'u.

Ergaa Yaaqoob 3:17

Ogummaan Rabbiin irraa ammo woyyitti'i; araaramtu'u. Gara laafetti'i; ta maarre jettu; ta araaraa fi daraaraa misha'aan guuttamte; ta mami'ii fi uf tuuluullee hin qabne.

1 Ergaa Phexiros 1:22

Dhuga'aaf ajajamma'aa jaalala obbolumma'aa ta uf tuulumma hin qabneen lubbuu teessan qulqulleessa'aa gara'aan jabeessa'aa wol jaaladhaa'a.

1 Ergaa Phexiros 2:12

Worra hujii keessan mishaa arga'aa akka waan hamaa hojjattaniititti maqaa isin balleessan, guyyaa Rabbi banii ufii laalu'uuf dhufu akka Rabbiin kabajjan worra isin hamatan jiddu'utti jireenni keessan mishaa haa ta'uu.

1 Ergaa Phexiros 4:8

Jaalalti cubbuu hedduu waan dhossituuf, waa maraa dura jabeessa'aa wol jaaladhaa'a.

2 Ergaa Phexiros 3:1

Goshoota tiyya! Ergaan amma isinii barreessu tun ta lammeesso'ooti.

1 Ergaa Yohaannis 3:18

Ijoollee tiyya! huji'ii fi dhuga'aan malee dubbi'ii fi afaan calla'aan akka wol hin jaalanne.

1 Ergaa Yohaannis 3:3

Namni Kiristoosiin abdii kana qabu maruu akkuma inni woyyuu ta'e uf woyyoomsa.

1 Ergaa Yohaannis 4:1

Goshoota tiyya! Ayyaana mara hin amaninaa'a, Haa ta'uu ammo ayyaannonni Rabbiin biraa ta'uu isaanii qoradhaa'a. Raadduun sobaa heddu gara adunyaa tanaa waan yaa'aniiraniif.

Kitaaba Ruutii 3:11

amma mucattii tiyya hin sodaatin akka ati intala adaba qabdu taate baniin biyya kiyya keessa jiru maruu waan beekaniif waan ati naan jettu maraa hin godha.