Gara Worra Filiphisiiyusii 4:3 - Kitaaba Woyyuu

³ Atillee akkasuma hujii kiyyaaf ka na woliin dhuga'aan qabamte! Akka isaan gargaartu si kadhadha; maqaan isaanii kitaaba jireennaa keessatti worra barreeffaman Qaleminxoosii fi akkasuma na woliin worra hojjatan kuuwwanillee waan Dubbii Nagayaatiif na woliin dadhabaniiran.

WAADAA LAMMATAA

³ Atillee akkasuma hujii kiyyaaf ka na woliin dhuga'aan qabamte! Akka isaan gargaartu si kadhadha; maqaan isaanii kitaaba jireennaa keessatti worra barreeffaman Qaleminxoosii fi akkasuma na woliin worra hojjatan, kuuwwanillee waan Oduu Nagayaatiif na woliin dadhabaniiran.

Waadaa Haarawa

³ Ati'llee ka achi jirttu waahelli amanamaan hujii kiyyaa, dubarttoota kanniin akka isaan gargaartuuf si ni kadhadha, dubarttoonni kunniin anaan woliin Kleeminxoosii fi worra maqaan isaanii kitaaba jireennaa irratti barreeffaman kaaniin waahellan hujii kiyyaa woliin ta'u'uun, karaa wongeela itti woliin gayu'uutiin qabssaayanii jiran.

Gara Worra Filiphisiiyusii 4:3 Iomraidhean Croise

Kitaaba Faaru'uu 69:28

Galmee jireennaa irraa haa haqaman; balchoota woliin hin laakkayamin.

Seera Bayu'uu 32:32

Amma cubbuu kana isaanii dhiisi! Yoo waan isaanii hin araaramne ta'e ammo yabo'oo galmee maqaa banii keetii itti barreessite irraa yabo'oo maqaa kiyya haqi» jedhe.

Raajii Isaayyaasii 4:3

Worri Tsiyoonitti hafan, worri Yerusaalemiin keessattillee hafan, worra Yerusaalemitti galmaayan maraa woliin woyyoota jedhanii waamaman.

Raajii Hisqeelii 13:9

Ani raattota mudhata arganii fi raattota falfalan irratti harka kiyya diriirsa; isaan gumii banii kiyyaa keessatti hin argaman; siri'ii isaan galmee banii Israa'elii keessatti hin galmaayan; isaan lafa Israa'elii keessa sirima hin seenan; hennaa san isin akka ani Rabbii maraa olii ta'e beettan.

Raajii Daani'eelii 12:1

Maleekkaan mudhata naa ibse deebi'ee akkana naan jedhe, «Bulchaan maleekkotaa guddaan Mikaa'el ka banii kee eegu hennaa san hin mudhata; hennaa fiixaan namaa uumame irraa jalqabee rakkoo guddaa mudhatee hin beennetu ta'a; garuu hennaa san baniin biyya keetii ka maqaan isaanii kitaaba Rabbii irratti barreeffame hin fayyan.

Wongeela Luqaas 10:20

Haa ta'uu ammo waan ayyaanni battiin isinii ajajameef hin gammadinaa'a; waan maqaan keessan sami'itti barreeffameef gammadaa'a.»

Gara Worra Rooma'aa 12:1

Eegasuu Obboleeyyan tiyya! Nafti keessan ka Rabbiin gammachiisuu fi ciincaa jiraataa gootanii akka dhiyeessitan, gara laafummaa Rabbiitiin isin kadhadha. Innillee tajaajila keessan ka sammuu namaatiif tolu.

Gara Worra Rooma'aa 16:12

Porofiimoona'aa fi Xiroofimoosa'atti worra hujii Goofta'aa huju'uuf dadhabanitti nagaya naa himaa'a. Xarsiidaa jaalatamtuu Goofta'aaf jettee guddiftee dadhabdetti nagaya naa himaa'a.

Gara Worra Rooma'aa 16:9

Urbaanoonni hujii Kiristoosii na woliin hojjatuuf, Siinxaakisii jaaladhutti nagaya naa himaa'a.

Gara Worra Filiphisiiyusii 1:12

Obboleeyyan tiyya! kun wonti na irra gayeef, dhugamaan Dubbii Nagayaa badhisu'uuf akka ta'e akka beettan barbaada.

Gara Worra Filiphisiiyusii 1:16

Kunniin akka ani waan Dubbii Nagayaatiif tamaaggataa ta'ee muudame beekanii jaalalaan himan.

Gara Worra Filiphisiiyusii 1:27

Eeganaa Dubbii Nagayaa ka Kiristoosiitiif akka ta'utti jiraadhaa'a; yoo kana ta'e, yoo dhufee isin arge yookaan isin irraa yoo fagaadhellee kaayyoo tokkoon jabaattanii dhaabachuu keessanii fi akka tokkumma'aan Dubbii Nagayaa wol geessu'uuf tattaafattaniirtan hin dhagayaa.

Gara Worra Filiphisiiyusii 1:7

Isin waan garaa kiyya keessa jirtaniif ani waan keessan maraaf akkana yaaduun kiyya dhuga'a. Hidhama kiyya keessattillee falmachuu kiyyaaf akka Dubbiin Nagayaa cimee dhaabatu godhuu kiyya keessatti, martii keessan Ayyaana naa kenname keessaa qoodamtaniirtan.

Gara Worra Filiphisiiyusii 4:2

Jaalatamtoota tiyya, yaada tokkoon Goofta'aan akka wolii galaniif, Eewodiyaanii fi Sinxiikee hin gorsa.

Gara Worra Qolasaayisii 1:7

Ephafiraa jaalatama'aa fi garbicha Rabbii ka nu woliin hojjatu irraa akkanatti barattan; innillee waan keessaniif tajaajilaa amanamaa Kiristoosiiti.

Mudhata Yohaannisii 13:8

Uumama adunya'aatii jalqabee worri maqaan isaanii kitaaba jireennaa ka hoolaa qalamee keessatti hin barreeffamne, worri lafa irra jiraatan maruu hin sagadaniif.

Mudhata Yohaannisii 17:8

Bineensi ati argite dur jira, amma ammo hin jiru, ashuuteen keessaa bayu'uuf ta'a; gara badi'iillee hin deema; worri maqaan isaanii uumama adunya'aa irraa jalqabee Kitaaba jireennaatitti hin barreeffamne, worri lafa irra jiraatan akka bineensi jiru, ka amma hin jirre, deebi'ee akka dhufe haga argan hin maalalfatan.

Mudhata Yohaannisii 20:12

Worra du'an didiqqa'aa fi gugurdaa teessoo isaa afoo ka dhaabatan arge; kitaabbileen banaman, kitaabni biraallee hin baname; innillee kitaaba jireennaati, worri du'anillee akkuma kitaabbilee irratti barreeffame akkuma hujii isaaniitiin qoodaman.

Mudhata Yohaannisii 20:15

Eennullee ka galmee jireennaatitti hin barreeffamne galaana ibiddaatitti gatame.

Mudhata Yohaannisii 21:27

Worra kitaaba Hoolaa Rabbii keessatti barreeffamanii achi wonti shakkisiisaan maruu worri waan hama'aa fi soba hojjatan sirima isii keessa hin seenan.

Mudhata Yohaannisii 3:5

Ka mooyatellee akkasuma uffata adii uffata. Maqaa isaallee galmee jireennaa keessaa hin haqu. Anillee abbaa kiyyaa fi Maleekkota afo'otti maqaa isaatii raga.