Gara Worra Filiphisiiyusii 2:3 - Kitaaba Woyyuu

³ Bu'aa worra kiyyaatiif jechu'uun yookaan sababaa duwwaa uf jaju'uutiin waan tokkollee hin godhinaa'a. Haa ta'uu ammo isin martinuu hiriyyaa ufii akka waan isa irra caaluutitti gara laafumma'aan haa laalu.

WAADAA LAMMATAA

³ Bu'aa worra kiyyaatiif jechu'uun yookiin sababaa duwwaa uf jaju'uutiin waan tokkollee hin godhinaa'a. Haata'uu ammoo isin martinuu hiriyyaa ufii akka waan isa irra caaluutitti gara-laafumma'aan haa laalu.

Waadaa Haarawa

³ Gara laafnnaan guutamttanii namoonni kuunniin isin irra akka fooyaya qaban taasisa'aatii lakkaayaa malee, mataa keessan jaalalaan yookiin «Ana malee eennutu jira» ufi dhaadu'uutiin jedhuun, womaayyuu hin raawwatinaa.

Gara Worra Filiphisiiyusii 2:3 Iomraidhean Croise

Kitaaba Mammaakaa 13:10

Uf jajuun loluma callaa babadhisa; ogummaan garuu worra gorsa fudhatu biratti argamti.

Wongeela Luqaas 18:14

Ani akkana isiniin jedha. Namicha fariisicha san irra namichi qaraxa guuru sun Rabbiin afo'otti balchaa ta'ee gara mana ufii deebi'e, namni ol uf qabu maruu hin salphata. Namni uf salphisu ammo hin kabajjama.»

Gara Worra Rooma'aa 12:10

Jaalala obbolumma'aatiin wol jaaladhaa'a; Wol kabajjaa'a.

Gara Worra Rooma'aa 13:13

Akka nama ifa guyya'aa keessa jiraatuutitti seeraan haa jiraannuu malee, sirbaa fi machi'iin hin ta'in; seebaru'uu fi wol qirqissuun hin ta'in.

Gara Worra Rooma'aa 2:8

Worra nama didanii bu'aa ufii soqaniif hammeeyyii ta'anii waan mishaa dhiisanii fi worra hammeenna duukaa deeman dheekkamsa Rabbiitii fi bala'atu isaan irra gaya.

1 Gara Worra Qorontoosii 15:9

Ani ergamtoota maraayyuu gadi waan ta'eef, Woldaa Kiristaanaa ta Rabbii waan ari'eef, ergamaa jedhamee waamamuun naaf hin ta'u.

1 Gara Worra Qorontoosii 3:3

Worra yaada foonii qabu waan taataniif, haga ammaa nyaata jabaa nyaachuu hin dandeettan. Hinaaffa'aa fi mormiin waan isin keessa jiruuf worra fooniin yaadu ta'uu keessanii mitii? Akka Aadaa namaatitti deddeebitanii?

2 Gara Worra Qorontoosii 12:20

Hennaa ani gara keessan dhufu akka ani barbaadu taatanii isin arguu dhabuu danda'a. Anillee akka isin jaalattan san uduu hin ta'in na argitan jedhee sodaadha. Maal laataa mormiin, hinaaffaan, lolli, diiggaan, hamiin, hasaassiin, boonuun, raafamnillee hin ta'a.

Gara Worra Galaatiyaa 5:15

Haa ta'uu ammo isin uduu wol ciniintanii fi wol nyaattan akka wol hin balleessine uf eegaa'a!

Gara Worra Galaatiyaa 5:26

Ufii wolitti kakka'aa, hinaaffaa duwwa'aan akka uf hin janye.

Gara Worra Efesoonii 4:2

Kasoo ta'u'uun, gara laafumma'aan, obsa maraan, jaalalaan wolii obsaa'a.

Gara Worra Efesoonii 5:21

Isin maruu ulfinna Kiristoosiitiif jedha'aatii wolii ajajamaa'a.

Gara Worra Filiphisiiyusii 2:14

Dhaloota daba'aa fi hamaa wodhakka'atti mudaa malee gara laafeyyii ijoollee Rabbii akka taatan uduu hin gungumne, uduu hamaa hin yaanne maraa godhaa'a.

Gara Worra Qolasaayisii 3:12

Eeganaa akka filatamtoota Rabbii woyyootaa fi worra jaalataman taatanii araara, gara laafummaa, arjummaa, lash jechuu, fayyaalumma'aa fi obsa uffadhaa'a.

Gara Worra Qolasaayisii 3:8

Amma ammo isin lola, aaruu, dhara, nama arrabsu'uu fi dubbii nama saalfachiisu kanniin maraa uf keessaa balleessaa'a.

1 Gara Ximotewoosii 6:4

Rabbiin qoruun, dubbi'iin wol woraanuu lola hamaa uf keessaa qaba. Kanniin keessaa hinaaffaa, mormuu, nama arrabsuu, yaada bada'aa fi aaruu fa'a.

1 Ergaa Phexiros 3:8

Waa maraanuu isin martinuu yaadaan tokko ta'aa'a. Rakkoon nama biraa akka waan keessan ta'eetitti laakkayaa'a. Akka obboleewwaniititti wol jaaladhaa'a, gara laafeyyi'ii fi kasoo ta'aa'a.

1 Ergaa Phexiros 5:5

Kanaafuu ka'imman! Manguddootaa ajajamaa'a; marti keessanuu wol jaalachu'uun wol gargaara'aatii kasummaa akka uffataa uffadhaa'a. «Rabbi worra uf jaju hin morma; worra kaso'oo ammo badhaadha kenna»