Gara Worra Filiphisiiyusii 2:15 - Kitaaba Woyyuu

¹⁵ Edduu isaaniititti dubbii jireennaa dhiyeessa'aa adunyaa tana keessatti akka ifaatitti mudhattan.

WAADAA LAMMATAA

¹⁵ Edduu isaaniititti dubbii jireennaa dhiyeessa'aa adunyaa tana keessatti akka ifaatitti mudhatan.

Waadaa Haarawa

¹⁵ Kun'llee yoo ta'e dhaloota daba'aa fi badaa kana jiddu'utti, heeyibi'ii fi ashaan ka isaanitti hin jirre qulqulluuwwan ijoollee Waaqaa ta'u'uun, biyya lafaa kanatti akka urjjiiwwan titti ni ifittan.

Gara Worra Filiphisiiyusii 2:15 Iomraidhean Croise

Kitaaba Faaru'uu 122:5

Worri sanyii Daawitii keessaa mootii ta'an maruu banii ufiitii murtii kennu'uuf qachattii tana keessa jiraatan.

Seera Bayu'uu 34:35

Ijoolleen Israa'elii akka fuulli Muuse'ee ife laala'aa turan; inni Rabbiin woliin qaaqu'uuf haga seenuuf deebi'ee fuulatti haguuggata ture.

Kitaaba Mammaakaa 4:18

Karaan worra balcha'aa akka ifa haga guyyaa guutu'uu ifa'aa deemuu ka akka gagaarrinna ganamaati;

Kitaaba Mammaakaa 8:8

Dubbiin afaan kiyyaa bayu maruu balcha'a; tokkollee daba'aa fi faalla'aa miti.

Raajii Isaayyaasii 60:1

Yaa Yerusaalem! ifti kee sii dhufeeraa ka'ii ibsi; ulfinni Rabbii si irratti ifa.

Raajii Daani'eelii 6:4

Achiin maayessa worri kuuwwan ka biyya bulchanii fi worri baallii qaban yakka waan Daani'eel hojjatu hujii mana mootumma'aa irratti isa himatu'uuf sababaa irra soqa'aa turan; Daani'eel ammo nama uf eeguu fi amanamaa waan tureef dogoggora yookaan yakka woyiituu isa irratti arguu hin dandeenne.

Wongeela Maatewos 10:16

Yesuus ammallee, «Ani akka hoolota Yayyii jidduu dhaxxuu isin erga; maarre akka bofaa qaroo, akka handari'ii gara laafeyyii ta'aa'a.

Wongeela Maatewos 17:17

Yesuus deebisee, «Isin dhaloota daba'aa fi worra hin amanne nana! Haga yoomii isin woliin jiraadha? Haga yoomii isinii obsa? mucaa gara kiyya fidaa'a!» jedhe.

Wongeela Maatewos 5:48

Akkuma Abbaan keessan ka sami'ii guutuu ta'e, isinillee akkasuma guutuu ta'aa'a.»

Wongeela Luqaas 1:6

Isaan lamaanuu ajaja Goofta'aatii fi seera maraanuu mudaa malee jiraachu'uun Rabbiin afo'otti qajeellota turan.

Wongeela Luqaas 6:35

Isin garuu diintota keessan jaaladhaa'a; waan mishaa isaanii godhaa'a, womaa uduu abdii hin goone liqeessaa'a; yoo san gatiin keessan guddaa ta'aa; Ijoollee Rabbii taatan. Inni worra isa hin galatoonfannee fi worra hamootaafuu arjaa waan ta'eef.

Wongeela Yohaannis 5:35

Inni ibsoo bobayuu fi ifu. Isinillee bara diqqo'oof ifa sanitti gammaduu barbaaddan.

Hujii Ergamootaa 2:40

Jecha biraallee heddu ragee, «Dhaloota dabaa kana jalaa uf oolchaa'a» jedhee isaan gorse.

Hujii Ergamootaa 20:30

darasootallee duubatti harkisu'uuf namoonni waan micciiramaa qaaqan isin keessatti akka dhalatan ani hin beeka.

Gara Worra Rooma'aa 16:19

Ajajamuun keessan nama maraa biratti waan dhagayameeruuf isinitti hin gammada; haa ta'uu ammo waan misha'aaf ogeeyyii ta'aa'a; wonti hamaan ammo akka isin hin qabne barbaada.

1 Gara Worra Qorontoosii 1:8

Innillee akkasuma guyyaa Gooftaa keenna Yesuus Kiristoosii mudaa malee akka jiraattan haga dhumaa isin dhaaba.

2 Gara Worra Qorontoosii 6:17

Kanaafuu Gooftaan, «Isaan keessaa baya'aa gargar fooyamaa'a; waan battii hin tuqinaa'a. anillee isin simadhaa;

Gara Worra Efesoonii 5:27

Xurii yookaan fuula qonshooruu yookaan wonti akkana jiru kun uduu isii irratti hin taane, woyyitti'ii fi ta mudaa hin qabne akka taatu, woldaa Kiristaanaa kabajjamtuu ta ufii godhatuu barbaade.

Seera Keessa Deebii 32:5

Isaan worra battaayan; kanaafuu ijoollee isaatii miti. Waan badaa uf irraa qaban isaan dhaloota daba'aa fi worra gara gaggalu.

Gara Worra Filiphisiiyusii 3:6

Waan hinaaffa'aa yoo gaafattan, woldaa Kiristaanaa balleessu'uuf ari'a'aa ture. Waan qajeellummaa seeraan argamuu yoo na gaafattan mudaa malee ture.

1 Gara Worra Tasaloonqee 5:23

Waandhi nagayaa qaama keessan hundaa haa woyyoomsu; ayyaanni keessan lubbuunii fi foon keessanillee hennaa Gooftaan keenna Yesuus Kiristoos dhufu mudaa malee haa eeggamanii.

1 Gara Ximotewoosii 3:10

Kunniinillee akkasuma duraa haa qoratamanii; achiin maayessa worra mudaa hin qabne yoo ta'an, gargaartoota ta'anii haa tajaajilanii.

1 Gara Ximotewoosii 3:2

Eegasuu tooyataan ka mudaa hin qabne, nama haadha manaa tokkottii qabu, ka uf qabuu fi ka hagatti jiraatu, ka akka barbaadamutti hojjatu, ka keessummaa simatu, ka barsiisuu danda'u,

1 Gara Ximotewoosii 5:14

Eegasuu durboonni qacaleen akka heeruman, ijoollee akka dayanii fi mana ufiillee akka bulchan, worri nu mormu maqaa akka nu hin balleessine isaan kana gorsa.

1 Gara Ximotewoosii 5:20

Worri biraallee akka sodaatan, worra cubbuu hujan nama maraa afo'otti gorfadhu.

1 Gara Ximotewoosii 5:7

Isaanillee mudaa malee akka jiraataniif ajaji.

Gara Tiito'oo 1:6

Manguddoonni Woldaa Kiristaanaa ka mudaa hin qabne, ka haadha manaa tokkotti'ii fi ka ijoollee amanan qabu, waan adaba dhabu'uutii fi ajajamu didu'uun ka hin himatamne yoo jiraate muudi.

Gara Tiito'oo 2:10

Uduu hin mormineef hin hanne amanamummaa mishaa mara akka argisiisan isaan gorsi.

Gara Tiito'oo 2:15

Kana maraa baalli'iin dubbadhu, gorsi, uf eeggachiisi. Eennullee si hin tuffatin.

Gara Ibirootaa 7:26

Woyyu'uu fi ka dhara hin qabne, ka mudaa hin qabne, ka cubbamtoota irraa fooyamee fi ka samii irratti kabajjame hayyichi gadichi akkanaa kun nu barbaachisa.

1 Ergaa Phexiros 2:12

Worra hujii keessan mishaa arga'aa akka waan hamaa hojjattaniititti maqaa isin balleessan, guyyaa Rabbi banii ufii laalu'uuf dhufu akka Rabbiin kabajjan worra isin hamatan jiddu'utti jireenni keessan mishaa haa ta'uu.

1 Ergaa Phexiros 2:9

Isin ammo dukkana keessaa gara ifa isaa ka maalale'eetitti ka isin waame, dhaloota mishummaa isaa dubbatu'uuf filatame, gadicha mooti'ii, banii woyyu'uu fi gosa ristii isaatiif fooyame.

2 Ergaa Phexiros 3:14

Kanaafuu jaalatamtoota tiyya! waan kana eeggata'aa fafaa fi mudaa malee nagayaan Rabbiin woliin akka jiraattan jabaadha'aa cimaa'a.

Mudhata Yohaannisii 2:5

Eeganaa maal irraa akka kufte yaadadhu. Aagiillee gali; hujii kee ka duraa san hojjadhu. Yoo cubbuu irraa deebi'uu baatte dhufee baattuu ibsa'aa kee hule'ee si jalaa fuudha.

Mudhata Yohaannisii 3:9

Worri Yihuudota uduu hin taane nu Yihuudota jedha'aa soban, worri woldaa seexanaa ta'an gara kee dhufanii luka kee jalatti akka sagadaniif akka isaan akka ani si jaaladhu beekan taasisa.