Wafilipi 2:9 - Kishambala New Testament 2005

⁹ Kwa inu mbuli Mulungu azamkweza na mwe lwingu, azamunka zina jezinka mazina yoshe,

Wafilipi 2:9 Iomraidhean Croise

Mateyo 28:18

Yesu azawaizila, azawalonga angwe: Nizainkwa ufuṅwa woshe uko mwe lwingu na kunu shi.

Luka 10:22

Vyoshe nizaviinkwa ni Tate, nkakuna mwemtaila ṅwanangwa, kushima Tate, kangi nkakuna mwemtaila Tate, kushima ṅwanangwa na yuja, ṅwanangwa ndiye akunde kumlaviliza.

Yohana 13:3

Yesu aitaile, kuti ishe azainkila vyoshe mwe mikono yakwe, kuti azalawa kwa Mulungu, kutiauya kwa Mulungu; ne ahoinuka haja, wahojiila nkande,

Yohana 17:11

Imi lushe simo mwe inu shi, miya waja wake mumu, imi naiza na kwako. Tate mṅazi, uwaγolokele waikale na zina jako, uninkilejo, kangwe waγaluke muṅwe, sa ishwi tivyo muṅwe!

Yohana 17:12

Aho ndiho nikiikala nawo, nizawaγolokela, waikale na zina jako, uninkilejo, nizawaγoja, nkakuna ṅwiyae ywawe aaγileye kushima ṅwanangwa ywa mubaniko, kangwe ugondengwa ubontoke.

Yohana 17:5

Lushe iwe Tate, nigimbika, niikale kwako na uja utana, ndiwo niina nawo kwako, ngulu ngima ishizati itulwe!

Ntuṅwa 5:31

Uyu Mulungu azamgimbika, aγaluke zumbe na mhonya, ainke Waisilayeli luvotekele, waushiliziγwe mahuza.

Waefeso 1:10

vihontokele, mishi aikileyo ndiho nezeitimize, Kilisito aγaluke mutwi wa viya vyoshe vye mwe lwingu na vye kunu shi.

Wakolose 1:18

Ṅwenye ni mutwi wa ṅwili, ni kuγamba wa bumbangwa, kangi ni ywa kuvoka, kangi ni mulimbulo wa wafilewo, kangwe ṅwenye awalongwele mwe mbuh zoshe.

2. Watesalonike 1:12

kangwe zina ja Zumbe ywetu Yesu jigimbikwe kwenyu, kangi inywi mgimbikwe ndijo kwa mbazi ya Mulungu ywetu na ya Zumbe Yesu Kilisito.

Waebuleyo 1:4

Azakulisha kuzinka walau kwa viya, ainkiγwevyo zina jewazinka. Hambu ni mlau ani, Mulungu amlongaye:

Waebuleyo 1:9

Wakundisha utanda, waihilwa ni ubezi; kwa inu mbuii Mulungu mwe Mulungu ywako azakushisha mavuta kuzinka weyawo.

Waebuleyo 12:2

timwolele Yesu, kuti ne mweandiila, kangi mwebontola viya, tivyotozesha! Uyu azaasha nyemi, aliγanyiziγweyo, azakunda kukoṅwa mwe muti, kangi nkaene shoni navyo, akibontola, azahita kwa ikala kulume kwe kiti cha Mulungu.

Waebuleyo 2:9

Ivi lushe nkatizati tione kuti: Vyoshe vyamwitika. Kuja kuγamba: Azashiγazwa hadodo, afanane na walau, taona, vizabontoka kwa Yesu, akifa na kulumiziγwa, kangi akibinda azahambiγwa na utana, azagimbikwa, kangwe icho kifa achimdomelele kila muntu kwa mbazi ya Mulungu.

1. Petelo 3:22

Hambu uyu ahitilevyo mwe lwingu kulume kwa Mulungu, aitikwa ni walan na ufuṅwa na nguvu zoshe.

2. Petelo 1:17

Hambu azashimilwa, azagimbikwa ni ishe Mulungu haja, akizalawila ni ichi kanwa chilawilecho kwe uja uṅazi ukulu muno cha kuγamba: Ṅwanangu niyemkundisha ni uyu, ne mwenitamila:

3. Yohana 1:7

Hambu waihitile iyo ntambo kwa mbuli ya zinangwa, nkawana waγwilevyo kwa wamzimu.

Mfumbulo 1:5

kangi ni mpeho yeanduka kwa Yesu Kilisito; uyu ni mwona mwe kweli, ni mulimbulo wa wafilewo, ni mweγolokela wazumbe wa shi. Azatikundisha, azatihaka na mpome yakwe,

Mfumbulo 11:15

Mlau ywa mfungate azatowa gunda, ne kuhoiviγwa mwe lwingu vyanwa vikulu angwe: Uzumbe wa ngulu ngima uzaγaluka wa Zumbe ywetu na Kilisito ywakwe, ne ndiye atoze uzumbe kale na kale.

Mfumbulo 19:16

Ana zina jigondiγwejo mwe nkazu yakwe he vindi jakwe: Mfuṅwa ywawafuṅwa, Zumbe ywa wazumbe.

Mfumbulo 3:21

Ndiye avote, nezenimfile mbazi, aikale na imi mwe kiti changu, sa imi ṅwenye nivotilevyo, nikibinda nikiikala na Tate mwe kiti chakwe. Mwena mashikilo aive,

Mfumbulo 5:12

Wazalonga navyanwavikuluangwe: Ṅwangoto akomiγweye vyamwagiza kuγuwa ufuṅwa na uzuli na viyuγo na nguvu na tae na utana na ntogolo!