Wafilipi 2:7 - Kishambala New Testament 2005

⁷ miya azakishuzula ṅwenye, azaγuwa shula ya kipuna; aho akiγalamuka kimuntu, azafanana na wantu, akiolelwa alivyo, viya ni muntu ṅwenye.

Wafilipi 2:7 Iomraidhean Croise

Mateyo 12:18

Shuyu ṅwanangu, nimshaγuleye! Shuyu mwombozi ywangu, mwetamila moyo wangu! Nezenimgele mpeho yangu, abilikile wamzimu, kuti wana masa.

Mateyo 20:28

Sa muvyomwona ṅwanangwa ywa muntu: Nkakundile kutumikilwa, miya azakunda kutumikila, akiinkile ṅwenye, akombole wantu wangi.

Maliko 9:12

Azawahilwila angwe: Kweli, bosi Eliya aiza, aγoshole vyoshe vibanikevyo, miya ni zeze, mbuli ya ṅwanangwa ywa muntu ikigondwa kuti: Nezealumiziγwe vikulu, nezeabelwe?

Luka 22:27

Mweikala he meza, hambu mweγoshola ndima? So yuja mweikala he meza? Kangi kwenyu imi nifanana, viya ni muntu ywa ndima.

Yohana 1:14

Mbulingwa izaγaluka muntu, izaikala kwetu; tizaona utana wakwe, ni utana viya wa ṅwana avyelweye ike ni ishe, hambu aigisize mbazi na kweli.

Waloma 1:3

azavyalwa kimuntu mwe mbeleko ya Dawidi,

Waloma 15:3

Hambu hata Kilisito nkakitamile ṅwenye, sa vivyogondwa: Lukanko lwa waja wekukanka nizalubadikwa imi.

Waloma 15:8

Hambu naγamba kuti: Kilisito azatumikila washengiγwewo kwa mbuli ya ukweli wa Mulungu, kangwe agele misuhi, wababa wainkiγweyo, nguvu.

Waloma 8:3

Viya mulomongwa ushidahilevyo kubontola kwa mbuli ya unyonge wa ṅwili wa kimuntu, Mulungu azavibontola akimtuma ṅwanae ṅwenye mwe shula ya ṅwili wa kihuza kwa mbuli ya uhuza, ne avyo, laha uhuza kunu shi,

2. Wakolinto 13:4

Kweli azakontelwa mwe muti, viya ni mnyonge, miya a moyo kwa nguvu ya Mulungu. Hata ishwi ti wanyonge naye, miya nemwone, kuti ti moyo haṅwe naye kwa nguvu ya Mulungu.

2. Wakolinto 8:9

Hambu mwataila izo mbazi zionekezo kwa Zumbe ywenyu Yesu Kilisito: Uyu ne al mzuli, miya azamiγalukila mkiwa, kangwe inywi mγaluke wazuli kwa nguvu ya ukiwa wakwe.

Wagalatiya 4:4

miya mishi ikitimiza, Mulungu azamtuma ṅwanae, akivyalwa ni mvyele, akiitika mulomongwa,

Wafilipi 2:6

Uyu ne aina shula ya Mulungu, kangi kuja kufanana na Mulungu nkakutozize viya ni mtalie,

Waebuleyo 12:2

timwolele Yesu, kuti ne mweandiila, kangi mwebontola viya, tivyotozesha! Uyu azaasha nyemi, aliγanyiziγweyo, azakunda kukoṅwa mwe muti, kangi nkaene shoni navyo, akibontola, azahita kwa ikala kulume kwe kiti cha Mulungu.

Waebuleyo 13:3

Fukilaiwaja washungiγwewo, viya mteshungwa haṅwe nawo! Fukilai waja welumiziγwa, kwa kuti wenye mu mumo mwe mili!

Waebuleyo 4:15

Hambu nkatina mvikizi mkulu ashinaye mbazi na manyonge yetu, hambu yohe azaγeziγwa na mbuli zoshe sa ishwi, kuti nkabanile.